返來啦!

17日既波羅的海之旅玩完返黎

立陶宛, 拉脫維亞, 愛沙尼亞, 俄羅B,

加插芬蘭一個邊境小鎮~

尤其俄羅斯, 看不見鐵幕誘惑, 看不見小偷,

更加看不見危險

呢D事物係邊度可以見到? 其實大家都心照…
香港人唔好成日再話人地!

旅行其間諗吓度吓要寫既遊記

先要完成左過去積存既

才記下現在…

所以先完成南美, 再寫未完成既馬耳他

波羅的海之旅要稍後勒~


不過要先整理好今次既相先~

新的開始, 重新出發

對上一次既長線旅行足足超過一年Lu...這一年,變化也太大了! 工作環境變了,工作環境變得一片死氣沉沉,做得耐真係人都癲呀！真的要離開唞唞氣•••

續Day 21 最美星空 (玻利維亞西南山區)

2011-02-26(續Day 21)

住宿 : San Antonio De Lipez 小村莊
(團費已包)
行程 : Tupiza --＞San Antonio De Lipez
高度：最高海拔 4200M

係下午將近1700,到達今晚要住宿既村莊,San Antonio De Lipez啦!有成4200M高架!!! 村莊小小,有齊教堂同學校,係雪山既山腳下風景幽美~ 村民以養羊駝為主,一見我地影D可愛羊駝,即時灑手唔準影••• 車！ 又唔會影蝕既•••

住宿既地方,果然如報團所講既十分簡陋,真的只有極之基本既設施,沖涼更加係呢4日3色諗都唔使諗啦！

簡陋飯廳

偏遠山區無燃料供應, 煮飯要自備石油氣!

我諗山區居民都幾艱苦...

晚餐尚算豐富,有雜菜湯同勁鹹既Jama肉,Jama就係可愛既羊駝啦！
食完飯行出室外,滿天星星呀!!! 從來未見過咁靚既星空架！可能有成海拔4200米高既關係,同星空更加接近~ 恍惚身處浩瀚無邊既宇宙裡,好壯觀呀！
係我既人生旅行歷程裡,去過有好幾個地方都話,"呢度既星空係我所見既最美既"...係真既! 我好鍾意星空,而且旅行歷程上,循序漸進比我遇到,一次比一次靚既星空,香港無得睇•••最初跟團亦無睇過•••第一次係埃及既Dahab,之後係撒哈拉沙漠,跟住到南半球既島國Fiji...一次比一次壯觀! 最後到依家海拔4千幾米既高原~

我諗… 今次真的可能係最後一次話[我見過最美既星空]啦~

我相信呢個世界無乜野地方,能夠睇到美麗既星空,比得上身處毫無光害,海拔4千幾米既高原嘞!!! 除非係太空旅遊啦~

果然有如D人所講,南半球既星空比北半球既更美！可能真係太多星星,搵唔到南十字星tim•••

Join Tour呢三個晚上,係零度既溫度下拍攝星空,幾乎係我既指定節目！ 於是我每晚係極其寒冷既溫度下,架係腳架，調較相機,當按下快門後輕輕呼吸,凝望著壯麗既銀河•••

Day 21 海拔四千米的午餐(玻利維亞西南山區)

2011-02-26(Day 21)
住宿 : San Antonio De Lipez 小村莊
(團費已包)
行程 : Tupiza --＞San Antonio De Lipez
高度：海拔 4200M
南美可愛既高原動物--羊駝

出發前幾經波折,先係銀行用Credit card提款,因為攞錢要對護照,唔記得帶又要返轉頭攞•••尋日唔碌咭因為收charge幾貴,但係今日提款既款項,返到香港先知係透支黎架！!! 攪錯！提款既銀行已收左charge,我已為擋碌咭提款Tim...

返到旅行社,另一架車已經出左發啦••• 我地要從後趕上,有D唔好意思Tim... 同車兩個團友係荷蘭夫婦,開頭佢地因為等我都有D唔like架••• 不過當知道我地被搶劫後都好同情••• 男既叫Bas女既叫Kim,佢地兩人都識流利英語,同識西班牙話,4日3夜都係靠晒佢地替我們翻譯咋！


整裝待發

為我們服務既車長,係玻利維亞人,唔識英語; 我地既座駕係豐田既4驅車,一開車離開左town後,就係崎嶇既沿崖不斷上山,開始不停見到好多南美獨有既得意動物羊駝啦！ 崎嶇路上,見到彩色既群山，風景壯麗! 加埋得意既羊駝,再襯托著車上播放既民族音樂,真係一絕呀！我已決定要買返隻CD返香港聽先~

當我打呢部份既遊記時,

正在播放係玻利維亞買返黎既CD,

好似身處係4000米既高原咁呀!!!

七彩山群! 

over 4000m 既高原, 與天空很接近!

 

中午前,我地係個平原上食個early lunch先~ 係呢度我地會合同旅行社,和另一旅行社既一架車一齊食; 車長係車尾準備食物,望一望隻可顯示高度既錶,原來今餐lunch係海拔3900M下食架！ 呢隻錶特登為左今次旅程而買架！

我就係呢個3900M,有綿羊同羊駝陪同下,食呢餐高原Lunch 啦~

Join 既 Tour 係4日3夜團,雖然係比其他旅行社貴數百蚊,綜合各人意見,Tupiza Tour係最好既！ 沿途所見其他既車輛,我地坐呢架係最新最靚仔架！ 而且我地只坐4人十分舒適,其他車都坐足5個人架！後面坐足4人都幾辛苦•••所以貴得合理！


行左一陣山路架車已報滿泥濘LU...

而且其他人係Tupiza join tour既原因,係同我地一樣因為覺得出發地點最好,可以好順咁玩完西南偏遠之地,最後以天空之鏡既鹽湖Uyuni作終點~

我自己計算過,如坐車去到Uyuni先join tour,再係第二日先出發,會嘥多兩至三日時間架•••


沿路上與Bas & Kim閒談,原來佢地呢個行程,係長達一年honeymoon既一部分! 由北美既加拿大玩到南美既盡頭！勁！ 不過佢地原來唔知,Uyuni有天空之鏡既奇景喎•••只係純粹報團睇吓個鹽湖咋！

位於Uyuni既鹽湖,一定要join tour先去到,鹽湖面積有成十個香港咁大架！ 裡面無路乜無指示牌,所以一定要join tour,坐四驅車進入架！