回憶之旅 -- 希臘(三) 難忘的經歷

 

話說第一日已經去左雅典重點咁遊覽過,跟住就到希臘既主菜 "小島遊" 啦~ 我地挑選左兩個港人熟悉同最熱門既小島"Mykonos" 米可諾斯島 & "Santorini" 小熊維尼島... 唔係 ! 係聖杜維尼島至真~ 其實都係譯音黎啫~

天都未光,我地就起身叫酒店call定的士,當時的士已經有兩個女乘客(希臘既的士沿途會繼續上客架); 於是我座車頭,由於香港係右馱車,而司機又係車尾箱執緊野,所以係唔覺意下座上左邊(即係司機位)嚇到個司機即刻返黎,唸起都幾低能攪笑~


其實車程好短,只係去Omonia廣場約5分鐘,因為天未光唔想行d僻靜既路… 係Omonia廣場轉乘地鐵往Piraeus港搭船,去到有D似哈里波特既總站落車,就買左希臘既特色食物千層糕做早餐(其實我返到香港上D英文班,先知千層糕係希臘傳統既食物)



Omonia地鐵站

麥兜揸住果張就係車票勒~

Piraeus港總站 ,車站裡面有D似哈理波特既車站架~

準備過馬路搭船時,見到一個當地人上的士,他的動作就像慢鏡頭一樣去開的士門,對於我地D生活急速既人黎講都幾得意
其實黎到希臘見到好多當地人都係一樣慢動作。



我搭既係一架大郵輪,即係慢船,沿途要停四至五個站,起初懷著興奮既心情,但係當停到第二個站時,就發生去旅行最深刻既經歷…



上船lu~

Piraeus港既日出~

最深刻既經歷,就係發現我地本passport留左係酒店既reception,係早一日check in 時比本passport reception登記,但係就唔記得攞返... 由於我地一早已買好晒來回船票,島過島咁玩,最last果日先再回雅典... 好在有keep係網上book既酒店資料,於是即刻打比酒店,但係就雞同鴨講...(我仲記得同我同行果個人嚇到手都震晒呀)
週圍既人見我地咁驚惶失措,都想幫我地! 佢地大多係上左年紀既希臘人,機嚦咕嚕係咁向我地講希臘文,雖然幫唔到 ,但都好感謝佢地呀~
之後就打漫遊電話去book酒店既網上旅行社求助,佢地明白我地既苦況後,隨即替我們打長途電話過希臘間酒店Hold住本passport,等回程再攞; 雖然仍未消除疑慮,但總算暫時放心繼續去玩...



途經Synos島

到Mykonos 碼頭 lu ~

就係坐後面D大郵輪啦 !

值得一提既係,呢間網上旅行社真係值得讚揚! 就係係新加坡做base既 ”Zuji” 勒!!! 出發前我都只係上網搵資料時,係yahoo無意中搵都當時仲係寂寂無名,剛成立左一年既”Zuji”網上旅行社; 當時都有D擔心,網上無咩保証woo… 但係見到有香港旅行社牌照號碼,就博一博幫佢book左一晚酒店~ 殊不知原來”售後服務”係咁好!!! 肯幫我地打長途電話去希臘...呢D係我自己既問題,我唸其他旅行社啋你都傻呀!


我自己由希臘打漫遊返香港要廿幾蚊一分鐘!!! 返到香港張賬單要五,六百蚊電話費呀!!!肉都赤埋… 不過攞返本passport都值得既…





所以返到香港後向身邊既朋友極力推介”Zuji”! 而”Zuji”亦係2005年,攞到最佳網上旅行社tim~