Day 1 請勿隨地吐痰(航班上)

(Day 1) 2015-9-11

行程：香港 —> 約翰內斯堡

買機票時無發覺出發日期原來是911，算吧，生死有命，哈哈~

今晚港女專登走半堂西班牙文來送機，可惜我比預期遲到，又激C港女，但總算時間啱啱好，苦了港女久等了。

港女於起飛前兩小時已到check in櫃台，發現無人排隊，直至我去到時仍然水靜河飛，心諗一陣長途夜機咪可以擺橫瞓晒成行座位？

跟港女暫別，大家都覺得無之前係冰島咁，玩到興高采烈才分開咁慘。我地第一次一齊去旅行都係我去先，然後接港女機架！

選乘南非航空 SA 287，2320 boarding 到達閘口勁多人，見到jetour香港團，登機後班機full晒，等我早前仲滿心歡喜以為有得擺橫瞓晒成排櫈... 為何早兩小時都唔見人check in呢？咁呢班機D人咪好早check in?

港女叫我whatsapp機艙相比佢睇，等佢有所準備。乜都唔使諗，無插頭無USB，係最基本設備。不過座位很寬敞，我咁高都唔頂腳，還有長途機用品套裝。

航班雜誌有介紹納米比亞，仲有介紹早前明珠台見到於沙漠原始生活嘅夫婦添。

瞓到半夜，約莫香港時間0900，聽到有國語廣播，但銀仔國語又係有限公司聽唔晒，話警告不要係廁所地上唔知乜野，可會被拘留喎。呢段警告無英文無其他話廣播，妖！請不要丟臉吧...

瞓醒後將ipad夾在前座椅背，睇一套一早Download好嘅戲"127小時"。講述一個人被困峽谷，最後要自己截肢的求生電影。雖然我並不是去探險，但這電影絕對好適合我依家一個人於旅途上收看。

早餐時再有一次中、英廣播，今次終於聽得明啦！原來警告乘客不要再吐痰落廁所地板上！怪不得剛才去廁所有大量紙巾係地下啦… 雖然有小小先入為主，但無証據絕對唔會認定係某一種人做嘅。不過D人點解咁大個馬桶洗手盤唔吐，係要吐落地呢…

@1030/南非時間0530

這程機有晚餐及早餐

這水袋代替"阻訂"嘅水樽，好正! 亦都吸引左好多人嘅好奇目光。