(Day 7) 2014-11-7
住宿：Tingum Village hotel
行程：Harbour Island
 |
| 是日無晒D相，唯有用尋日既相頂替 |
瞓醒食完住宿包埋既早餐，婆婆個仔又同我地傾起香港革命問題，佢講開原來美國電台好偏頗，所以要睇埋BBC喎。
係大廳上一陣網，搵定下一站牙買加既資料，竟然搵到有內地人一家大細去牙買加自駕遊既遊記喎！講埋文化及食物等等好詳盡，反而就搵唔到香港人寫既遊記，你話吖，我地香港人真係唔再可以自以為是了... 於是順便book左第一晚係首都京斯敦既B&B。
中午，去粉紅沙灘游水，不過又真係太曬了！ 黎到加勒比海咁多日，忍到依家先下水禮一D都唔似我既性格，鬼叫我塊面同手咁易黑咩，都係唔想註冊當日黑蚊蚊影相咁難睇啫！
游完水返住宿沖涼後，再去平民餐廳食雞髀飯，可能係世上最貴既雞髀飯$1x-USD
之後行街，去聲稱全球最大椰子既地方睇吓，真係好大喎(無晒D相無紀錄)，這裡原來都係夜店，而老細竟然又係住宿既老闆喎，佢話呢間係全島最舊既酒吧。
之後老闆好好人車我地回住宿，諗住都幫襯佢食返餐，但真係太昂貴，諗吓算了...
 |
| 網上圖片 |
又去昨日同一地點，無人既遊艇碼頭睇日落，仲見到海龜添！其實我再次過來睇日落係有特別意思的，因為今日我地係以男女朋友身份睇最後一次日落啦!
我成日都覺得自己有婚前恐懼症，當談婚論嫁時D問題就會不停諗起，之前個ex就係咁攪到結唔成，不過我地確實有極大問題；而港女我就諗唔到有乜問題，都覺得搵啱人既，不過始終心情忐忑，所以今日我都不停口嗡嗡唱或播同一首歌，聽到港女都好好笑。
晚餐又係去地道餐廳，點左龍蝦$18-USD，豬扒$10-USD，當老闆娘講電話話隻龍蝦from live to death時，佢自己便開懷大笑，只係普通一句說話，我聽到都覺好笑，快樂其實好簡單。煎龍蝦好好味，我地無剝殻就食，食相非常狼狽，比一個當地人笑到肚攣，笑足15分鐘，真係醜死怪，哈哈~ 比人笑完後當然除左殻先食啦! 當佢攞外賣離開，寧靜既街道仲傳來遠處既陣陣笑聲，難道呢度先係快樂指數最高既國度！我地是否反思吓，快樂與愁眉苦臉其實自己可以去決擇的，我一定係選擇開開心心地過活架。同時，我地發現餐廳部電視唔見左，唔通我地尋晚阻住佢收舖？呵呵呵
知你哋再幫襯搬走部電視?
回覆刪除我估係，Wahahaha~~~
刪除「美國電台好偏頗」––––這是不爭的事實，而美國人經常以為自己的國家最開明，又以自己的新聞自由為傲，但其實他們自己也被洗腦。我發現即使表面很「國際化」的美國人，認識久了都會透出陣陣大美國主義，這都是他們自小被洗腦的結果。
回覆刪除你所講既美國人，我N年前都遇過，當時意大利坐夜船傾緊計，講講吓傾政治，個當地男人就同美國女人係度爭論緊你所講既大美國主義，女人緊係話自己國家有幾好啦，而男人則不認同，我英文又唔好當然走人啦~
刪除尋找他鄉的故事, 中國人去多是為了生活. 香港人主要係玩樂
回覆刪除香港 blogger 宜家都買少見少. 以前台灣人去既地方廣範d, 宜家都好似少咗.
你先開始寫等人認識呢個地方, 可能人氣跟住來~
而家內地人出國除了為生活，也多左係去體驗，跑去連香港人也不會去既地方，好似牙買加咁，況且佢地都好鍾意打blog，所以香港人絕不能輕視呢！
刪除你先開始寫等人認識呢個地方, 可能人氣跟住來＜－－可能係架，有D地方我出發前搵唔到任何中文／香港人寫既資訊，但我寫完後見網絡上真係陸續有人分享遊記架!
加勒比海人最愛今朝有酒今朝醉，所以他們窮得很快樂。中國人最愛積穀防饑，所以我們富得很空虛。
回覆刪除銀仔懂得從萬里路中體會，反思人生道理，確實成熟不少，快樂的確很多時都是很簡單。
銀仔與港女的背影很 sweet.
六斤姐你頭兩句真係啱聽到入心，既然富得空虛點解唔拋開枷鎖，追尋自己既夢想呢？ 我正努力實行!
刪除相信港女唔止聽到好好笑，而且仲甜到漏添啦^^
回覆刪除你睇清楚，首歌係我唱，好似要嫁比港女咁忐忑呀! 哈哈~
刪除好心急！明天到未呀！
回覆刪除到啦～～
刪除生活簡單D,容易滿足,人都自然開心D^^
回覆刪除所以全球快樂國度9成都係落後國家
刪除你好啊, 我都計劃緊獨蜜月旅行, 見到粉紅色沙灘o既 harbour island就好想去, 你講得岩, HK人好似好少去, 好難得搵到你呢篇文章, 想問請教下幾個問題, 希望得到你回覆啦, 謝謝!
回覆刪除1. 機票同酒店你係分開買定買package架? 可俾link參考嗎?
2. 當地O既交通係點架? 好似話有D島都無咩交通工具
3. 花費貴唔貴呢? 知道係用美金
最後, 如果你仲存有你當日O既行程, 可提供參考嗎? 因為基本上到呢個moment都仲係唔認識呢個地方, 而家就不停咁爬文中...XD
唔該晒, 感謝!
你好Mars,
刪除1.分開買的。機票我係機票網如skyscanner等等格過價後，係American Airline官網買的。飛行路線請前往［去吧加勒比海! 出發!］。 而巴哈馬酒店就經網上酒店網搜尋，即hotel.com, booking.com等等，再去佢個官網同佢deal結婚package.
2.Harbour island只得golf車作交通工具，其他島就唔知。
3.我覺得極之貴，我嘅遊記已詳細描述了。
我嘅行程都記錄晒於遊記內，你有時間嘅話爬爬文，希望幫到你啦~ 祝你新婚快樂，有個甜蜜嘅Honeymoon~ 仲有，你有打遊記嗎？如果有，等你去完返嚟，我跟太太回憶吓都好吖，哈哈~
謝謝你O既回覆!!
刪除睇過機票同酒店, 的確唔平!! 未必afford到~XD, 會再睇你D文!! 同埋唸下其他選擇
我無打開遊記啊, 懶~~哈哈~~如果我去呢度, 到時俾影返D相你再回味下^^
多謝你o既祝福!! 祝你同太太日日都如新婚咁甜蜜快樂!!