Day 10 鬼頭刀(關島)

(Day 10) 2014-01-13

住宿：Aqua Suites Guam

行程：關島

網上照片

起身食早餐後又上網又報紙，攪到成1300先出門口； 趁仲有部車先去杜夢區先~ 去日本餐廳食一個壽司卷，行陣街，再突然想去早前買過刺身既Califouila超市買定D刺身，攪到好趕去還車⋯⋯

酒店睇錄播利物浦對屎篤城，驚險勝5:3，然後係度Hea⋯

飯前做運動，做完行25min去早前食個兩次既世宗韓國料理； 同之前一樣點了個鐵板燒牛肉，真係好大碟好好食，只不過今次係一個人食，我獨霸晒呀~ 個”阿豬媽”認得我仲問我係咪住係關島tim! 哈哈~

食飽飽正想步行返去之際，有個黑皮膚，貌似壞人係度工作既人話遇正收工，車埋我返酒店喎! 我諗會唔會車我去老笠呢？ 猶疑左兩秒鐘即時答應! 佢架殘車要超大力關門，短短既車程，傾計時得知原來佢又係來自Chuuk，即我好想去，而又因機票太貴去唔成既密克羅尼西亞群島既其中一島呀! 

最後當然平安到步啦! 係我小人之心啫⋯ 唔通島國既人真係咁熱情既？

返到房Hea一陣又口痕隱唔住想食剛買既刺身! 除了Tuna及三文魚併盤，另外白色既係Mahi mahi fish，上網一查原來叫”鬼頭刀”魚呀! 學名叫鯕鰍⋯ 好好味架! 咁大個仔都未食過呢款魚來做刺身架! (返到香港D壽司店都留意唔到呢款魚既)

維基是咁形容的：

本魚棲息在海洋表層，從表層至水深10公尺。喜群集於蔭影流木、浮藻區，晝行性。屬肉食性，以飛魚、沙丁魚或其他魚類為食。

食用魚，肉質白，味道淡，適合做成生魚片、醃漬、魚丸或魚鬆，另外也是著名的遊釣魚種。

網上照片