Day 12 好一個國際旅遊大都會(烏拉圭Montevideo)

2011-02-17 (Day 12)

住宿 :Hostal USD $57

行程 :Montevideo

尋晚比人老笠無晒所有現金，好在一咭旁身! 女友香港既朋友見我們落難，即時去銀行同保險公司搵資料…

得知匯款既手續費超貴! 但係用有Plus or Cirrus既提款咭，係當地亦都有Plus or Cirrus標誌既ATM，如果顯示到你既戶口，咁就可以直接從戶口提款喇! 這樣只收手續費約USD $ 3~ 都幾抵噃~ 不過無上述兩個標誌既ATM，顯示唔到戶口就係透支，透支就唔使講收費幾甘啦!

當攞錢時仲可以揀當地錢或者美金，不同既ATM每次提款都有限制金額，大多是USD $300-500不等! 都幾方便幾抵喎~ 以後旅行都唔使帶咁多現金LU~

今日坐LOT公司既巴士，去東岸既城市Punta De Este，呢間巴士公司每架巴士有Free Wifi提供架! 講開Free Wifi，南美都算普及，比香港呢個號稱國際都會，主打旅遊業既城市好得多! 起碼我係D廉價住宿每日可以upload相上FB報平安，有Free Wifi既食市亦唔難搵! 

香港!? 我住過黃金海岸酒店無! 街外既Wifi熱點?  有…但你要係佢地既客戶，仲要join佢地個plan… 普通既餐廳更加係搵唔到! 試問外國遊客來到香港呢個國際大都會，連搵free wifi用自己部腦上網都搵唔到，真係個國際大笑話呀!

先前搵資料時搵埋巴黎，原來成個巴黎市中心都有free Wifi覆蓋架!!! 唔知係咪真架呢?

唔好講咁遠，就算連深圳皇崗部份既茶餐廳都有啦!!!

首都既長途巴士總站Tres Cruces