Day 10 真正民宿(烏拉圭Montevideo)

(Day 10) 2011-02-15
住宿 :真正民宿 唔使錢
行程 :布宜諾斯 —> Tigre —> Carmelo(烏拉圭) —> Montevideo

P.S (Day 9或之前既遊記，請移玉步往荷蘭／阿根廷篇)

玩完阿根廷南部,下一站就係去伊瓜蘇瀑布，我選擇左途經烏拉圭進入巴西。

早上食飽早餐，準備迎接今日既遷徙日! 資料顯示係布宜諾斯，分別有3條路線前往烏拉圭，最快既有船直接到烏拉圭首都，而我選擇最平最得意既路線

，就係先搭阿根廷地鐵去Tigre
1 hour $ 1.35 peso

轉火車去Tigre

Tigre好有渡假feel，呢度每日有3班車船聯營，經三角洲既烏拉圭小鎮Carmelo去首都Montevideo，分別0830, 1630, 2355 ($170 Peso)

時間關係，焗住搭1630... 據單張顯示去到Montevideo要2330呀...

==================================

Tigre坐船去Carmelo要4個鐘，呢程船沿住黃泥水既河流，兩旁盡是森林，據書講呢一帶位處三角洲，有回到原始既感覺~

==================================

去到烏拉圭既Carmelo辦完入境手續後，就轉車去首都Montevideo，車程3個多小時...

係2300終於到Montevideo啦! 由於落車既巴士站遠離市中心，又係半夜三更既關係
有D迷惘... 見有個比車睇既路牌寫住Centro，就去果個路牌方向既巴士站等車； 其間見有個女仔係巴士站等車，咪諗住問吓佢Law! 點知佢竟然有一口流利英語喎!!! 於是佢同我地一齊搭車，佢仲請埋我地tim~(因為無烏拉圭錢)

傾開原來佢係小學既英文老師，唔怪得之英文咁鬼好啦! 另外佢話係Couch Surfing 會員，即係提供免費梳化比遊客住既網上組織，佢知道我要搵住宿，仲邀請我去佢屋企過一晚tim~ 真係太好啦~ 

有得住之餘仲有得食，佢仲煮埋Pasta比我食tim~ 原來佢同家姐兩個人住，佢家組今晚唔返黎瞓，可以瞓佢家姐間房~ 當然就算正係瞓梳化都唔介意啦~ 唔使錢喎! 仲要有要求咩!!!