Day 11 海浪聲中渡蜜月(牙買加Negril)

(Day 11) 2014-11-11

住宿：Tensing Pen Hotel

行程：Kingston(牙買加) —> Negril

0530起床，喉嚨有點唔舒服，即時沖片維他命C飲先! 收拾行裝，鎖好門就將鎖匙交給管理處，天都未光摸黑出發。

0630 到達巴士總站check in

0700準時開車

車上竟然有free wifi! 較為落後既加勒比國家真係無諗過喎! 當然行駛途中訊號唔太穩定。

之前係巴哈馬時，當地人知道我地要搭呢程4小時既長途巴士都覺匪夷所思，並叫我地搭飛機喎！ 4個鐘其實好短，咁我之前搭2、3十個鐘長途車，佢地咪覺得更天荒夜談？ 難道巴哈馬人個個都好有錢？可能係生活於島國，從未接觸過長途車呱⋯

巴士公司提供兩條路線由首都京士頓前往Negril，分別是走南岸及北岸，車程都差不太遠，每日都有幾班車，其實點使擔心買唔到飛吖! 等於我無擔心過返大陸既直通巴士無飛賣一樣。

我選擇左北岸班次，車程頭個零鐘係個密林閉天既路上行駛，都幾特別；路經熱門既Ocho Rios(翻譯：8條河) ，最後停第三個站Montego bay 時，只得我地兩人轉另一架巴士繼續前往Negril； 巴士上播著雷鬼音樂，係來到加勒比海後最常聽見既! 個零鐘車程司機不停向我地介紹牙買加，講左好多旅遊資訊，講左好多有關雷鬼既音樂，好似旅遊大使咁呀！不過就嫌我英文爛，要同港女講⋯

司機話未聽過我要入住既酒店，當講個價錢要$240-USD一晚時，佢即時嚇左一跳，話呢個價錢當地係天價，除非包晒幾餐都勉強接受喎! 出發前上網搵酒店時，我都知牙買加一直流行一個價錢全包式招待客人，其實我將入住既酒店應該唔係全包，比個司機咁講我都有點驚被坤添⋯

到達Negril，有酒店約好既的士接送$15 -USD，剛才個旅遊大使正努力遊說的士司機免費車我地去市集行一陣，當然不得要領啦! 而我則去巴士站旁既找換店換點當地錢。

一踏入間酒店範圍感覺已好正到喇! 先去Check in，職員話我選擇好既房間South Pillar只能住一晚，因為第二晚有人入住，所以要搬房間，仲比左好幾間房間我地選擇tim，我就話等我地親眼睇睇先再決定吧! Reception 有好多活動既單張，我地就Book左潛水； 影婚紗都有，但太貴了無幫襯。

於是去到我地入住既獨立超高腳屋，酒店取名South Pillar，顧名思義整間屋用四條石柱支撐，有幾層樓咁高，今次又學識個英文勒! 房間只望到個無敵大海景，其餘三面被樹林包圍，私隱度滿分! 而房間下面正正係被海水長期侵蝕下形成了海蝕溝，所以海浪聲像還迴立體聲一樣，置身其中好似被大海包圍咁呀! 對剛才”旅遊大使”既疑慮無晒，跟出發前網上見到既照片有過之而無不及呀! 二千多港幣一晚既Honeymoon亦絕對物超所值!

之後參觀埋第二晚可行入住既房間，有D係更大既，但是最後都選擇返景觀一流，溫馨浪漫既Pillar，只不過由South Pillar搬去North Piller啫~

半開放浴室係地下條柱後面

安頓下來，諗住平D去酒店對面既地道餐廳食遲來的午餐$2200-JMD($150-HKD)

食飽飽當然返去享受間房啦~ 漫無目的係度Hea，感受加勒比海浪聲，咁先係honeymoon嘛~

晚餐酒店食 +20%服務費 $43-USD

銀仔出發前DIY自製的

我都有跳，有相有片的，可惜唔見晒⋯

欣賞日落

食飽又係返房享受，同港女係床上傾計期間，不知不覺被海浪聲包圍瞓著左，竟然瞓著左都唔知! 半夜”紥醒"發現就好似中左迷煙咁，大家都無蓋被，無用枕頭。

讀萬卷書不如行萬里路之雷鬼音樂：(取自Wiki)

雷鬼音樂深受Rastafarianism(拉斯塔法里運動)影響，同時，隨著雷鬼音樂風靡全球，拉斯塔法里運動也得到了廣泛傳播。現在，據估計全球Rastafarianism信徒已經超過100萬人。

鮑勃·馬利（Bob Marley，1945年2月6日－1981年5月11日）牙買加唱作歌手，雷鬼樂鼻祖。他將牙買加雷鬼樂（Reggae）帶往歐美流行音樂及搖滾樂的領域，成功將牙買加雷鬼樂傳入西方，對西方流行音樂產生巨大的影響，後世尊稱他為雷鬼樂之父。^[1] 他以充滿激情、力量、鬥志的靈魂之聲，獲譽「首位第三世界的流行巨星」，實踐了音樂無國界的理念。而作為反種族主義的音樂鬥士，他長期致力於牙買加社會運動，他的音樂包含寬容、博愛及信仰，至今仍被國民視為牙買加的民族英雄。

雷鬼樂的節奏一般比斯卡或慢拍搖滾要慢^[5]，其特點是較慢的節奏、吉他或鋼琴的弱拍、強調第三拍，以及由切分音組成，旋律性的低音線，這些特質使雷鬼樂不同於其他音樂。

我返香港後都經常聽Bob Marley音樂，來懷念一下牙買加風情架!