回憶之旅 -- 希臘(九)Oia 尋找世上最美的日落

回憶之旅 -- 希臘(九)Oia尋找世上最美的日落





安頓好一切係旅館後,我地就一齊去食晏,由於個機師先生又租車又入油! 所以我地都好識做既~ 就搵左間好既餐廳請佢地食飯; 阿爸成日都教我,最緊要識做人嘛~






間餐廳亦都係係懸崖上,坐擁無敵大海景,同Oia既美景! 能夠有幸係度食番餐飯真係賞心樂事呀~ 最後4個人食左€80幾蚊Euro~ 不過比左張一百蚊Euro找數,遲遲未找錢... 一問之下個老闆竟然話以為我地d零錢係Tips! 十幾蚊Euro,即係用百零蚊港紙黎比Tips??? 會唔會豪左D呢!!!



我地就係咁靚既餐廳食晏啦~

下午既節目,我地決定左去游水,去游水梗係著拖鞋方便啦~不過我地黎旅行竟然無帶拖鞋,就係一間舖頭$18歐羅一對既人字拖,買左兩對... 唸返轉頭都幾貴呀!!! 如再有類似情況,寧願著密頭鞋,去到先除呀!



途經既大教堂

於是就返回馬路攞車,駛到Oia懸崖既底部,便要步行前往; 崖底只見有數間食市,穿過食市行多數分鐘,便到游水既地點; 這裡並不是沙灘,只係有無數巨石既海邊! 看見一處小小既平台上有好多人曬太陽,甚至有人天體tim!!!


於是我地便立即來感受一下愛琴海既擁抱! 海水清澈,但水溫就幾凍!





我地就係呢度游水啦~

從崖底望向上面既Oia

 

通往崖底除左有車路 ,仲有條長長既梯級 ,可由騾仔代步

 游水後就係間雜貨店買些做晚餐的材料,因為晚餐我地決定自己煮~ 之後就返去旅館沖涼,我就緊係打開浴缸邊既窗,赤裸裸地對住個愛琴海黎沖涼啦! 沖完涼後就出發去尋找全世界最美既日落啦~



前往睇日落途中既Oia美景

尋找夕陽途中 ,遇上懶洋洋的貓咪~

最後我地去到一條路旁,搵到個最有利既觀賞位置,坐下來才發現這裡是人地間屋既屋頂喎!
越接近日落時,漫天變為金黃色,觀賞既人就越多! 唔單只是雪白既建築物佈滿整個懸崖,甚至遊人也是遍佈整個山頭! 準備迎接最美的日落!



當迎接夕陽時 ,Oia既遊人塞滿通道 ,而下方有英文字既地方 ,就係我地坐係人地既屋頂!

千里迢迢黎到希臘既Oia,最想睇既太陽終於下山啦! 唔係… 應該話下海至啱! 我有生以來第一次認真地欣賞日落咋! 只聽到隔離既外國遊客”唧架唧架”既快門聲,全世界最美既日落果然名不虛傳! 能置身醉人既景致,就像在夢境一樣!


其實太陽只有一個,那裡既夕陽不是一樣嗎???夕陽照遍整個Oia既奇特地形及建築,遙遙相對,形成絕配! 是人類與大自然既結晶品!
真不知是夕陽襯托著Oia,還是Oia襯托著夕陽呢? 兩者結合下成了全世界最美既日落!!! 互相輝影!



其待已久既"鹹蛋黃"終於慢慢降落啦~

美麗既夕陽 ,加上Oia既奇特地形同建築 ,就形成全世界最美既日落~

當夕陽完完全全落入愛琴海既水平線裡,遊人也開始像戲院散場一樣,在狹窄既通道,往同一方向,巴士站方向離開…
呢一幕咁浪漫,醉人既片段,會一直向全世界手持入場卷既人放映! 週而復始,日復一日,不會落畫的!



美麗既夕陽 ,慢慢落入愛琴海既水平線

隨著美麗既夕陽離去,只剩下夕陽既餘暉,寧靜既Oia亦回復寧靜... 接著便是黑夜既來臨,夜幕開始低垂,Oia既白色小屋開始發出由燈光發出既淡淡黃光,慢慢照遍既整個Oia!



Oia夜景也一樣迷人

 返回旅館,由機師先生煮晚餐,得意既係,四人既燭光晚餐也無奇怪既感覺! 用膳後就各自咁享受旅館裡既任何一處…
我地就係個大露台,聽住機師先生係旅館中既HiFi,播既純鋼琴音樂,嘆住香檳去欣賞Oia夜景,浪漫之至~



機師先生煮晚餐時 ,我走埋去扮野...其實我無幫手架~

最後享用完由機師先生提供既花瓣浸浴後,就係呢個夢幻般既旅館,夢幻般既地方渡過一夜~