Day 20 童子尿(古巴Trinidad)

(Day 20) 2014-11-20

住宿：民宿

行程：夏灣拿 —> Trinidad

昨日在巴士站買了車票，南下Trinidad，於是0630起床，食完早餐執完野已0720，由於趕時間，截車多架不成後，(因為開價太高及想用當地人貨幣CUP)，係路邊經過中介人介紹下，用了$-5CUC 成功上車。 搭的士期間瘋狂補影回遺失了的照片⋯

到達人山人海嘅巴士站，竟然遇到第一日在機場見過嘅日本人搭巴士返嚟夏灣拿。0820準時開車，所乘搭嘅旅遊車係中國出產，都幾新淨，仲有廁所添。

1030去到中途站，即成車水魚到左啦！ 三文治$2.5CUC+山竹汁$1.5CUC，即共$40-HKD，貴過香港！

巴士總站Viazul

中途站

尋晚突發奇想計劃到達Trinidad後，即時租單車前往海邊小村La Boca渡過一晚，於是便打算推了屋主René替我們預約好既當地住宿。

1430巴士到達Trinidad，係巴士站仍然見到René約好既住宿來接我們，都係被我們婉拒⋯ 於是背住背囊先搵租單車既地點，搵到租單車既地方，港女隻腳短，所有單車都唔啱，最後搵到架啱，但原來港女著住長裙唔方便，又生疏晒唔識踩，攪到市儈既古巴人都擰晒頭唔租了… 其實港女話曾經識踩單車，但話太耐無踩已唔識了(曾經識都會變唔識？我半信半疑⋯)

我成日講笑同港女講：唔識踩單車就同我騎馬，唔識游水就一齊潛水，唔識揸車就玩揸飛機啦!

根據LP講係這個遺跡就有單車出租

呢張係整個行程最喜愛照片之一

搵餐廳食午餐，部份餐廳D餐牌睇見就嬲！ $1xCUC主菜，價錢竟然仲貴過夏灣拿D豪華餐廳喎！對於香港生活既人算係合理，但相比於當地人每月搵幾十CUC，當地日常生活仲要係用較平既CUP，咁我地仲唔係水魚？

最後搵到一間以監獄為主題嘅餐廳午餐，叫左main course同malta，$16CUC($125-HKD)埋單，仲剩咗啲意粉今晚再食～ 餐廳內有個身型瘦削嘅女人，叫了一大個pizza展覽，最後包起拎走，睇嚟可以食兩日。

單車計劃不成功，於是留在Trinidad，昨晚應承左René所以搵返間Mojito民宿，根據卡片既地圖尋找，但行到上半山，喘晒氣。不過原來民宿見我地唔住，已另找客人，於是介紹我地去附近一間民宿$20-CUCHKD($160-HKD) ，位於平民區，感覺不太安全，不過都係感覺啫~

民宿設計特別，天台能遠眺海岸，特色設計跟剛才René個friend間民宿一樣，看來古巴人都幾有品味喎！

房間就求其左D...

平台能遠眺加勒比海

於是在Trinidad鎮內亂逛，由於位於山區，所以全是斜路，而路面則全行石春路，都幾難行。 行到一間教堂又落大雨了，避了一陣雨，去超市買完雪糕啤酒汽水回程，路經一間網吧，看一看價錢簡直係天價$3CUC/20min，完全打消了港女嘅網癮。 回程時由於無街燈，好黑，突然右手背有一些暖水，以為邊度滴水，點知拎頭一望，漆黑中細看原來係一個孩童正在係舖頭門口，僅喺高一級既樓梯痾緊尿，童子尿都中埋真係唔知好運定黑仔…

晚餐借民宿個廚房，煮返熱午餐食剩既意粉＋剛才買既啤酒，用完佢既鑊，屋內既婆婆仲唔比我清潔tim，辛苦晒~

2230時，用微弱嘅花灑沖涼後，就入房開大韓製LG牌冷氣大覺瞓。

落大雨水浸街

天價網吧