Day 10 雷鬼文化 (牙買加京士頓)

(Day 10) 2014-11-10

住宿：Chelsea 民宿$623

行程：Nasssu(巴哈馬群島) —> Kingston(牙買加)

今日終於要離開逗留一星期的巴哈馬群島，將會去蜜月既牙買加； 只要google一下”牙買加旅遊”，會發現不少國內人林林總總既遊記，遊輪、自由行、甚至自駕遊都有! 旅途上都係靠其中一個自駕遊記令我對牙買加有一點點認識咋! 有關港人對牙買加既記載及遊歷? 我更改只顯示繁體及香港都未能搵到，旅途上可能時間緊迫呱⋯

而牙買加亦是我遺失照片既重災區，因為牙買加”感覺上"不安全，所以9成照片都係用唔見既傻瓜相機來拍照的，好多珍貴既當地文化照片，同當地人合照通通無晒呀⋯ 嗚鳴⋯

尋晚咁夜瞓，因為係香港長期早起床，朝早仍是6點醒一醒， 再瞓起床已是1030，不過房間設計奇差，冷氣機位置於床側枕頭位置，即佢swing上下掃都掃正個枕頭位置，而我人高關係又唔可以掉轉瞓，因為有床頭板頂腳。

1230屋主幫我地book好既的士已等候，司機原來係退休警察，話由於曾經是殖民地，所以享有長俸，並提醒我，整個牙買加都危險，仲話唔好帶錶，就算cheap錶都必搶喎… 於是就戰戰兢兢出發。 唔使怕！銀仔身經百戰嘛！哈哈⋯

Check in後係手信舖買了兩個巴哈馬國旗既行李牌手信，呢D手信係市內搵唔到的；午餐食香港已執晒既Wendy’s，價錢可能係巴哈馬所有餐廳來講係最便宜的！ 我食三層牛肉漢堡，真係香港足三兩都行埋一面呀！ triple hamburger 餐 $8 鱈魚柳包$4，共$12-USD食到飽一飽，又好食，加埋既價錢都唔夠之前食一客海螺沙律呀！

登機前係禁區內見有間較大既紀念品店，終於見到係市區搵唔到既手信啦，仲大出血Tim!

1445boarding，選乘加勒比海航空，原來呢班機終站係會飛去我將要去honeymoon既西面喎，早知一早買到去終站就唔使又坐長途車啦⋯ 算啦! 當感受吓當地多一個城市啦！

一小時機程到達牙買加首都Kingston，入境職員問得比較仔細，而一出室外即時見到大型廣告，當然就係天王保特啦！ 於是係差館門外等候民宿約好既司機，等了半小時終於等到，當離開機場已日落完，漫天金黃色了。而早前網絡上留言話機場無公共交通，但路上見有98號機場巴士喎。

半小時車程到達guesthouse，原來係大型屋苑，放低行李後天已黑齊了，趁著不太晚即時外出搵野食，問過多人話呢一帶係中心地帶最安全先放心咋！ 但外出先後仍被多個”雷鬼人"兜售大麻，不過say no後都無遇上麻煩。先去附近既巴士站買明早0700既長途巴士票，呢程巴士無book定港女經常又提心吊膽，因為我唔鍾意book定，而離開民宿時上網已book唔到，其間都爭論過幾次，最後又咪買到車票! 

之後係油站買完聽日早餐後，去到一間較local既快餐店食晚餐，點餐時亦都問到極仔細，唔通呢度興既？$845-JMD ($58- HKD) 用餐時認識到一對本地情侶，女仔叫Tracey，佢開頭以為我地係日本人，因為下年要去日本教英文所以認識我地，雖然我地唔係日本人，但佢都一樣咁開心，合照完即時add我地facebook，仲問佢有關兜售大麻既問題，得知係唔合法的，只要唔理佢地就得； 返到guesthouse後係inbox同港女雞啄唔斷，仲係咁提供牙買加既資料tim~  

係暗黑既街道街行，由於當地人都係黑人，都有D感到害怕，但其實大部份都好善良，都好在無穿無爛返到酒店，當然呢區係遊客區治安較好啦!

返到guesthouse 後房東也來探望我們，又係好好傾好幫手，當知我地將會去古巴即時雙眼發光，好似一個夢想之地咁，佢話當地人每人都好友善，無憂無慮，講到十足十大同世界一樣呀! 最後仲約定下年4月到廣州做生意順道來香港探我們tim~

由入境到達牙買加機場一刻，這國家係我前所未遇過既咁有個性，咁獨特既國度! 四圍只見紅黃綠既三隻顏色、雷鬼頭、雷鬼音樂、隊草、懶洋洋等等⋯ 這文化我初次接觸，亦好好奇，以下是銀仔綜合網上既資料而成，並非絕對準確。

讀萬卷書不如行萬里路之雷鬼文化(Reggae)：

雷鬼文化好多元，其中一種為Rastafarianism既信仰，深信根源於非洲，但主要信仰人口在牙買加（Jamaica），特別是為較為貧窮的黑人所信仰，除了宣揚其信仰之外，也大聲疾呼如貧窮和壓迫等的社會問題的解決。

1.麻布編織的衣服,帽子.....這是他們當地人民的傳統工藝,像是我們原住民的編織圖騰一樣的道理....

2.黃綠紅三種顏色...............雖然牙買加是加勒比海國家,但在人口結構上多是以非洲移民為主,因此黃綠紅這三種象徵非洲精神的顏色自然成為了雷鬼的主流以及精神指標!!黃色代表資源,綠色代表森林大地,紅色代表革命流的血...基本上有這三種配色的服飾,像是雷鬼帽,黃綠紅的護腕,都算是雷鬼打扮的一種...

3.辮子頭,長捲髮..................牙買加人真的很懶,甚至懶到不想剪頭髮,很多人一輩子沒剪過頭髮,太長就把它綁成辮子或燙成一根根粗捲髮,這也可以算是雷鬼文化的一部分...

4.牙買加國旗.......................這就不用說了吧...現在市面上常常可以看到印有牙買加國旗的商品.

5.大麻葉圖騰.......................大麻在當時牙買加的殖民時代,是那些黑奴排解痛苦的最好方法,直到今日大麻在牙買加人心目中的地位還是沒變,加上一些流行文化的炒作,大麻葉成了國人最熟知的雷鬼象徵...

6.獅子圖騰...........................道理跟黃綠紅三色一樣,獅子圖騰象徵著非洲..市面上常看到的一些商品上面有獅子戴上皇冠首握權杖的圖樣,那是象徵了權力以及尊嚴...