Day 6 小企鵝(阿根廷Cabo Virgenes)

(Day 6) 2011-02-11
住宿 :Hotel Los Dos Pinos 價錢唔記得
行程 :Rio Gallegos —> Cabo Virgenes —> Rio Gallegos —> EL Catefete

書中講到，Cabo Virgenes位於Rio Gallegos東南140km，每年10月至第二年3月有大量企鵝居住。

1100個司機來到酒店接我們，係一架私家車，呢一刻才知道呢個唔係tour，只係包車前往! 出發前買定大型熱狗做午餐，因為果度係好荒蕪無野賣既!

兩個半鐘既車程，沿途只見一車車運送羊毛既貨車往來，馬路兩旁劃分好一個個地區，相信係養羊既牧場，除左牧場外看不見小鎮，真係幾荒蕪! 還有第一次見到野生Guanaco,駝鳥等動物呀~

酒店有部古董電話

======================================

到達目的地後，司機停低架車，比左一個小時咁大把既時間我地入內參觀! 

Cabo Virgenes其實係一個保育區，於是沿小徑進入，行左一陣已經見到好多企鵝啦~ 據宣傳單張講呢D係麥哲倫企鵝，佢地走路時擺擺吓，好鬼笨同好可愛呀!  而且完全唔驚人tim~ 因為地上好多既洞穴就係佢地個屋企，D企鵝要守護屋企嘛~

呢張打直睇,個洞穴係企鵝既屋企

行左一陣發覺呢個保育區一個遊客都無! 連職員到見唔到呀!!! 我諗去得南美既遊客，必定會去埋全球最南既城市烏蘇懷亞，果度近南極
乜野企鵝海師海象都睇個夠啦! 所以跟本都唔會選擇係Rio Gallegos 睇企鵝!

而我揀得係度睇企鵝，就係因為我唔會去烏蘇懷亞，我相信總有一日，會由烏蘇懷亞出發去南極的! 所以係Rio Gallegos呢度，係我係南美唯一可以睇到企鵝既地方，雖然都幾貴,但一定要去! 今次我係第一次接觸到野生企鵝呀~

==================================

1700返到Rio Gallegos，我叫司機直接送我去長途巴士站，因為我尋日係旅行社，已經買定2030去EL Catefete既巴士飛啦~

係巴士總站餐廳等食野時，發生左段低能小插曲...

由於餐廳有Free Wifi，咪諗住攞部Netbook出來上網Law，點知搵極都搵唔到舊電，咪以為留左係酒店law! 於是搭車返酒店... 總之就白走一趟啦... 原來我跟本就未搵清楚個袋...返到長途巴士站啱啱好趕到2030呢班車!

係南美第一次坐長途巴士，原來阿根廷既長途係咁舒適，座位寬敞之餘，”浪腳”位有成塊板可以放出來，將成隻腳”浪"住tim!!! 仲舒服過坐飛機呀~ 咁舒適既巴士價錢每人$78 peso($160-HKD)

經過五個小時既車程到達EL Calafete，到達時已是半夜0100 lu… 去到事先book既酒店即瞓! 因為聽朝早有車接我地去睇冰川呀!