續Day 16 發現新大陸(巴拉圭Asuncion)

續(Day 16) 2011-02-21

住宿 :Centro Hotel $ 110000 Par ($180-HKD)

行程 :Foz do Iguacu(巴西) —> Ciudad Del Este(巴拉圭) —> Asuncion(巴拉圭)

係橋既盡頭，行過都唔覺既建築物，就係辦入境既地方! 個關員睇都唔睇，不用三秒就係本BNO蓋印，勁求其呀!!!

係呢間入境大廳裡面，仲有個旅客中心，職員操流利英語，好在問一問，原來係首都”阿松森”比南部既Encacion，前往阿根廷北部城鎮Salta更方便更快捷架! 因為首都有車直接前往Salta~

由於沿路向南美人收集情報都話，我地身處既東方市好危險，都唔想作停留，於是就係入境大廳出面，揮手截由巴西駛過來的巴士，搭去巴士總站!

係巴士上所見既東方市，就正正同羅湖一模一樣! 一個字! 亂! 其間仲見到有遊客係條街度攞部相機出黎影相Tim! 東方市都唔係咁恐怖啫~

去到巴士總站，有十個八個人都叫我地搭佢地公司既巴士； 巴士既質素參差不齊，觀察左陣，揀左架有冷氣既巴士，$20巴西里拉($ 100-HKD)，來到南美咁耐，物價終於比較平D啦~

1300開車 – 1900到

到步後已經開始日落，Lonely Planet只係介紹市中心既住宿，由於唔想個天開始黑,仲要轉車去市中心搵住宿，於是係長途巴士總站附近見有幾間住宿，便揀左間Centro Hotel($110000Par = $ 180-HKD)

酒店有點殘舊，但廁所冷氣樣樣齊，呢個既價錢，據Outdate既LP顯示，係市中心既酒店連風扇都無架!!!

安頓好一切，返去巴士站買定去阿根廷Salta既車票； 其實下一站主要既目的地係玻利維亞，而係巴拉圭首都Asuncion呢度，每日有巴士直入玻利維亞東南部既Santa Cruz架! 每日既2000發車 $ 57-USD

最後始終我都係選擇返原定計劃既路線，買左Asuncion去阿根廷Salta既車票，要係Resistencia停3個鐘換車 $89 USD

(佢話聽日星期二無車,所以買左星期三,
相信係開1,3,5都唔定)

直入玻利維亞係就係又直接又便宜，但LP只顯示呢個係唯一既口岸，而查科橫貫公路係南美最顛簸既公路tim! 好天既車程都要超過30小時，如果闖關唔成要返轉頭咪好大獲!都咪話唔嚇人! 因為BNO只係搏大霧入境咋! 雖然選擇阿根廷係兜左路，但阿根廷北部多過口岸過關，過唔到可以再試第二個嘛~

其實見價錢平咁多同方便既程度，真係有諗過搏一搏架!!!

係巴士站買飛其間，一不留神已被白紋伊蚊針左幾吓，唔怪得知LP話係巴拉圭，把蚊怕水作香水咁用啦! 因為巴拉圭位處熱帶雨林，係登革熱同黃熱病既重災區，好在早有準備，即時用衛生署醫生推介既3M蚊糕先~ (最後返到香港都持續發燒呀! 好在係虛驚一場)

晚餐返回一站式既酒店食烤牛排，大大件只係$20000-Par (即$35-HKD)

1 lite既 Local可樂 $3000-Par(即 $6-HKD)

來到南美覺得呢餐最抵既，因為暫時所見既南美物價真係貴得驚人! 這裡味道又唔錯，物價既超平，好似發現新大陸咁開心呀~

不過講真，網上搵到有關巴拉圭既資料真係少之有少，呢個新大陸等我黎用兩日一夜發掘啦~