回憶之旅 -- 希臘(五)Mykonos昂貴的晚餐

回憶之旅 -- 希臘(五)Mykonos

"昂貴的晚餐"

St.Nikolas 教堂



教堂內部

黃昏既Mykonos

係Mykonos既晚餐,我地決定去一間餐廳食餐好既!!! 由於我地唔識點菜同唔想唸,就決定左叫廚師同我地揸fit~

一個人一個dinner,仲開左枝白酒飲tim!!! 廚師同我地唸左兩個一式一樣既晚餐,個主菜係魚黎既,外國人煮既魚一定係難食架啦...好在既其他既都唔錯! 我記得有一味係用個矮瓜包住D唔知咩肉,好好味!



食晒D野,見到支酒仲有大半支,而我地平時又好少飲酒,唔飲又好似好浪費咁... 由於唔想破壞呢度寧靜既氣氛,於是我地決定玩一個寧靜既"妹"黎了結呢支酒! 就係"青蛙跳"勒!!! 雖然都飲左好多,但係最後都剩低三份一呀...


結帳盛惠百幾蚊"歐羅"呀!!! 雖然係貴,但係都預左既; 好在2003年對換Euro既匯率極低,仲平過美金! 好似1港幣對6個幾Euro咋!!!



由於Mykonos主打既係夜生活,所以就越夜越旺! 當我帶點醉意返到房間,就即刻瞓到成隻豬咁啦~





到第二朝醒返,隔離果個就話我瞓到成隻豬咁,而佢就半夜比窗外果對情侶既親熱聲"打茄輪"嘈左好耐woo! 由於我地床頭對住窗口,窗外就有一條樓梯通落街,所以就係人都可以上到條樓梯勒 !



就係呢條樓梯勒!!! 個窗裡面就係我地間房勒~

瞓醒後再落街四圍逛吓,食野同影吓相咁; 日頭既"迷宮"又回平靜! 偶爾才見到D遊客,挪住張地圖係迷宮中鑽出鑽入!



直到下午,我地係一個雪糕屋食完雪糕同hea完後,就坐好似大郵輪咁大既快船離開Mykonos,向下一個島Santorini進發lu~



臨走前梗係四圍影吓相啦~