Day 10 再租車、住深山(安道爾Bixessarri)

(Day 10) 2015-04-10

住宿 : Hotel Parador de Canòlich

行程 : 巴塞羅納 —> Sant Julià de Lòria (安道爾) —> Bixessarri

今日喺團友Ellen提早回港嘅日子，先係住宿食埋尋晚買嘅角仔、市場買嘅生果作早餐。然後一齊攞行李離開住宿，咁多人梗係搭的士，民宿去到機場車費連行李費€38。

為何我們三人也攞晒行李呢？因為我們已決定離開逗留了3日嘅巴塞，識得銀仔耐嘅都知銀仔唔鍾意玩大城市(其實今次留耐左了)，而熱愛自然嘅高Ling亦有同感。有時書本或網上嘅提議，這裡一定要玩幾日，那裡又一定要玩幾多日先夠。好似我咁覺得玩夠咪走囉，或者有D建築師或設計師覺得巴塞睇一個月都唔夠呢！所以話其實無乜野準則嘅，逗留幾耐最緊要都係睇自己啫。

到達機場，由於去程獲upgrade特選經濟，回程都心思思想坐返，所以問吓有無得upgrade，答案係要比多一倍價錢⋯ 試過好野好似返唔到轉頭添⋯ 咁貴當然無upgrade啦。

目送Ellen獨自上路後，決定再次租車闖一闖。三缺一後，車尾箱不用顧及存放行李問題，當然以經濟為本~ 從眾多公司中揀了兩間問價，一間係之前南法租過嘅Eurocar，及大牌子Avis。格價後Avis最抵，本來諗住租西班牙本地品牌Seat，點知職員十分貼心，話我揀既車太舊行車里數也多，唔建議我地揀，並推介了同級數嘅VW Golf以€114租兩日，仲比我地延遲至1400還車添！

@1200

去停車場攞車，檢查後出發再往「牛蜱山」(正名: 比利牛斯山)。 不過先返轉頭，去剛才搭的士前往機場路過嘅一個商場用膳。沿途開住手機個Google map用離線GPS。商場都幾多遊客喎，仲見到D華人遊客，相信這裡是Outlet。離開市中心遊客區物價果然便宜，午餐亦抵食夾大件。飯後於商場外買點麵包；也去過高Ling好想去嘅L'occitane，不過發現無乜著數後，便立即使離路況複雜、自駕會迷路嘅巴塞隆拿。

咁大間舖只係賣咖啡膠囊! 睇嚟當地人真係好鍾意飲咖啡喎~

頭盤

主菜及甜品

離開巴塞往西北方走，全程於山路行駛，銀仔開始掛住喺南法租嘅Benz呀！因為架VW Golf得1.5cc，跑山路實在太吃力⋯ 沿途山區風景好壯觀，我地不時停車喺路邊細心欣賞同拍照。大家都慨嘆應該早一點離開巴塞，來這裡遊覽會更好。 於山區途經一間修道院，不，應該是途經纜車站，沿纜車抬頭望不知幾多百尺高，見有一座修道院建於㞳峭嘅懸崖上，就決定回程上去一看究竟! (最後無時間去)

之後路過一個水壩及無數風景優美嘅小鎮，終於到達標誌著兩國邊境嘅大樓，不用停車、也不用檢查就進入安道爾國境了。早前於西班牙國境山區那邊風景怡人，大家都有相逢恨晚嘅感覺。來到安道爾這山區小國，美麗建築物襯托著崇山峻嶺，更覺是一個夢想之地呀，嘩嘩聲此起彼落~

邊境

去到一個叫Sant Julià de Lòria小鎮，路兩旁長滿了粉紅色花嘅樹，而且旅館、酒店林立，找住宿無難度。見到風景咁靚大家都有共識，唔住毫無特別嘅市中心住宿，一定要去鄉郊搵旅舍。趁旅客中心未關門攞地圖，並聽取職員推介。上車後研究地圖發現職員推介嘅住宿都係近市區、比較大路嘅酒店。不過再仔細睇地圖，我地就被一間地理位置好特別嘅住宿所吸引。這住宿位於一個深山、叫Bixessarri嘅地方，方圓十里都無其他設施/景點咁，而且仲必經一條蛇仔山路才可到達！趁天未黑齊決定闖一闖，大不了咪回市中心找住宿。 

Sant Julià

於是再走更斜嘅山路上山，這1.5cc嘅私家車行得更辛苦。約十多二十分鐘後，到達Bixessarri小村，望落好似無人住咁。再看地圖，發現我地仲未走過蛇仔山路，應該仲未到。於是再上山，終於駛到所謂嘅蛇仔路，這裡更加斜，可能有5-60度，真係怕架車會向後跌呀。沿蛇仔路上山揸了十多分鐘，連一間建築物都見唔到，加上天已入黑，大家心裡其實有點害怕，大家有共識係揸多十分八分鐘都見唔到就回航吧⋯ 

呢度好靚，但上左咁耐山原來仲未到

無幾耐終於見到燈光，一間位於深山嘅建築物於眼前呈現。下車時天氣十分寒冷，推開餐廳大門，見到屋主是一對上了年紀嘅夫婦，由港女用西班牙文問吓有無房。由於屋主回答話有最後一間房時，我地已經太興奮、不停hi five，所以唔記得住宿價錢，應該$1000-HKD 有找 / $100 EUR左右吧。一入房間又係嘩嘩聲，簡直係夢想住宿！廁所有浴缸、企缸、兩組洗手盤，仲係一間套房，最多可以住四個人，可惜Ellen已經離我地而去。這裡四面環山，當然唔少得雪山景，而且裝潢好舒適溫馨。銀仔同港女一間房，另一間就由高Ling獨佔。屋主十分友善，有賓至如歸嘅感覺。女主人識西班牙文、法文同少少英文，男主人就唔係太識英文，不過都好熱情招呼我地。

蛇仔山路

入黑前到啦!

大房

高Ling瞓嘅房中房

由於方圓百里乜都無，晚餐當然幫襯呢度嘅餐廳啦~ 諗住大家都肚餓無謂太慳，於是每人叫了一個set dinner，大約十幾歐羅一個餐。點知食完麵包、沙律等前菜就發現今次大鑊了，因為太豐富，根本無可能食得晒，浪費食物真罪過⋯ 結果叫老闆娘留起啲火腿、cold cut聽朝早餐食，而薯條就無能為力了。Sorry sorry!!!

住宿對面有一間教堂

頭盤：麵包共享，用蕃茄及蒜頭括落麵包度食

頭盤仲有每人一大碟不同種類嘅火腿，另有沙律及湯，真係未到主菜已好飽了⋯

主菜來到，唯有盡力而為⋯

仲有甜品