續Day 5 五星級服務(關島)

續(Day 5) 2014-01-08

住宿：Sheraton Hotel

行程：關島

食完晏去著名景點”情人崖”，如要上崖上既瞭望台，先比入場費! 呢D咁熱門既景點，都係遠觀就算Lu... 

一個浪漫的傳說

關島有一個極為浪漫的傳說﹕古時有一位查莫洛 (Chamorro) 少女與族中青年相戀，卻被父親許配予當時的西班牙軍官，一對戀人最終相約於 Tumon Bay 一處高崖，雙雙從 378 英尺高的縣崖跳崖自盡。這座高崖現時正是關島著名的景點 — 情人崖 (Puntan Dos Amantes)。

情人崖在修建過後，現時設計了一座絕佳的展望台，可鳥瞰沿菲律賓海鋪展的白沙海岸、關島中部以及崖下美景。廣場旁邊還有一座由日本靜崗縣送贈的情人鐘，據說只要情侶一起敲鐘就能相愛至永遠。淒美的傳說、日落的美景，與情人敲起一下一下的鐘聲，縱然不盡信情人鐘的傳聞，相信也能交織出屬於自己的浪漫愛情故事。

轉自http://www.utravel.com.hk/DetailSpot.php?id=ADIRZxEuA3w

上：每對新人都有紀錄
左下：情人崖要俾錢
右下：俾錢買，自己鎖上去，我無做

去完情人崖返酒店游水，泳池海天一色，靚絕! 用港女Sony防水電話來影相，無有怕~

巴士站

難食美版合味道!

海天一色既泳池

沖涼完講開酒店很差的執房服務! 由尋晚開始房間牙膏洗頭水沐浴露咖啡茶包通通無refill ! 兩老房間只掉了已分類好既啤酒罐，其餘杯麵煙合等已分好不能recycle既垃圾桶垃圾竟然放在門口打翻一地⋯ 於是由港女向reception反映!

當時reception係一名日籍女職員，她向港女講公司一般唔會refill，客人有需要就要主動提出。我地心諗「真定假呀？」最後因為趕食飯，就按下不表，垃圾桶既問題都未講到。

酒店BUFFET，明明兩日前同reception預約好，去到又話無⋯ 不過當時預約見reception都係求其寫係張紙度，可能就係咁”娜西” 咪無預約囉! 不過個職員都話餐廳唔full，都可以食! 既然仲有得揀，緊係睇吓先再作定論啦! 好在塞翁失馬，無做預約，今日係韓式buffet,一睇之下食物種類極少，應該只有十多樣，絕對忠於韓式，所有魚生生蠔通通都無! 只係牛扒睇得上眼⋯

外國人通常都係食得好簡單，無香港人食得咁奄尖⋯ 不過以消費者既角度當然越多越好啦! 我都係精打細算既港人，每人$55-USD既buffet食咁少野梗係走人啦!

再揸車去Hagana既查莫落夜市，個夜市今晚終於有開啦! 夜市以紀念品，傳統小食為主，只見好多遊客坐係石壆、花叢旁進食晚餐，我地都排左好耐，先排左兩樣小食，但當港女排緊樣正餐時，望一望價錢竟然同餐廳同價! 咁當然入餐廳舒舒服服食啦~ 不過港女睇黎唔係咁諗噃⋯

左圖既地道小食好好食，好煙韌

最後搵左間Jamaica Grill餐廳，叫左個家庭份量既大雜燴； 呢個大雜燴絕不簡單，有一整隻雞及燒排骨佈滿面頭，底部塞滿晒飯，應該有十碗⋯ 我都唔知有咁多既份量，對唔住⋯

真係太多了，我已經大食架啦，加上港女同阿媽唔係食得太多，不過都好盡力，但食來食去都係食左一半，呢獲真係折墮了⋯

頭盤

呢一面，影到一整隻雞!

這一面，影到佈滿燒排骨，底下塞滿飯!

食完只係晚上9時多，但夜市已經收左大半了⋯ 特登來想逛夜市，竟然咁快收檔，而且一個星期只開一晚，我當然仲有機會啦，不過港女後日就要走，睇黎夜市同港女無緣了⋯

返到酒店再同reception完完整整咁講執房既問題，今次換上第二個日本女職員，佢好用心聆聽並係咁講sorry，講左我地既要求，即需要沐浴套裝同牙膏!

於是係房間等候，housekeeping拎左一大袋用品過來，打開一睇淨係洗頭水都有五支! 而兩老間房亦有一大袋，真係嬲到震! 乜我地好貪心咩!？ 使唔使比咁多我地？ 最後取下需要既用量，兩大袋用品攞返落reception...

唔知關島係咪主力sell日本人，連請既職員都全是日本人，所以對我地呢D香港人毫不重視⋯ 

(後來港女返到香港於Tripadvisor及book酒店既booking.com寫下完整既經歷)

咁啱寫呢篇野之前有蘇絲黃在網上投訴酒店收茶包錢，唱衰間酒店而被人聲討，希望銀仔唔會吧⋯ 不過我同佢唔同既，佢係無理取鬧

https://hk.news.yahoo.com/茶錢的風波-反思投訴文化-225629162.html

數臭完酒店D衰野! 都不忘有讚既~ 我地唔可以偏埋晒一面而唔提及既! 就係我地book揸飛機同稍後既潛水，都係由reception百忙中替我們電話預約既! 我們遇到既問題，希望係個別事件啦⋯(唯有咁諗)