人生歷程2015「貧與富」

2015年對於我嘅旅遊歷程上絕對是精彩一年，雖然唔及得上2014年嘅豐收，但單是一個橫道非洲之旅的精彩經歷，足以媲美我十年來旅遊嘅總和。即時update吓我嘅銀仔足跡先~

Day 3 非洲實況(莫三比克島)

(Day 3) 2015-9-13

住宿：Ruby backpacker

行程：Nampula —> Ilha de Mozambique

清晨0530，馬達加斯加朋友Talian要走了，話去要南部工作十四天。在住宿內陪佢等候期間，看見他手持同我隻錶同牌子Garmin嘅GPS機。嘩！要用到呢D，就問吓乜工作。

續Day 2 非洲黑夜(莫三比克Nampula)

續(Day 2) 2015-9-12

住宿：Ruby Backpacker 

行程：約翰內斯堡(南非) —> Nampula(莫三比克)

話說上回講到來到莫桑比克後受到諸多錯折，逃回住宿後面如死灰。經深呼吸冷靜過後，佢地又唔係偷又唔係搶，心諗無理由唔出去觀光架，咁不如唔好來非洲！

Day 2 恐懼(莫三比克Nampula)

(Day 2) 2015-9-12

住宿：Ruby Backpacker 

行程：約翰內斯堡(南非) —> Nampula(莫三比克)

12小時後，到達南非約翰內斯堡，打開機門即時感受到南半球嘅涼快。南非時間慢香港六小時，到埗時正值清晨時份。過了保安檢查及passport control ，原來轉機都有得蓋印架，賺左~

Day 1 請勿隨地吐痰(航班上)

(Day 1) 2015-9-11

行程：香港 —> 約翰內斯堡

買機票時無發覺出發日期原來是911，算吧，生死有命，哈哈~

今晚港女專登走半堂西班牙文來送機，可惜我比預期遲到，又激C港女，但總算時間啱啱好，苦了港女久等了。

港女於起飛前兩小時已到check in櫃台，發現無人排隊，直至我去到時仍然水靜河飛，心諗一陣長途夜機咪可以擺橫瞓晒成行座位？

歐洲浮華自駕遊後記

銀仔外遊通常於春秋兩季，上年嘅秋季剛好去完昂貴嘅結婚蜜月旅行、又擺酒攪到無晒錢，今次就決定求其搵一個較平嘅行程。求其去都揀歐洲，主要係因為來回機票連稅$4750，計落平過去日本。

Day 13 莫斯科一天遊(俄羅斯莫斯科)

(Day 13) 2015-4-13

住宿：航班上

行程：莫斯科 —> 香港

港女跟我相識後第一次既旅行就係俄羅斯，所以今次刻意安排停留莫斯科一整日。舊地重遊，走在熟悉既街道，搭交通工具，再次食當地美食。

Day 12 離開樂土(安道爾)

(Day 12) 2015-04-12

住宿 : Novotel Moscow

行程 : Sant Julià de Lòria(安道爾)—> 巴塞隆拿—> 莫斯科

晨早起床睇日出，真不願起床。當大家一同出到室外，嘩！ 不是因為美景，而是氣溫，真係好寒冷呢~

由天黑一直等晨光初現照片大地，等呀等，發現唔對路。前面阻擋著太陽嘅群山隨時2千米高，幾時先見到個太陽？就算見到都唔係日出感覺了，都是返回暖笠笠嘅被竇，再補眠一下吧！

Day 11 我想住嘅地方(安道爾)

(Day 11) 2015-04-11

住宿 : Hotel Parador de Canòlich

行程 : Bixessarri —> La Massana —> Parc Natural de la Vall de Sorteny —> 安道爾城 —> Bixessarri

「瓦魯阿圖，我想住嘅地方」這句說話早前每日透過電視洗腦嘅移民廣告，令到深入民心。我相信每個熱愛旅行嘅人心目中都有一個瓦魯阿圖，或者如近期潮文「每個男人心裡都有個黃翠如」一樣道理。

Day 10 再租車、住深山(安道爾Bixessarri)

(Day 10) 2015-04-10

住宿 : Hotel Parador de Canòlich

行程 : 巴塞羅納 —> Sant Julià de Lòria (安道爾) —> Bixessarri

今日喺團友Ellen提早回港嘅日子，先係住宿食埋尋晚買嘅角仔、市場買嘅生果作早餐。然後一齊攞行李離開住宿，咁多人梗係搭的士，民宿去到機場車費連行李費€38。

關於旅行・攝影一二事

出發非洲之旅前，收到個遠在外國嘅訊息，一位旅行界前輩已籌辦好一個極光及古巴的攝影團，想我幫手講一個以此為主題嘅旅遊講座。

15橫渡非洲之旅(前言/準備)

罪案、黑暗、暴力、貧窮、飢荒、疾病⋯ 彷彿就是非洲代名詞，尤其是撒哈拉沙漠以南。我就係想親身去睇吓係咪咁恐怖，所以這次可能是銀仔歷來最艱辛之旅。（港女按：身邊朋友有啲已消化到我近年的「驚人」舉動，有啲仲問我點解要去呢啲隨時俾人食咗都唔知嘅地方。）

Day 9 發現賊踪(西班牙巴塞隆拿)

(Day 9) 2015-04-09

住宿 : 民宿

行程 : 巴塞羅納

原本同港女有共識話自然醒，但唔知點解港女又會較鬧鐘。晨早就比佢嘈醒，唔理佢繼續瞓，瞓醒時全部人走晒，可能港女叫左我幾次都唔醒，嬲我唔理我呱⋯

瞓醒已是中午了，擦完牙港女買左一大盤士多啤梨回來燶口燶面，即時與港女用食完早餐就去聖家堂會合團友。（港女按：呢段時間兜咗幾個block，買了postcard、郵票、同埋好難食的朱古力churros。喺西班牙買郵票係要搵煙草店嘅，幾有趣。）

@1330

Day 8 逛市場、睇球賽(西班牙巴塞隆拿)

(Day 8) 2015-04-08

住宿 : 民宿Kevin Toulouse

行程 : 巴塞隆拿

一落樓就有幾間餐廳，揀咗其中一間食早餐。原來由中國人經營，港女同人講西班牙文，高Ling就同人講英文，我則同人講唔鹹唔淡嘅國語... 最後都係講普通話，中國人去異地唔係做中餐，而係做當地餐。

Day 7 高度戒備(西班牙巴塞隆拿)

(Day 7) 2015-04-07

住宿 : 民宿Kevin Toulouse

行程 : Port-Bou —> 巴塞隆拿

今早清晨5點幾起床，尋晚半夜窗外風聲颯颯，天氣應該十分寒冷。大家於住宿食尋日買嘅麵包作早餐後就出發！先幫團友們搬行李落三層樓嘅住宿，再搬超長梯級上火車站，辛苦過擔泥...

Day 6 邊境小鎮(西班牙Port-Bou)

(Day 6) 2015-04-06

住宿 : Hostel Juventus

行程 : Saint-Paul-de-Fenouillet —> Perpignan —> Port-Bou(西班牙)

由於今日中午要去邊境小鎮還車，所以早上準時起床，食酒店包嘅早餐。食早餐時無影相，只記得同高Ling玩電動榨橙汁機，用左4個橙先榨到一杯仔橙汁… （港女按：早餐的沙律吧，同尋晚晚餐的差不多。）

@0800

Day 5 山卡拉小店(法國Saint-Paul-de-Fenouillet)

(Day 5) 2015-04-05

住宿 : Hotel Le Chatelet

行程 : Nimes —> Saint-Paul-de-Fenouillet

原定只租五日車就還，今日已踏入第四日，但發現來來去去都係普羅旺斯區域。諗諗吓都玩夠了，每個小鎮也差不多，所以就決定今日趕路一去就去遠D，去較近西班牙邊境的地區。到現在才想起在法國應該要住一住酒莊，臨急抱佛腳下，上網搵到鄰近西班牙邊境、就近還車城市，位於比利牛斯山的一個酒莊。 (後來我地安咗個花名叫「牛蜱」爾士山，有養狗應該知道吧) 酒店reception幫手打咗好多次電話給酒莊，但又無人接聽。不過大家都諗住去到先算，大不了直接去還車城市吧，有車駛乜驚！呢班團友果然跟我無plan又冒險嘅團長夾得來噃！哈哈~

Day 4 古羅馬遺址(法國普羅旺斯)

(Day 4) 2015-04-04

住宿：Hotel BB

行程：Orange —> 嘉爾水道橋 —> Nimes

Orange

瞓醒執拾好行李check out，揸車去食早餐。去到露天停車場見D人好似唔使比錢泊車咁，但係出入口又有部泊車售票機喎。無謂因小失大，當然想比錢。但就唔識用部機，問緊一位嬸嬸時，又有另一個大叔加入幫忙，但都係言語不通，無辦法理解到點用。最後有另一位女士幫忙，才知道停泊45分鐘係免費的⋯ 法國人真係nice~

Day 3 續遊南法(法國普羅旺斯)

(Day 3) 2015-04-03

住宿：Ibis Hotel

行程：Gordes —> Fontaine de Vaucluse —> Avignon —> Orange

可能房間太舒適，瞓到唔想起身，而港女一早已起床並走左去食早餐了。我瞓到0900時起床，於食早餐處會合團友們，港女們對酒店既早餐讚不絕口，話係香港根本無可能食到喎！我於是都一於嘆吓法式早餐先～ 至於點讚不絕口，銀仔牛"趙"牡丹點識形容得咁入神吖，當然由港女來描述：上一次中美洲之旅，食continental breakfast食到怕，今次喺歐洲點都會好啲啩。一上到用餐區，就見到一本古巴封面嘅《時代雜誌》（英文版），當然要扮吓嘢，一邊飲茶一邊睇書啦。

Day 2 租靚車，食大餐(法國Gordes)

(Day 2) 2015-04-02

住宿：Le Mas De Gordes Hotel

行程：西班牙巴塞隆拿 —> 法國馬賽 —> Gordes

瞓醒坐酒店既接駁車出機場，check in後食老麥做早餐，無諗過外國嘅漢堡包會仲細個香港囉！之前食過嘅一定會大過香港嘛⋯

@0735

Day 1 未出發先興奮(西班牙巴塞隆拿)

(Day 1) 2015-04-01

住宿：TRYP Barcelona Aeropuerto Hotel

行程：香港 —> 莫斯科 —> 巴塞隆拿

這行程銀仔多左個名，高 Ling佢地全程叫我做團長，呢D名稱好似用來”孭鑊"喎⋯

高ling同港女最先到達機場check in，食住早餐等。我和另一位團友Ellen比較「準時」到機場，所以早餐臨急臨忙咁食。集合時，港女嬲我將佢袋護膚用品寄艙，詐晒型... （港女按：有人又話要食澳門茶餐廳乜乜乜，最後又係趕頭趕命。本來想喺禁區買護膚品，但唔捨得俾幾百蚊，見隨身有潤手霜、潤唇膏就算了。其實帶護膚品上機，除咗保養之外，仲有打發時間嘅用途，可惜銀仔唔明白呢個道理。）

過緊保安檢查時收到通知，我地有得upgrade，當然即時衝去登機口，唔係機會無左點算？

@1025

銀仔帶團浮華自駕之旅

近來銀仔十分勤力，要係秋季大旅行前清晒D遊記(希望)。清完上年年尾嘅《結婚・蜜月・旅行》後，現在要加快速度寫埋復活節嘅春季旅行先~

銀仔忽然帶團？

話說有一位叫高Ling嘅中學同學，近排成日話好想跟我去一次旅行，又成日叫我攪返團。由於搵到平機票，就聯同港女一行四人，選擇了復活節去西班牙巴塞隆拿及南法。

以銀仔來講，南法租名車，夠晒浮華

旅行x結婚x蜜月・後記

《旅行x結婚x蜜月》呢個一生人一次大Project終於完結了~ 以後旅行就真係細心遊歷，唔使再煩影婚紗相啦！Wakaka~ 講笑啫，辛苦少少都值得嘅！

Day 27 旅行・結婚・蜜月，圓滿結束

(Day 27) 2014-11-27

行程：Cancun —> 達拉斯 —> 香港

半夜三更0245起床，食咗部份尋晚買既麵包早餐就出發（港女按：好好味又好頂肚，唔似香港美X麵包空氣多過麵粉）。摸黑於公路行駛，先去還車，其間公路上不停有警車閃燈巡邏，仲截左隔離部車添⋯ 好在最後都無攪我地，準時到埗機場附近的租車公司，還車後再有職員車我地去機場。

墨西哥機場郵箱

Day 26 金玉其外(墨西哥Cancun)

(Day 26) 2014-11-26

住宿：Hotel One

行程：Coba —> Tulum —> Cancun

朝早天氣好涼，可能昨晚嘅大雨為大地降一降溫。早餐食了好普通的熱香餅、咖啡等，埋單要$150-peso($75-HKD)，貴！

@1100

Day 25 走過瑪雅遺跡(墨西哥奇琴伊察)

(Day 25) 2014-11-25

住宿：Hotel Sac Be

行程：Valladolid —> 奇琴伊察 —> Dztinup —> Ekbalam —> Coba

今早瞓過龍，早餐都無食就飛車去新七大奇蹟之一的奇琴伊察。 取車時發現尾門全部無上鎖，原來呢架手動車除了入波是手動外，倒鏡、窗、甚至連車門係無Central lock，要逐隻門於車內反鎖架! 真係手動得幾徹底噃! 手動到咁都係依家先知，即尋晚、呢兩日架車都係處於不設防狀態⋯

@0730

Day 24 自駕遊開始(墨西哥Valladolid)

(Day 24) 2014-11-24

住宿：Hotel Don Luis

行程：Cancun —> Valladolid

瞓到約1000時自然醒，起床後離開Motel。諗住沿前往奇琴伊察嘅180D Highway搵食，點知⋯ 當離開Cancun範圍後就四野無人，更加無得食!

開車至公路收費亭，才見一間小食店。原來是旅客中心，專推銷奇琴伊察套票，即門票+導遊+餐飲。我直覺覺得這些套票一定無著數，加上為求彈性我當然無買啦！小食店只得飲品同零食，唔啱醫肚。

Day 23 重投文明世界(墨西哥Cancun)

(Day 23) 2014-11-23

住宿：Motel Las Cerezas

行程：夏灣拿(古巴) —>  Cancun (墨西哥）

今日即將要離開古巴，前往本旅程嘅最後一站墨西哥東部。

一早起身，連日大雨終於結束。難得最後一日好天氣，即刻出去行街影靚相啦~ 離開遊客大街，穿梭於平民區，竟然影到我本行程最愛嘅照片！及後去埋港女最想去嘅malecón，可惜有好天氣，有靚景不過⋯

Day 22 偽日本人(古巴夏灣拿)

(Day 22) 2014-11-22

住宿：Casa de Juan y Margarita 

行程：Cienfuegos —> 夏灣拿

屋主晨早斷斷續續拍門，開頭都無理佢繼續瞓。到預定起身時間就應佢門，佢話1030有客人入住，要求我們1000執好行李。

磨到最後一刻，先去巴士站旁，睇吓之前經過、毫不起眼既火車站，望落一架不知是否已廢棄既火車車廂，如果要搭應該好難頂喎！

Day 21 大開殺戒(古巴Cienfuegos)

(Day 21) 2014-11-21

住宿：民宿Casa Yaité

行程：Trinidad —> Cienfuegos 

0730起床，一早起身行出天台，食民宿預備既早餐CUC$6($48-HKD)，有三色水果、麵包、炒蛋同果汁，對遊客嚟講唔貴，但唔合理，最後將飲唔晒既果汁帶走。臨走時，屋主仲問港女收返飲左雪櫃內一枝水既錢CUC$1($7.8-HKD)，真係有點離譜。（港女按：話說佢尋日收咗我地CUC$20，但食早餐時叫我地俾護照佢登記時，見到佢寫房租係CUC$15，睇嚟係古巴式打斧頭）

Day 20 童子尿(古巴Trinidad)

(Day 20) 2014-11-20

住宿：民宿

行程：夏灣拿 —> Trinidad

昨日在巴士站買了車票，南下Trinidad，於是0630起床，食完早餐執完野已0720，由於趕時間，截車多架不成後，(因為開價太高及想用當地人貨幣CUP)，係路邊經過中介人介紹下，用了$-5CUC 成功上車。 搭的士期間瘋狂補影回遺失了的照片⋯

Day 19 一無所有by港女(古巴夏灣拿)

(Day 19) 2014-11-19

住宿：Casa René

行程：夏灣拿 

港女：古巴係我今個旅程最想體驗嘅國家，可惜期望愈大，失望愈大。一到埗已諸多阻滯，幸好民宿主人非常幫忙，住宿一帶都尚算安全。第二日影完結婚相就一直落雨，只可以喺舊城區徒步閒逛。到第三日，接二連三嘅打擊實在令人崩潰。

Day 18 婚照煞科(古巴夏灣拿)

(Day 18) 2014-11-18

住宿：Casa René

行程：夏灣拿

由於係香港一早經facebook預約好當地攝影師（到而家都唔明點解佢地可以咁自由上FB），替我們影一輯婚紗相。原本約早上9時，不過喺牙買加發現9點已經好熱，所以改為8點。早D無乜人又無咁熱，所以0600已起床準備；港女穿起婚紗化埋妝，屋主René叔叔即時眼前一亮咁呀!

準時0800時有人係樓下叫我們，出露台一望已見有三人在樓下等候了，估唔到幾認真製作噃!

Day 17 時光倒流(古巴夏灣拿)

(Day 17) 2014-11-17

住宿：Casa René

行程：開曼群島 —> 古巴夏灣拿

今早食自製早餐，麵包夾火腿、烚蛋，仲攞埋屋主最後一個鬆餅，因為呢個鬆餅係屋主由我地入住既第一日整比我地食的。 臨別影了張合照，但唔見埋。

趁有時間去George Town買Postcards，然後去郵局寄，郵局極富殖民地色彩，而個職員十分風趣，叫我地寫咩文字都得， 最緊要用英文寫國家名。

Day 16 魔鬼魚之城(開曼群島)

(Day 16) 2014-11-16

住宿：不知名民宿

行程：開曼群島

Captain Marvins 魔鬼魚3站tour每人$45-USD-3小時，終於搵到樣最抵玩既節目，關島睇海豚都要$50-USD啦！今次仲有得落水一齊游噃！原來民宿主人都係幫襯開呢間，都好評喎。

Day 15 加勒比海盜(開曼群島)

(Day 15) 2014-11-15

住宿：民宿

行程：開曼群島

瞓醒後民宿夫婦經已外出，食完昨晚超市買返來的早餐就出發前往博物館，因某些展廳無開，收平左。

首先焗睇15分鐘短片，講解哥倫布點樣發現開曼群島及島既發展，要睇完條片才會開門架! 好在段片都用心製作。講原住民生活、後來被英國人發現呢個島，變成殖民地既歷史，片中講及呢個博物館正坐落喺島上的舊式建築物。由於無晒D相，都唔係好記得詳情了⋯ 

Day 14 兩個世界(開曼群島)

(Day 14) 2014-11-14

住宿：不知名民宿

行程：Montego bay(Jamaica) —> 開曼群島

晨早起床，貼心管家已為我們準備好早餐，尋日話我地好耐無食過蛋，佢就整左奄列，加埋喺超市買的橙汁。管家仲話沖咖啡俾我地飲，點知係雀巢即溶，削左D。。。起碼都要用特產而又唔貴既藍山咖啡吧(會唔會諗得太過完美呢)

@0700

Day 13 真正牙買加(牙買加Montego Bay)

(Day 13) 2014-11-13

住宿：Cazwin Villas民宿

行程：Negril —> Montego bay

晨咁早0700起床影婚紗相，用好有牙買加icon既街頭小舖做背景。當係第一間影完，再補多張，要移開張爛膠櫈之際，竟然發現我尋日唔見既行李牌喎！我都呆左幾秒，真的不敢相信雙眼呀！ 而港女亦話根據我往績搵返既機會係好高既！ 我諗遲D打一篇係失而復得既blog，個list可能水蛇春咁長呢：P

Day 12 擁抱加勒比(牙買加Negril)

(Day 12) 2014-11-12

住宿：Tensing Pen Hotel

行程：Negril

晨早起床，清新開朗~

瞓醒後大家都好回味昨晚海浪聲中渡過，咁嘈既海浪聲竟然令人熟睡喎! 大家都好驚訝!

起床食酒店包既早餐，原來continental早餐只係有麵包、粟米片、水果、乳酪等等，如想食隻煎蛋、火腿。。。就請另外俾錢! 以住宿既價錢來講，係當地都算天價，好心比好少少人地食啦!

@0700

Day 11 海浪聲中渡蜜月(牙買加Negril)

(Day 11) 2014-11-11

住宿：Tensing Pen Hotel

行程：Kingston(牙買加) —> Negril

0530起床，喉嚨有點唔舒服，即時沖片維他命C飲先! 收拾行裝，鎖好門就將鎖匙交給管理處，天都未光摸黑出發。

0630 到達巴士總站check in

0700準時開車

Day 10 雷鬼文化 (牙買加京士頓)

(Day 10) 2014-11-10

住宿：Chelsea 民宿$623

行程：Nasssu(巴哈馬群島) —> Kingston(牙買加)

今日終於要離開逗留一星期的巴哈馬群島，將會去蜜月既牙買加； 只要google一下”牙買加旅遊”，會發現不少國內人林林總總既遊記，遊輪、自由行、甚至自駕遊都有! 旅途上都係靠其中一個自駕遊記令我對牙買加有一點點認識咋! 有關港人對牙買加既記載及遊歷? 我更改只顯示繁體及香港都未能搵到，旅途上可能時間緊迫呱⋯

Day 9 Nassau黑夜(巴哈馬群島Nassau)

(Day 9) 2014-11-9

住宿：Grant's Abode民宿$671

行程：Harbour Island —> Nassau

結婚後第一個早晨，先去尋日攝影師帶我地去既海邊影靚相，後來先知水中既枯樹原來係該島既景點，連postcard都有架! 不過今早水漲行唔到出去，亦無尋日黃昏影婚紗相水退時一片金黃色。 影相後再行去另一面既粉紅沙灘再次感受，並裝一樽沙作婚禮手信； 星期日關係，所有賣手信舖頭關門大吉！ 想買手信都唔得！ 於是去油站買杯麵、果汁同橙早餐返酒店食。

Day 8 情定巴哈馬(巴哈馬群島Harbour Island)

(Day 8) 2014-11-8

住宿：Valentine's Resort & Marina

行程：Harbour Island

今日係我地既大喜日子，並且搬到一間較豪華既酒店，就是替我們辦婚禮既酒店。一早起身喺原來酒店食早餐，之後就執包袱去新酒店。新酒店都幾慷慨，早一晚打嚟話可以提早入住，以便準備婚禮事宜。入到酒店房，都覺得性價比合理。港女一枝箭走去沐浴更衣，銀仔亦爭取時間淥咗兩個杯麵。

Day 7 明天我要嫁給你(巴哈馬群島Harbour Island)

(Day 7) 2014-11-7

住宿：Tingum Village hotel

行程：Harbour Island

是日無晒D相，唯有用尋日既相頂替

瞓醒食完住宿包埋既早餐，婆婆個仔又同我地傾起香港革命問題，佢講開原來美國電台好偏頗，所以要睇埋BBC喎。

係大廳上一陣網，搵定下一站牙買加既資料，竟然搵到有內地人一家大細去牙買加自駕遊既遊記喎！講埋文化及食物等等好詳盡，反而就搵唔到香港人寫既遊記，你話吖，我地香港人真係唔再可以自以為是了... 於是順便book左第一晚係首都京斯敦既B&B。

Day 6 粉紅沙灘(巴哈馬群島Harbour Island)

(Day 6) 2014-11-6

住宿：Tingum Village hotel

行程：Harbour Island

0930好有動力起床，就係因為食包埋既早餐，因為呢度物價實在太貴了，就算只有麵包加牛油／果醬、水果、咖啡同橙汁已經謝天謝地。

食飽第一時間去粉紅沙灘，因為粉紅沙灘係東面，要早上去先較pink架！(我估計) 

嘩！真係幾Pink喎！不過我攝影技術較差，要調教白平衡先有粉紅感覺。攞起D沙細看，發現真係有粉紅既粒子架！ 

因此，我地網上看到既圖片真係假得厲害，肉眼去望呈現輕微粉紅，而不是網上圖片所見粉紅得咁緊要! 再一次証明，平時聽人講、或上網所見既任何事都不能盡信，要眼見為真，耳聽為實呀!

"好似"用了陰天白平衡，沙看起來較Pink

Day 5 昂貴小島(巴哈馬群島Harbour Island)

(Day 5) 2014-11-5

住宿：Tingum Village hotel

行程：Nassau —> Harbour Island

0500大清早起床

由於屋主稱搭的士去碼頭，起碼要$40-USD，但巴士只需每人$1.5-USD，銀仔咁精打細算，當然搭巴士啦！雖然巴士不能直達，但去到市中心再搭的士都唔會咁貴嘛~

於是0615步行去驚濤拍岸既岸邊大路等車，10號巴士，果然如Shaun所講，"焚機"+ 瘋狂駕駛！ 但呢架車只去到市中心，看見有多架巴士向碼頭方向行駛，細心觀察，有一架7a巴士係去我地要到既地方，最後兩人只用了$6-USD就到了。 銀仔勁! 哈哈~ (自我陶醉)