目的地係地中海既中心…馬爾他
先感受吓呢個地中海小國既風情~
其實呢個來得遲既旅行,早一年已經可以起行,但當時攞埋呢D "旅行基金"走左去買樓…
早前放左兩個禮拜大假,在家無所事事,屋企人知我鍾意去旅行,仲話借錢我去tim!!! 攪到借錢去又太過份啦…
依家...減左阿媽家用,又話去昂貴既長線旅行,都唔知點開口講好… 唯有呃佢講機票特價,同當地有朋友可以住宿啦~ 真係再窮都要去旅行呀!!!
=====================================
早前行開街,走左去D咩機票專家,咩自由行專家格價,佢地去倫敦最平連稅都要7,8 千蚊… 同我係網上面搵既相同航空公司,足足貴左千幾二千蚊… 真係名不符實呀…
其實我想去既唔係London,只不過唸住多機去,價錢會平D
亦都順道玩吓,唸住好似上次一樣,順道玩意大利!
雖然去 London果程6千幾,但我check埋廉價航空,由倫敦去馬爾他果程,單程連稅要一千蚊,加加埋埋三程機要成8千蚊…
係倫敦仲要連機場都轉埋… 計計條路線圖,要去到倫敦先返轉頭,一D都唔化算…
所以最後,我就係網上直接係阿聯酋航空,比多一千蚊,訂左程經杜拜去馬爾他既航班,兩程機,直接了當! 唔使坐廉航之餘,
仲要係坐間出名同攞獎既航空公司~
聽D想生BB既人話,D女性係親戚黎既時候,就有前7後7既安全期,所以一個月裡面,只係得幾日機會會大D成功"做人"! 而我亦都有前二後二既旅行期,通常去完旅行返黎後,都唔想接受現實,常常發夢正在旅行中… 今次係出發前兩個月買左張機票,個心已經飛左去馬爾他lu~
點解揀馬爾他??? 唔知…可能風景靚瓜~ 不過回想返自己長線既旅行,意大利,希臘,克羅地亞,就算連埃及都坐落地中海… 我發覺對地中海情有獨情鍾呀!!! 不過最想既係係呢個島國hea吓~ 唸返近幾次既旅行通常都要舟車勞頓,今次係馬爾他起碼要hea番5日呀!!!
之前都有check吓馬爾他去突尼西亞既船期,黎個”歐非之旅” 但就check極都check唔到… 依家都無唸住check lu~ 剩下既十零日就去到先算啦~ 有船就去突尼西亞,去唔到既或者去意大利西西里都未定!
一切隨心 ,隨意 ,隨緣吧~
今次係我第一次由買機票開始紀錄整個旅程,真係好開心~ 下一步就係去入境處,同本特區護照續期先!!!
呢家旺季！遲Ｄ平Ｄ！
回覆刪除[版主回覆07/30/2008 18:02:00]十月都應該過左最旺既季節吧...
遲d 十一 ,十二月聖誕前應該係最淡既季節 ,價錢應該最平...
但...我相信此時不適合去地中海旅行 ,因風高浪急 ,天氣也涼同非常大風!
Congratulation! 終於可以再旅行! 見到你去長trip我又心郁郁! haha....旅行蟲又發作!
回覆刪除倫敦機場出入境稅貴, 少ｄ去為妙! 馬爾他.......我記得係"新假期"介紹過, 又係靚到暈.
[版主回覆07/30/2008 18:13:00]唉~ 你夠我係呢兩年裡面見到你地係咁去旅行 ,既千條旅行蟲發作得犀利!!!
係呀! 原來倫敦機場稅"那埋"都要二千機三千架!!!
真開心,你隻熊貓又去旅行...我也想去架,不過我喜歡短線的東南亞...陽光興海灘...
回覆刪除[版主回覆07/30/2008 18:16:00]唉...你知我既景況...無錢都要死去旅行 ,仲特別鍾意長線...
不過馬爾他亦都一樣係陽光與海灘~
oh~
回覆刪除好開心呀
我都好想去呀
連台灣都無人陪>.,<
你要影多啲靚相俾我地睇呀!
祝旅途愉快
[版主回覆07/30/2008 18:24:00]攪錯! 想去而無人陪咪同我一樣自己去law!
香港人一定要擺脫跟團 ,同驚呢樣驚果樣既陰影呀!
尤其台灣人同日本人 ,佢地成日自由行 ,仲好多一個女仔去tim~
之前我就係克羅地亞識得一個一個人去旅行既日本女仔呀!
恭喜晒呀, 你既行程終於落實, 係咪又係一個人去浪跡天涯呀
回覆刪除[版主回覆07/30/2008 18:25:00]多謝!
係呀! 今次又係一個人呀~
don't worry, you can find info when you arrive Malta.
回覆刪除Sicilly 西西里 is also a nice place.
Sorry I can't chinese , can't start my pc.
[版主回覆07/30/2008 18:30:00]咁慘...快d攪返部電腦啦!
我都知西西里好靚...但比套"向世界出發"攪到好想去撒哈拉沙漠呀!!! 所以咪對突尼西亞既興趣大d law~
大家咁話啦! 旅行蟲發作真係幾煩. 我睇 "向世界出發" 阿四哥玩盡墨西哥, 我都即刻發作!
回覆刪除Hey.....我見到你話想去突尼西亞係因為想到撒哈拉沙漠. 我記得上次去旅遊展, 有個speaker話摩洛哥的撒哈拉會靚d, 因為會有小沙丘; 而突尼西亞那邊就會平坦d. 不過我未看過突尼西亞的相, 所以唔sure啱唔啱.
[版主回覆08/09/2008 22:30:00]摩洛哥果邊會靚d牙...算啦...突尼西亞近d馬爾他ma~
但係都未知馬爾他會唔會有船去突尼斯...
所以去唔去到都係未知知數...
好開心啊，又可以去旅行，今年我去唔到旅行，不過準備出發去四川做義工，也是另一種旅程﹗ 我計劃在明年8-10左右去3星期，暫時想去比利時啊﹗
回覆刪除[版主回覆08/09/2008 22:40:00]做義工! 既有意義又可去旅行 ,一舉兩得!
比利時? 我唸以西歐旅行黎做出發點會幾方便woo~
車~ 好犀利咩? 你隻熊貓丫! 小心比人當左做熊人呀~ 哈哈~
回覆刪除一個人到外地, 自己小心啦, 要做足準備功夫呀! 呢次唔同黎埃及喇, 知道冇? 我應該同唔到你去喇, 一來今次我坐新航, 唔經阿聯猶, 二來我當時應該已在香港享受天倫之樂~ 哈哈!!
其實我都好想去咖, 不過有你代我去, 仲有你買手信比我, 我老婆, 晴晴同埋錡錡, 差D唔記得同你講, 仲有工人果份, 咁就唔洗我去啦~ 記得!!! 手信!!! 今次要食左你隻貓先得~ hehe~
[版主回覆08/09/2008 23:09:00]哎呀醬爆~ 我近來旅行已經無做咁多功課啦...
但我仍會小心d既~咦!!! 原來你到時返左黎HK陪老婆女女拿!!!
手信???睇心情啦! 哈哈~
我都想自己去架
回覆刪除但係阿媽鬧死我呀
始終女仔,好多人會喺周圍係咁叫你唔好自己去
周圍啲人都可以唔理,阿媽啲音波工好勁架
真係會頂唔住
同埋跟團我都唔鍾意喎,好似走難咁
玩得唔開心又要一早起身
[版主回覆08/09/2008 23:15:00]哈哈~
你應該試吓一次呃住所有人自己去旅行嘛!!!
咁咪唔驚音波工law~
真富貴...又去旅行... 我都唔知幾時再有得去lu
回覆刪除fr:青
[版主回覆08/09/2008 23:19:00]富咩貴丫...格硬去啫...
等你個B大d咪可以去law~
恭喜你先~
真富貴...又去旅行... 我都唔知幾時再有得去lu
回覆刪除fr:青
去旅行多開心, 祝您樣樣順利啦!
回覆刪除[版主回覆08/09/2008 23:20:00]多謝多謝!
成你貴言~
講得非常有理： 再窮也要去旅行！Yeah ！！ ！← 金句。
回覆刪除我精神上支持你 。。。嘻嘻，我無業游民，銀両就無啦 ，多多諒解！
馬爾他好靚好靚，正正處在地中海中，希臘藍頂白屋 feel，全島 ( 三小島組成一國 ) 講英文，以前英屬地，去到以為自已在英國！
[版主回覆08/10/2008 00:01:00]哈哈~ 你撐我 !
唔只以為去左英國 ,上網睇資料仲以為回到回歸前既香港tim!!!
地中海, 包括南意的藍天白雲加埋藍藍的海水, 諗起都充滿陽光氣息~
回覆刪除[版主回覆09/06/2008 22:35:00]你唔係"唸起" ,你係"回味"啫~
你mm都享受過南意既陽光氣息啦~
突尼西亞+malta, 兩個都係我想去既國家. 不過你唔講我都唔知malta可以由malta坐船去突尼西亞. 咁既路線都唔錯wor! 期待睇你既遊記.
回覆刪除呢條線我都好恨去呀~~
回覆刪除遲 d 得閒 d , 先再嚟睇過~~
[版主回覆11/05/2009 15:48:00]歡迎~~
得知你去過馬爾他,有些事情向你請教,我太太及兩個小孩是英國公民,現居於香港,想找個天氣好的'歐盟用英語的地方讀書,講問馬爾他好嗎?生活指數高嗎?從英國倫敦及伯明翰去機程多遠?如你是居於馬爾他或在些讀書煩講給我..得知你去過馬爾他,有些事情向你請教,我太太及兩個小孩是英國公民,現居於香港,想找個天氣好的'歐盟用英語的地方讀書,講問馬爾他好嗎?生活指數高嗎?從英國倫敦及伯明翰去機程多遠?如你是居於馬爾他或在些讀書煩講給我一些資料,我的e-mail:hungsing18@yahoo.com.hk,謝謝!
回覆刪除[版主回覆02/12/2012 21:22:14]馬耳他好呀！ 好多人去讀英文，出名既學校係EF呀！治安好，物價也合理~
2首都正
回覆刪除初哥哥 -- 祝君好
衝上雲霄 -- 歲月如歌
係~ 依家係我旅途上必備既歌曲~
刪除你終於都來我新居啦~