Day 9 Nassau黑夜(巴哈馬群島Nassau)

(Day 9) 2014-11-9

住宿：Grant's Abode民宿$671

行程：Harbour Island —> Nassau

結婚後第一個早晨，先去尋日攝影師帶我地去既海邊影靚相，後來先知水中既枯樹原來係該島既景點，連postcard都有架! 不過今早水漲行唔到出去，亦無尋日黃昏影婚紗相水退時一片金黃色。 影相後再行去另一面既粉紅沙灘再次感受，並裝一樽沙作婚禮手信； 星期日關係，所有賣手信舖頭關門大吉！ 想買手信都唔得！ 於是去油站買杯麵、果汁同橙早餐返酒店食。

Check out 後去另一間地道小食亭食Harbour Island 最後的午餐，價錢平易近人，但份量相對小，都係呢幾日經常食既Avery's抵食D! 海螺沙律$13，seafood combos $10，當食seafood combos 食到一半時有一隻蒼蠅急降，而我眼明手快地攞起隻未食既大蝦，以免全部報銷。

距離開船仲有一段時間，於是係酒店lobby 上網，並找尋以遊艇碼頭作家既大海龜，可惜搵唔到。

1540開船，再見harbour Island 再見粉紅沙灘，因物價太唔合理，可能人生唔會再黎第二次了。

寄postcard

當地有呢D工藝咩？

睇唔出當地1729年已經有民主制度

船上大昏迷，到Nassau 已1900，天已黑齊了，見每人都有私家車接送及搭的士，我便同港女步行出大路，係碼頭附近一排既小食檔散發出濃烈大麻氣味； 行到大路諗住搵巴士原來已停止服務，咁早已停晒？ 除了馬路有車，見唔到白天時既滿街遊人，舖頭也全部關門，行人路上只見無所事事既黑人，感覺有點危險，仲要比港女發脾4，我即時話佢已忘記作日既誓詞了…

呢D郵輪熱門島國，入黑後果然跟白天完全不一樣，因為主要既遊客入黑前已經上船走人了；最後經一個路人介紹，最後要搭平民殘舊白牌車，再三確認為$12-USD，起初有D驚，好彩司機都好好人，車我地到民宿。佢話市中心嘅舖頭喺遊輪客離開後就關門，所以街頭好早就靜到好似香港嘅深夜咁。

Grant's Abode民宿要$671，係港女係Airbnb book定既，房間不舒服，又有蚊，跟頭兩晚反而較平既阿Shuan民宿差太遠了，不過房東都NICE，同埋幫我地喺門口點蚊油⋯ 放低行李去返之前fish fry既地道食肆，有二十分鐘沿死寂既街道步行，又多流浪惡狗，有個住附近嘅人幫手趕一趕開。

食返第一次食過既goldie's ，當入到fish fry範圍已聞到濃烈既大麻味道； 晚餐份量仍是大碟，而當地烹調方法味道太濃，唔係太啱胃口。

瞓覺前隊埋尋晚酒店送既香檳，雖然無香檳杯，但比我係房內搵到個紅酒杯，飲到醉昏昏。