終於輪到Santorini島既Oia (伊亞) 啦~ 一處令人印象深刻,一世難忘既地方! 亦係我暫時所去過既地方,最鍾意既! 所以我要好好用心去寫,篇幅亦比較多!
全世界最美既日落,浪漫既白色小屋,蔚藍既天空,清澈既海水... 所有既人和事,一切一切,都要由照片,DV片段,來幫助我換起腦袋深深處既記憶...
雖然事隔多年,但我發覺仍然係迷戀著Oia的 !
經過係Fira酒店既一個晚上後,我地就決定無論如何都要去Oia 住返晚; 於是我地就由酒店步行去市中心食完早餐後,由果個華航機師先生租車,租既係一架韓國私家車,之後返酒店後挪返D行李就立即出發啦~
由於我無挪國際牌,所以司機一職亦都係由機師先生全權負責,我地就負責睇路牌; 駛離Fira後,主要有一條馬路市通往Oia; 沿途所見,馬路既右邊主要係地勢較低既荒地,有零落既民居同農地,而左面則是懸崖峭壁…
一行四人,開左無耐車,終於黎到Oia啦!!! 泊低架車後,攞住D行李,穿過窄小既街道,朝著懸崖既方向行; 當行到懸崖既一刻,即被Oia既美景吸引到目瞪口呆! 太美了!真的是太美了!!!
藍色既天空,藍色既海水,白色既小屋怖滿正個Oia既懸崖,恍惚呢個世界就只有藍色與白色! 我們便隨即拿出相機,不停將Oia既美景一一拍下,但是正當我們拍到得意忘形時,原來發現我們應先搵住宿落腳!!!
於是我們便去尋找夢想中既旅館~
一切都只有藍與白的Oia~
Oia，我發夢也掛著的天堂 ！
回覆刪除去年頭，我去台灣網蒲，見到一對兩小無猜去希腊自由行遊記，就這 Oia 迷死人 ，佢地住間酒店 ( 三佰幾歐元 ) 面對地中海，小泳池又得意到暈，晚上坐露台上燭光晚餐，浪漫到 ................. 當場誘惑到我心動曬 ，幾乎想罷工即飛去享受！
今年暫去不到了，明年四月啦，我一定要去圓夢 ！
[版主回覆05/17/2008 12:44:00]哈哈~ 我唸你睇完我既希臘之旅一樣迷死人jet~
到時你一定要影多d靚相返黎比大家睇呀~
好心急等待你在 Oia 住的哪間靚 Hotel 相片，幾銀呀？...............
回覆刪除[版主回覆05/17/2008 12:47:00]我03年好 ,咩野都比依家平!
當時Oia最貴既旅館只係係$270歐羅一晚~
我地住既係二百頭啦~
OIA...就係我夢想中既希臘白色小屋, 真係好靚呀
回覆刪除[版主回覆05/17/2008 12:52:00]就算我去過 ,Oia仍然是我最愛!
小白屋呀! 真的是理想中的蜜月勝地呀! 藍天白雲, 人生多美好.....
回覆刪除[版主回覆05/17/2008 12:55:00]如果我有幸係Oia渡蜜月 ,就好lu...
我終於考完試，可以四圍蒲！
回覆刪除Santorini 島既 Oi，第一次自己來，感覺更孤單，
如可以與朋友或最愛的人一齊欣賞，就滿足，
我曾許下願望，想同最愛的人再來，我仲等緊同泰狄熊回來！
[版主回覆05/22/2008 17:37:00]我都希望能夠與最愛既人再來Oia...
不過未來呢個人都唔知幾時先出現...
其實我想問。。。架車一般泊喺邊？係咪多數隨街泊？
回覆刪除