2012年10月27日 星期六

不吐不快,又係哈薩克

有睇無線新聞既話,講述早前一個香港人,由德國踩單車回港既報導;經過多國,沿途都相安無事,唯獨偏偏又係哈薩克,主角由俄國入境,橫過哈薩克,係邊境正要離境返入中國時,同我當年一樣,又係無去移民局蓋印而唔比離境,當地關員仲一定要主角返阿拉木圖蓋好印先比離境呀!當主角再踩單車回阿拉木圖時Visa已經過期,差人仲嚇佢將要坐監Tim... 最後主角話比左$800-USD先攪掂。


如果係我,又有時間,一於發窮惡零願坐監!
哈薩克呢D咁既惡法,簡直同去搶無分別,加上依家香港又有直航機去,諗住一心探索神祕中亞既朋友,真係唔知道仲有幾多人會賴野呀!哈薩克呢個國家真係離晒普!
(我當年既慘痛遭遇,都唔想再三提及,自己搵吧!)