(Day 2) 2011-11-21
住宿 :平安賓館 $80-RMB
行程 :襄陽
8點起床，早餐食老麥，
個包比想象中細，
真係可以兩至三啖就食晒呀！
跟住就去搭0857既火車去襄陽，
車票等級係硬座
上到車車廂內感覺好草根，
唔係•••應該話起左高鐵既車廂新淨高檔左，
未起高鐵前，咪淨係得呢D平民火車坐！
反而去旅行坐平民車我幾鍾意噃，
可以真正了解當地人既生活~
話就話係硬座，其實都軟綿綿既~
係火車上真係可以睇到內地人既人生百態•••
隨地掉垃圾，隨地吐啖，
高聲說話等等•••
所以呢，去大陸旅行要好有忍耐力先得呀•••
================================
架車總站係去十椻，係12點半就到襄陽啦！
襄陽火車站係樊城果邊•••
過條馬路就係巴士總站！
呢度大部份既巴士都可以去到襄陽古城架！！！
仲有架巴士係去諸葛亮去出山前隱居既隆中Tim~
最後坐1號大巴去襄陽古城！
===============================
襄陽城係古代係數一數二既大城市，
自我小時候打機玩"三國志"，
知道襄陽城好堅固好難攻破，
到之後睇小說及讀歷史，
知道當時差不多稱霸全球既元朝蒙古軍，
都需要圍攻6年才攻破•••
再加上金庸筆下金筆一揮，
以呢段歷史作背景既神鵰俠侶
刻劃郭靖點樣鎮守襄陽城•••
種種既歷史襄陽城咁堅固
就有鐵打既襄陽既稱呼勒~
所以呢~令我對呢個千年古城響往不已，
所以短短既幾日行程只玩襄陽，
其他景點都差不多無去•••
===============================
座巴士沿途所見，
今時今日既樊城發展已超越襄陽Lu...
可能火車站就係樊城那邊瓜•••
最後係襄陽城近北門既敲樓落車
搵到間$80-RMB既住宿，
房間內仲有部腦比你任用架~
住既地方正正就係座落於仿古街
放好行李就食午餐，食左碗好辣既湯粉•••
寒冷天氣下食碗辣野真係成身都興合合呀！
食完就即刻出發前往
諸葛亮出山前隱居既古隆中先~
依家好似回到三國咁，三顧草蘆啦！
坐由火車站開出既公交大巴512號，
約40分鐘就到啦！
不過要沿住馬路行多十分鐘
先去到古隆中風景區既入口•••
去到隆中勁失望呀！
因為落雨，仲越落越大Tim...
隆中風景區入場費要$63-RMB
進入風景區後，就即時見到只係返學時代
中國歷史書本上見過既古隆中牌坊啦~
風景區著名景點有
仿諸葛亮當年既草盧，武侯寺等•••
古隆中風景區
果然山不高，水不深
但有一種臥虎藏龍既氣勢呀！
依家D雨細左
影相仲覺得有種詩意呀~
於是慢慢一步步，
感受諸葛亮當年隱居既寫意自在生活呀~
步行去風景區,穿過襄樊學院見到既有趣Banner~
仿製既草蘆內有當時三顧草蘆既情節
我射箭幾準! 射中D格肋底毛呀!!!
是日晚餐
