唔知點解,今次既旅程硬係唔上心! 最早準備既係一本全新既特區護照(我成日以為08年10月到期 ,去到入境處個職員講話我本護照09年10月先到期woo...) 正傻仔!
換歐羅
明明早幾個星期,換HKD只係$10.8,直頭係呢兩年既新低呀!!! 當時仲要係銀行都唔換... 直到出發前早兩日先急急腳去換...匯率係$11.2蝕晒!!!
寫blog呢一刻 ,原來又趺返落$10.8...唉...
資料搜集
幾乎零! 只係靠我早前做開既兩份剪報,介紹西西里同馬耳他,但從無仔細睇過!!! 又係出發早兩日先"係咁二"係網上search,print出黎仲未睇... 一切留待上機先睇...
借來的物品
阿妹既相機G7,阿牛既Diamond電話(因為有得查字典) 同事既i pod ,肥鬼既腳架... 乜都問人借! 哈哈~
今次既準備比先前既旅行一切都還少! 真唔知有乜野奇遇發生! 反正是隨意之旅 ,唔唸咁多 ! 出走吧!!!
其實搵一大堆資料, 只係為o左安心, 結果可能只係霸佔行李空間!
回覆刪除隨意之旅 ~~ sounds so exciting ar!
[版主回覆10/24/2008 16:19:00]係呀今次真係好隨意呀~
又真係幾求其喎. 不過你一個人, 到時 "主"到埋黎咪食囉....
回覆刪除[版主回覆10/24/2008 16:20:00]我呢個旅程真係煮到黎就食 ,食左好多野~
唔緊要啦, 咩都計算到, 咁咪同跟旅行團無分別 lor!
回覆刪除祝你有一個奇妙o既旅程!
[版主回覆10/24/2008 16:21:00]都幾奇妙架~
唔緊要啦,以你多年獨行俠經驗,臨時執生仲刺激,考驗到自己應對能力,增加知識,更加好 !加上馬耳他是小英國,車道巴士差佬等等都會熟口熟面,是未回歸的香港縮影,只是無中文罷!
回覆刪除祝你旅途愉快!
[版主回覆10/24/2008 16:24:00]係woo~
不過當手上毫無突尼西亞既資料就進入仲刺激呀!
就像上次闖進波斯尼亞一樣~
隨意之旅, 臨時執生仲刺激la, 祝你旅途愉快!
回覆刪除[版主回覆10/24/2008 16:25:00]回來lu... 都幾刺激架!