回憶之旅 -- 希臘(六)Santorini (Fira)

回憶之旅 -- 希臘Santorini (Fira)



由Mykonos搭船前往Santorini時,見返最初到雅典落機時既一啤台灣情侶,他們都是前往Santorini,於是就好自然咁join埋一齊玩勒!



傾談時知道,原來佢地係華航既機師同空姐,而佢地既假期有成個多月咁長!!! 去完希臘後會玩埋土耳其!




架快船真係好大架,好穩定同好快! 無耐就到左最期待既Santroini島啦！！！

Santroini島係一個由火山形成既島嶼,沿著懸崖建起既白色城鎮,層層疊疊既小白屋，小教堂，佈滿整個山頭,從船上看彷彿在山頂上鋪了一層白雪一樣,景緻迷人！




亦因為係火山島既關係，碼頭就成為全島最低既地方勒！碼頭既範圍很細，被懸崖包圍著,抬頭望著奇峭既懸崖，何其壯觀！

碼頭只有幾間酒店Agent同租車公司,當然隨即有人兜我們住宿啦～

其實Santorini島主要有兩大城鎮,Fira同Oia; Fira 係該島最大既城鎮，而Oia係北部比較小既城鎮,但就有全世界最漂亮日落既美譽．．．


我地同啤台灣情侶既唸法都係一致既,黎到Santorini島，當然要住係北部，被喻為全世界最靚日落既小鎮Oia啦！！！
幾多錢都係在所不計既！ 不過個Agent話幫我地book唔到Oia既酒店,又成日話Oia既住宿Full晒同好貴好貴．．．佢就遊說我地住Fira ,又話同Oia差不多,一樣有sea view ...



由於已到下午4,5點,怕無時間又搭車又搵酒店,就幫襯佢 ,係近碼頭既Fira住一晚三星級酒店; 於是由佢親自揸車,沿著係懸崖邊蜿蜒既山路上山,睇見都危險,怕佢一時失手就... 最後轉左好多個彎後終於到懸崖上既Fira,送我地到酒店。



危險既山路

細小既碼頭範圍

一間大房都只係港幣二百多元，十分便宜～ 平就平...不過就思疑被坤! 因為個sea view係老遠!!! 而且佢離市中心要步行十多二十分鐘...




晚餐我地四人一同去Fira市中心用膳,飯後就係市中心行街後回酒店休息lu~ 準備明天前往Oia!



酒店露台個景係...郊區感覺...遠方就係Fira市中心

Fira中心購物區

係露台遠望Fira夜景