2008年12月24日 星期三
Day 2 寧靜小漁村(馬耳他Marsaxlokk)
住宿 :Euro $35
行程 :Valletta ---> Marsaxlokk
食早餐時傾盆大雨,心情有D灰... 好彩只係過雲雨; 食完早餐,就去買定聽晚2050去突尼斯既機票; 然後去搵今晚既住宿,因為想住吓其他既B&B。
British Hotal Euro $ 35
2008年12月13日 星期六
Day 1 初到貴境(馬耳他Velletta)
2008年11月21日 星期五
Day 1 前的一天...工作天
2008年10月24日 星期五
回來了
行李 從未執拾過
手信 從未打開過
照片 從未回味過
更遑論寫blog了...
今次既旅程竟然想快D完結,係我咁多次既旅行從未試過的!可能係去既時間唔啱… 未能享受到一個人流浪既心情! 呢個既旅程係應該年半前,又或者係幾個月後去應該會更佳, 但…當中仍有好多回味既地方…
一次既旅程,兩種既體驗,走遍兩個國家
兩種截然不同的地域
兩種截然不同的語言
兩種截然不同的宗教
兩種截然不同的民族
兩種截然不同的文化
兩種截然不同的飲食
所以…當然有兩種截然不同的體會~ 就係馬耳他&突尼西亞!
2008年10月1日 星期三
旅行準備 -- 最後召集
換歐羅
明明早幾個星期,換HKD只係$10.8,直頭係呢兩年既新低呀!!! 當時仲要係銀行都唔換... 直到出發前早兩日先急急腳去換...匯率係$11.2蝕晒!!!
寫blog呢一刻 ,原來又趺返落$10.8...唉...
資料搜集
幾乎零! 只係靠我早前做開既兩份剪報,介紹西西里同馬耳他,但從無仔細睇過!!! 又係出發早兩日先"係咁二"係網上search,print出黎仲未睇... 一切留待上機先睇...
借來的物品
阿妹既相機G7,阿牛既Diamond電話(因為有得查字典) 同事既i pod ,肥鬼既腳架... 乜都問人借! 哈哈~
今次既準備比先前既旅行一切都還少! 真唔知有乜野奇遇發生! 反正是隨意之旅 ,唔唸咁多 ! 出走吧!!!
2008年9月23日 星期二
旅行準備 -- 精挑細選MP3
但...距離出發仲有十日八日咋!!! 我仍然係一D資料都未搵!只係買左介紹西西里既U magazine,不過都未睇...
既然仲未有準備,就先挑選MP3先~ 我覺得MP3對一個人的旅途上好緊要架~
我D friend成日話我平時聽D歌比較舊,又大部份都係國語歌... 哈哈~ 有個friend係樂壇尖端,只聽新既廣東歌! 我只聽好聽既歌,不份新舊,國語廣東,但本人覺得國語歌往往較廣東歌噤聽~ 今次揀既歌,大部份都係國語歌同舊歌~
次次獨自遠行前,總會揀一堆平時比較少聽,同好舊既MP3
呢D大多係陪伴我成長既歌曲,有D仲特別有意義,並夾雜D好聽既新歌,呢堆歌曲,首首都好好聽,唔需要按下一首架~
今次有D特別加插歌,係一D早前返做舊劇集既歌,以前做又唔係點睇,反而返做又覺得幾好睇,大熱係張智霖呀!!!
西關大少 -- 相愛無夢
初哥哥 -- 祝君好
衝上雲霄 -- 歲月如歌
2008年9月2日 星期二
今次行程都未出發 ,又已買定下次既機票lu~
哎呀呀!!!
成日嗌窮既我 ,竟然今次既旅行都未出發
係早幾日又已book定下次既機票lu!!!
出發日期係下年既4月尾…
馬來西亞既…沙巴!
事原係早前收到個朋友e mail
話air asia呢間廉價航空有免費機票送
於是緊係即刻上網看個究竟啦!!!
來回馬來西亞機票只係HKD $700倒咋!!!
呢700蚊係機場稅 ,
燃油附加費同行政費等雜費黎架!
不過係book機票時有少少阻滯…
book機票時要入passport冧把呀!
因為我本passport要續期
新既passport要9月1日先攞得
但係送機票優惠去到8月31日咋!
於是即刻打比入境處睇吓可唔可以比住個冧把我先
就係咁 ,雖然遲左一日 ,但總算book到~
今次因為係短線 ,而且又有著數
所以搵到個friend陪我去
唔使一條友lu~
===================================
同埋我早幾日 ,終於戰戰兢兢咁
講左比阿媽聽我既地中海之旅lu!!!
佢無鬧我呀!
可能因為我呃佢話
有平機票又有朋友既地方住瓜…
不過原來撞正阿嫲生日tim…
又要同爸媽夾埋一齊講大話…
阿嫲已經90幾歲生日lu…
都唔知仲可陪多佢幾多個生日…
唯有中秋做節比多D錢佢飲茶
同埋返黎再多D多D搵佢啦~
歌都有得唱啦
有些心意 ,不必等那個日子嘛~
我呢個不孝子
上次去東歐就揀正阿媽中秋生日
今次又撞正阿嫲…
2008年8月21日 星期四
回憶回憶再回憶...完
係我既旅遊歷程裡面,用左咁浪漫,醉人既希臘之旅來結束我結伴同遊既階段; 接著就開始進入一人同遊,去左後來既埃及,東歐南歐等地! 亦都令我領悟左一個人旅行既樂趣!
台灣都係我一個人後才去架! 當時去埋阿里山 ,台中等地~
2008年7月29日 星期二
2008年7月24日 星期四
家事國事天下事 ,事事關心
波斯尼亞屠夫落網 涉種族滅絕 逃亡13年
被歐美官員形容為「歐洲拉登」的63歲波斯尼亞前塞族領袖卡拉季奇(Radovan Karadzic),在潛逃13年後,周一晚終在塞爾維亞 境內落網,預料他將很快被送到荷蘭 海牙 ,面臨聯合國 刑事法庭的審訊。他被指在90年代波斯尼亞內戰中,策劃種族清洗,屠殺當地回教徒。該場戰爭中導致多達30萬人死亡。
巴士被捕無反抗 「獅子頭」變蓄長髮
就像蓋達領袖拉登一樣,卡拉季奇亦是西方一直緝捕的對象。塞國警方消息稱,當局早前獲外國情報機關提供線報,監視了卡氏的藏身處數周後,周一晚於貝爾格萊特市郊拘捕他。消息人士指卡拉季奇是在巴士上被捕,「沒有抵抗」﹕「他蓄了長鬍子,頭髮染黑,拿着一個旅行袋,看似正準備離開貝爾格萊德。」卡拉季奇周一半夜接受了問話,但面對指控的他,基本上只是默不作聲。
假證件換身分 匿診所工作
塞國官員透露,卡拉季奇被捕前以假名達比奇(Dragan Dabic)在一間診所充當醫生賺錢過活,他給自己「改頭換臉」,利用假證件,以非塞爾維亞國民身分,在塞國境內生活。「他在私人診所工作,最後居住地是新貝爾格萊德一個有多座大廈的市郊。」
塞國官員展示了一張卡拉季奇的近照,照片中的他明顯比以前消瘦,其特徵的「獅子頭」髮型不見了,而是蓄起長長的白鬍子,留了長髮又架上眼鏡,與90年代時的長相判若兩人。檢控官員說﹕「卡拉季奇一直在公眾地方自由活動,連租屋給他的人,也不知道他的真正身分」。
卡拉季奇在1992至1995年的波斯尼亞戰爭期間,出任波國塞族領導人,是已故前南斯拉夫聯盟總統米洛舍維奇(Slobodan Milosevic)的盟友。1996年,前南斯拉夫問題國際刑事法庭(ICTY)指控他涉及種族清洗、反人道兩項罪行,特別指他要為長達3年多的薩拉熱窩圍城濫殺,以及1995年7月斯雷布雷尼察(Srebrenica)8000回教徒大屠殺,承擔直接責任。但卡氏易容潛逃,遭美國 懸紅500萬美元 通緝。
薩拉熱窩民眾聞訊上街慶祝
美國、歐盟 和斯雷布雷尼察大屠殺死者家屬,都對卡氏落網表示歡迎,形容是「歷史時刻」,「公義得到伸張」。歐盟表示,逮捕卡拉季奇,是塞爾維亞未來加入歐盟非常重要的一步。在波斯尼亞首都薩拉熱窩,百計民眾更湧上街唱歌慶祝,有人甚至激動得雙膝跪地。
但俄羅斯 官員則警告,對卡氏的審訊必須「不偏不倚」,皆因前南斯拉夫戰爭罪行法庭過去「常見偏頗」,又指若卡氏是戰犯,那麼1999年下令濫炸南斯拉夫平民的西方政軍領袖,也應面對戰爭罪行審訊。在貝爾格萊德,幾十名卡拉季奇支持者更在戰犯法庭附近集會,高呼「卡拉季奇是英雄」,當地塞族人也普遍對他被捕感到「震驚」及「難以置信」。
======================================
睇到所以上既新聞
隨即唸起係波斯尼亞既所見所聞
隨處可見既頹垣敗瓦 ,墓地
人民面上既悲傷…
呢個仲悲情個天水圍既國家
再次在腦海中重現…
我發覺鐘意左旅行後
就對曾經去過既地方既新聞特別關心
唔通我已變了一個
對於家事國事天下事
事事關心既人?
又是一個旅行後遺証…
其實波斯尼亞風景真係好靚架~
2008年7月18日 星期五
桃花依舊
今日返舊居探完銀仔 ,
心血來潮行經二樓既天橋路過停車場
以前泊開車既車位 ,雨後既積水依舊
而且已經有新住戶居住
隔離左右既鄰居亦都人面全非
自踏上天橋開始 ,有著無限感慨
與你一起走過六年既路
穿梭過無數次
你的笑臉 ,你的姿態
彷彿見到你既身影與我再次同行
可能今日套劇集講得啱 ,
鐘意唔一定要擁有…
所以架車咪比人炒左無需再擁有law…
哈哈~
況且油價咁貴
我都唔想要d昂貴既奢侈品…
銀仔近況
銀仔既生活圈圈多左兩位同伴~
2008年7月6日 星期日
回憶之旅 -- 希臘(完)
呢一晚係加插有摩打聲中既房間渡過,尚算熟睡… 經過一晚既船程,係清晨既5點靠岸,今日係旅程既最後一日…
回到雅典,第一件事當然係去攞返第一日遺留係酒店既passport啦!!!
2008年6月28日 星期六
旅遊狂熱份子
早前工作時結識既一位朋友
是一個超級旅遊狂熱份子
甚至比我所認識既更狂熱!
佢...每個月都攞no pay leave去旅行!
佢...淨係對東南亞有興趣!
佢...大多情況下都係獨自上路!
我覺得佢...簡直是瘋的...
真的可以毫無顧忌咁想做就去咩???
我...已差不多兩年無去旅行lu...
或許...暑假後...無論如何都要做我想做既事...
或許...再踏征途...
2008年6月23日 星期一
回憶之旅 -- 希臘(十)捨不得你 Oia
2008年6月10日 星期二
回憶之旅 -- 希臘(九)Oia 尋找世上最美的日落
2008年6月7日 星期六
回憶之旅 -- Oia夢幻旅館(加強版)
今日返舊居,攞返隻載滿當年去希臘既光碟,不過呢隻光碟D相並唔係我影既,而係機師先生佢地影既,係佢去完旅行後寄比我的。
我寫回憶之旅後先再睇返,原來佢影既相有D我係無影架! 怨就怨我當時影得太少,8日行程400張相都無...
原來我未影過酒店正門架! 呢張係網上搵既相
2008年5月22日 星期四
回憶之旅 -- 希臘(八) Oia既夢幻旅館
黎到咁靚既地方,我地同機師先生佢地既唸法一樣,就係要住全Oia最好最靚既,價錢都唔係問題!
於是我地就去到當時全Oia最Top既旅館詢問,但係要成Euro$260一晚! 仲要full booking至一年後… 話就唔理價錢啫… 其實都幾貴!
2008年5月17日 星期六
包大人申冤呀!!!
差不多十日既悠長假期已到尾聲
第一次放長假無去旅行...
但係係工作上做了事非既男主角都懵然不知!
仲要係感情紏分既男主角!!!
真痴線 ,人家鬧分手又關我事
我咁啱拍左呢個新做既女同事幾個月
日對夜對 ,你話唔熟絡就假既
不過我平時工作鍾意講笑 ,hehe哈哈
又正直人家鬧分手
某少部份人咪以為我地有野law!.
不過我地真係清清白白 ,
而且大部份同事都清楚我既為人
都唔點解知果d人無証無據都講一餐
攪到男既想做傻事 ,全部上司都震晒
你話如果有人出左事 ,個製做謠言者過唔過意得去!!!
我信有報應架!!!
好在最後男既都信我 ,無誤會我
不過佢就比人調走...
咁剩低我同果個女同事 ,當然成為左"受監察"既人啦...
天呀~ 我真係最無辜果個 ,申冤呀包大人!!!
我做呢左份工都9年
話長唔長 ,話短唔短
其實我已經係工作上唔"搏" ,不問世事
做好本份 ,毫無殺傷力!
一心搵錢為去旅行~
所以我一直都極少事非
今次仲要係感情紏紛 ,聲譽受損
算啦!!!
經過今次呢件事後 ,更加心灰意冷
以後更加唔使向上級解釋點解"唔搏"
一句講晒就係唔搏!!!
2008年5月10日 星期六
回憶之旅 -- 希臘(七) 迷戀Oia
終於輪到Santorini島既Oia (伊亞) 啦~ 一處令人印象深刻,一世難忘既地方! 亦係我暫時所去過既地方,最鍾意既! 所以我要好好用心去寫,篇幅亦比較多!
2008年5月2日 星期五
回憶之旅 -- 希臘(六)Santorini (Fira)
由Mykonos搭船前往Santorini時,見返最初到雅典落機時既一啤台灣情侶,他們都是前往Santorini,於是就好自然咁join埋一齊玩勒!
2008年4月24日 星期四
回憶之旅 -- 希臘(五)Mykonos昂貴的晚餐
唉 ... yahoo blog
我剛寫完一篇blog ,將d內容字體全部set晒為large
但有字體d大 ,有d細!!! 而唸住再set返d細字體為大時一樣唔得!!!
字體既顏色亦一樣 ,想轉吓顏色又有d轉到有d轉唔到 ,
不能睇齊 ,重複多次亦一樣!!!
令到我寫好左一篇blog , d字體又大又細 ,顏色又唔同 ,
存係草稿唔想post出黎!!!
之前都未試過咁既情形 ,點解yahoo blog 系統提升工程後會咁架!!!
唔通篇篇都好似呢篇咁 ,唔較字體大細同顏色 ,死氣沉沉咁咩!!!
2008年4月14日 星期一
回憶之旅 -- 希臘(四) Mykonos
米可諾斯島Mykonos , 如果我無記錯應該係以4個 ”S”見稱
所謂4個”S”就係 “Sex” ,“Sand” ,”Sea”同 ”Sun” 勒 !
2008年4月6日 星期日
回憶之旅 -- 希臘(三) 難忘的經歷
回憶之旅 -- 希臘(三) 難忘的經歷
話說第一日已經去左雅典重點咁遊覽過,跟住就到希臘既主菜 "小島遊" 啦~ 我地挑選左兩個港人熟悉同最熱門既小島"Mykonos" 米可諾斯島 & "Santorini" 小熊維尼島... 唔係 ! 係聖杜維尼島至真~ 其實都係譯音黎啫~
2008年4月1日 星期二
維修七年的巴特農神殿
早前睇完”三色台”
話派左4個人去希臘
追蹤傳遞奧運聖火既整個個程
其間講到佢地 ,
係未開始採訪聖火前有D空檔
就去左雅典衛城既巴特農神殿參觀
話依家搭緊棚維修 ,
仲話要到2010年先完成tim!!!
於是我唸唸吓 ,
我正值寫緊既回憶之旅
係2003年去希臘時已搭棚維修緊
屈指一算咁咪要維修7年law…
D外國人工作效率真係高呀~
2003年已塔左棚架維修緊啦!!!
2008年3月30日 星期日
番禺三日兩夜之旅
係番禺既別墅玩左三日兩夜
成班人玩到癲晒
自從全部小學同學相認返後
D活動就越來越密
就係係呢度名苑別墅度過三日兩夜勒!
仲有埋架哥爾夫球車代步tim~
就係坐呢款火車上廣州勒! 有D失望tim ,因為我以為係坐子彈火車...
新淨既車箱~
廣州地鐵站內跟香港無異!
期間去左長隆歡樂世界玩同睇馬戲
馬戲團我咁大個都係第一次睇咋!
特技人既亡命表演 ,
可愛既珍禽異獸 ,真係好好睇
其實我對馬戲團一直都有一個疑問
就係點解要困住D動物 ,
唔比佢地過自由自在生活呢?
訓練佢地時又少不免會打或懲罰…
點解D動物要咁辛苦黎表演比我地睇呢???
掉返轉又唸 ,如果D野生既動物係野外
會因人類既發展而無棲身之地 ,無野食
又或者會因捕殺而減少甚至絕種
咁究竟D動物 ,好似返工咁表演比我地睇
賺到溫飽 ,定係係野外好呢?
又或者馬戲團同動物係互相幫助呢???
真係令人想不通…
2008年3月13日 星期四
回憶之旅 -- 希臘(二) 雅典
我坐既係泰航,經曼谷轉機,當時係泰航周年紀念,係航機上有抽獎,名額兩個 ,獎品係張機票!!! 無抽獎命既我當然係抽唔到啦...
獎就抽唔到,但係就獎左我一粒眼瘡! 起飛機上開始生左粒眼瘡,成個行程都帶唔到隱形眼鏡,要帶住副眼鏡,又有粒瘡咁肉酸,真係慘…
2008年3月6日 星期四
2008年2月28日 星期四
終於有新電腦用啦!!!
係上個星期六
約埋d小學同學食消夜
佢地係食消夜前黎我屋企參觀
其間唸住用我部老爺電腦上吓網
佢地緊係用到無晒心機啦...
因為超級好慢呀!!!
佢話: 唔怪得之你成日都無開msn 囉...
之前亦有好多人話個我部電腦...
偶然入黎瞓既中學同學阿牛話 :真係火滾,我真係想
打爛你部電腦!!!
堂大佬話 :你部電腦同間屋簡直完全唔襯呀!!!
其實一直都想換電腦 ,只不過唔捨得啫...
於是有個小學同學就話 ,依家成日用公司既Notebook
屋企果部"TOSHIBA"已經無用好耐
唸都唔唸就話借比我用呀~
佢仲話只係買左一年多 ,咩野功能都有齊
仲未過保樣tim!!!
真係開心到瞓唔著呀~
十分感激呢位小學同學呀!!!
(電腦既主人 ,你放心啦 ,我會對佢好D架啦~)