回憶之旅 -- 希臘(十)捨不得你 Oia

回憶之旅 -- 希臘(十)

當早上瞓醒時,推開床頭既小窗,便隨即感受到愛琴海緩緩既海風,令人心擴神怡~
由於旅館check out時間係下午2點,而我們亦要坐黃昏既夜船回雅典,所以我地就珍惜一分一秒,係屋內任何角落hea同影相…

而機師先生佢地仲會係Oia留多一兩日,之後就去埋土耳其,但佢地就想住平d既旅館,所以就外出搵旅館…



 睇住掛在牆上既時鐘,一分一秒地溜走,感覺到時間好似突然過得特別快咁… 最後同旅館既老闆合照後緊係又係依依不捨咁離開啦…



旅館下的懸崖

我地真惜一分一秒享受旅館的時光

離開夢幻般既旅館後,就去左機師先生搵既旅館放低D行李; 機師先生佢地所住既旅館係較東面向海既位置,有個共用既露台,屋內較為簡潔,價格相對也較便宜,應該話超平呀! 只係三十幾蚊歐羅咋!

機師先生話,再行過D仲可以搵到十零蚊歐羅一晚既旅館tim!!! 真係想像不到係Oia都可以搵到咁平既旅館喎! 只係方向唔同,價錢相差十陪!!!



機師先生所住既旅館!

放低行李後,去埋早前無去既地方,被公認為最佳欣賞日落,既荒廢既城堡! 同再走遠一點既風車,臨走前來個Oia最後巡禮!!!



去到Oia既邊陲~ 近Oia邊陲既風車 ,感覺像孤獨地看海 ,我覺得好有型!

臨走前係Oia來過最後巡禮!!!

最後由好好人既機師先生,車我地返Fira既碼頭搭船,我地係碼頭道別,亦都同美麗既Santorini ,Oia道別...



前往碼頭途中的怪石~

其實Santorini仲有其他景點,如黑色既沙灘,消失既阿特蘭提斯等等... 不過我地都係只想將係Santorini既所有日子,都留給美麗既Oia~

黑沙灘

之前坐過快船,慢船,今次輪到坐夜船勒! 係我特登安排既~ 我地之前買定既二等船票,想係碼頭用多十零蚊歐羅upgrade頭等... 但佢就話full晒,咁無辦法啦~ 呢晚唯有船既下層二等房渡過啦~



係甲板上望著船尾泛起既水花,Santorini 既距離就越來越遠
朝向雅典方向回航…