(Day 8) 2015-04-08
住宿 : 民宿Kevin Toulouse
行程 : 巴塞隆拿
諗住今朝參觀聖家堂,點知賣飛條隊看不見龍尾,職員話排得嚟都未必買到,或者得返好晏嘅飛,提議我地上網買。於是係對面老麥黐wifi上網,買定聽日既入場券,有好多個時段選擇,連上一個tower每人€19.5。
之後搭地鐵去Liceu站,前往位於Las Ramblas嘅Sant Josep市場,可能經過尋日感覺無比想像中危險。各人也開始鬆懈下來,高Ling單邊孭住部單反相機,被地鐵職員提醒,話小心攜帶方法,治安可想而知⋯
市場除咗有新鮮食物俾人買走烹調外,亦有好多即食檔,行左好耐好多野睇。市場乾淨企理井井有條,於歐洲逛市場也是一種享受,亦都係醫肚好去處。市場內有好多西班牙火腿商店,於是買了一小包火腿€2,鮮榨飲果汁€1杯,行到賣海鮮位置食了兩隻即開生蠔,每隻€2.5。
有繁體字介紹 |
盛惠€2.5一隻 |
行完市場於門口會合團友們,決定大家自由活動,團友要繼續血拼行街,但都再次提點要小心為上。我與港女食午餐,諗起剛才市場內有好幾間即叫即整嘅海鮮店,當然去試吓啦!海鮮唔記得幾錢,但價錢合理,食完再買兩盒生果€3。喺呢個市場見到好多港人,應該係成個行程之最。
@0200
用餐後我同港女就返住宿放低剛才喺市場買嘅手信、生果。午睡片刻後,出發去魯營球場睇波。
搭地鐵前往Collblanc車站,車站內已有大量指示牌,小朋友都識去啦!我地早咗到,所以喺地鐵站附近行咗陣。由於我近來去旅行都特登帶D舊衣物去著完扔掉,然後再買過新,有新衫著之餘也可當作給自己的手信,亦不會對行李帶來負擔,所以喺Zara買咗件線衫。
去到坐九萬多人嘅魯營球場,今日對手阿美尼亞是弱旅,我當然唔怕無波飛賣啦,但門口又無人兜售門票,最後都係幫襯到售票處買票。角球旗位置每人€79,並於門口街邊檔買頸巾,港女買咗頂帽,共€30,只是平過專門店小小咋...
氣氛一般,似香港南華球賽,九萬球迷只得龍門後幾百人全程載歌載舞打氣,跟英超氣氛差九條街,可能遊客多過球迷,亦有可能戲碼差呱,相信對皇馬嘅國家打吡先會熱烈啲。
沙維、美斯、蘇亞雷斯等球星壓陣當然能輕勝對手,賽果4:0!看見蘇亞雷斯現在身穿巴塞球衣亦有一點心酸,因為我是利物浦fans嘛,而且於幾年前利物浦主場亦曾經看過佢嘅英姿⋯ 我坐嘅角球旗位置,全程主隊只得一次開角球,而入球慶祝及開角球全是另外幾面... 今次最大收穫都係見到沙維喺我呢邊開角球。由於我不是巴塞的忠實粉絲,而且愈坐愈凍,為免唔同人迫所以於80多分鐘趁早離開,以免全場九萬多人一齊散場,迫唔到上地鐵,其實最後都好多人要夾硬迫入車箱。
返到住宿附近已經好攰,唔想周圍搵嘢食,於是試吓間成日路過的日本餐廳。呢間餐廳以放題作招徠,入去才知原來又是中國人經營,有日本刺身(只有三文魚同吞拿魚)、壽司、也有中國點心,其中蝦餃唔錯!看見另一枱兩名西人,只點了少少食物,純粹來送啤酒吹水,如果以我們香港人作風實食到佢盡啦!食了好幾轉刺身,但已比較檢點了。店內有幾個年輕嘅華裔店員,佢地話跟父母離開中國過嚟生活,讀完中學之後,覺得再讀上去都唔一定搵到好工作,所以早啲出嚟做嘢仲實際。佢地識普通話、西班牙文同加泰隆尼亞文,做旅遊業一定無問題啦。
發現聖家堂這一帶的店舖基本上九成是外來人開,紀念品、雜貨店由南亞裔人士包辦,而餐館、成衣店則由中國人經營等,跟其歐洲其他大城市差不多。
@2245
Silver,好羡慕你可以在魯營現場睇波,我也是看英超的.
回覆刪除咦! 原來Andrew兄都係球迷噃~ 捧邊隊?有無去朝聖吓呀?
刪除Silver,好可惜無去朝聖.
刪除咁你未講係邊隊嘅fans噃
刪除睇埋波真犀利!聖家太多人排隊,我都冇入去.
回覆刪除我冇洗你留言,只係佢自動消失,我只在E-mail 見到你的留言咋,Google有時神神地架!
刪除所以我上網買飛過一日再去。
刪除原來留言嘅事係咁⋯ 我打得好辛苦嘛⋯哈哈~
我度都係日本餐廳中國人經營. 另外意大利餐廳係土耳其人開.
回覆刪除我有時同港女吹水,話當地人懶惰,是弱肉強食的道理。
刪除你兩個都鍾意睇球賽,好夾呀!間日本餐廳放題幾多錢?有冇影門口呀?
回覆刪除呢個要搵搵⋯ 咦! JJ你好似下一站去巴塞咁喎!
刪除未咁快,等幾個朋友一齊先去呢!
刪除快去快去,等我懷念吓~
刪除可以去敢受下現場氣氛都唔錯呀,不過波飛真係有點貴:P
回覆刪除有日本刺身又有中式點心都幾fusion^^
我覺得算平啦,如巴塞來港,波飛應該過千,仲要排通宵,仲要求其hea踢或球星唔到⋯
刪除中國人開嘅邊會正宗架。哈哈~
你成日飛,咁你咪要有好多舊衫(哈哈)!
回覆刪除不會夾硬來,會適當地扔掉既,哈哈~
刪除咁岩個日我都去左 Camp Nou 睇波 HAHA!
回覆刪除咁岩個日我都去左 Camp Nou 睇波 HAHA!
回覆刪除你係唔係連位呀?因為我 1 月尾再飛去睇波呀 。
刪除嘩!咁啱嘅!這場真是毫無氣氛⋯⋯你來緊是大戰嗎?希望氣氛會好一點。
刪除我係連位呀!係現場售票處有得劃位的,你上次不是嗎?