Day 1 初到貴境(馬耳他Velletta)

(Day 1) 2008-10-3 

住宿 : B&B Euro $36
行程 :香港-->杜拜-->馬耳他

清晨4點到左杜拜機場,係機埸搵到間買手信既舖頭勁平呀! 一棧阿拉丁神燈都只係HKD80幾蚊咋!!! 問個來自廣東既靚女售貨員,原來呢間舖係開24架!!! 咁即係可以回程先買啦~

逛吓杜拜機場才發現,呢度既售貨員有7成都係中國人黎架!!!

最後係登機閘口附近牆腳搵到個插頭,就蓆地而坐,幫部i pod同電話差電等上機勒~

係差電等上機時,發現杜拜機場有no pay wifi! 於是就用ppc電話上網玩msn,玩到差不多最後一個先上機呀…

起飛後睇完尋晚份星島日報後,便即刻睇之前從未睇過既馬耳他info勒~

杜拜人工島

馬耳他Info

馬耳他上空

由杜拜飛往馬耳他呢程機中途stop塞浦路斯,係機票上同我上網book機位時無提及既… 最後係當地時間1415時到達馬耳他。

過關時同我所想既一樣,D關員攞住我本passport驗屍咁驗… 我本passport係新既,仲加左最新既防盜特徵tim!!! 依家香港回歸左祖國

外國人就只係知道我地D香港人同大陸人係一樣,慌死我地偷渡咁!唉… 就算特區護照加幾多最新最先進既防盜特徵,得到全球幾多個國家免簽証都無用啦…

個關員驗左我本passport好耐好耐,最終咪又放行! 過完關係機場發現,勁多HSBC既櫃員機,我唸仲多過香港既機場呀!!!

週圍都見到HSBC既野!!!

1500出到機場,係巴士站登上唯一一架前往首都Velletta既巴士;馬耳他既巴士超古老超可愛,車程約半小時Euro$ 0.47

超可愛既馬耳他巴士~

如要落車 ,扯一扯條繩就會敲響個鐘啦~

到達Valletta已經太晏了,於是用Euro $36搵左間B&B, Grand Harbour Hotel; 安頓一切後 ,便去問突尼斯同西西里的價錢,主要想問渡輪,我比較想去突尼西亞!

不過D職員講,雖然突尼斯離馬耳他好近,但就無船直達,架船由馬耳他開出,必需先停意大利既北部,最後先去北非既突尼斯…

如果真係搭呢班船,真係可以橫跨南北地中海呀!!!

所以只有飛機才最快最直接,來回票價Euro€ 217.83; 於是便再問西西里既價錢,船程90min ,Euro €82

由於我今次既Budjet有限,只可以揀一度地方去,意大利上次已經去過,雖然比多千零蚊,但我唸突尼西亞7日既行程,旅費一定比去西西里更平,而且仲可以去埋我想去既突尼西亞既撒哈拉沙漠tim!!!

由於間旅行社準備關門,所以我唸住考慮一晚聽日先買,但心中早已有了決定!

晚上搵左間唔知咩既”工人飯堂”据扒,好難食”乾爭爭”但便宜!

首都城外既巴士總站

馬耳他獨有既"露台"

是晚住宿

是晚住宿

平價晚餐

首都Valletta既夜景