Day 8 獨留關島，再環島遊(關島)

(Day 8) 2014-01-11

住宿：Aqua Suites Guam

行程：關島南部

點解會留多一星期？ 其實呢一星期我原先諗住去多一個島，而唔係留係關島架! 呢一個島就係密克羅尼西亞群島既Chuuk，Chuuk海邊有一百幾十隻二戰時既殘骸，場面壯觀，雖然我唔係潛水愛好者⋯

起初都諗住去硬既，不過三思後，機票極其不合理，1hr48mn既機程就索價近$6000-HKD，呢個價錢真係比佢航程遠十陪既歐洲都去到啦! 2hr15mn去帛琉竟要$7389-HKD! 而去遠一點既馬紹爾群島，票價更高達$13000-HKD tim! 因為太平洋地區係美國航空獨市生意，無計! 就係咁，銀仔就獨留關島多一星期勒⋯

朝早食左D麥皮同餅，係房內上網搵資料攪左一大輪，得知租車公司租夠一星期可以平$25-USD，攪到中午先出門口。

先去滕一番食拉麵，好細碗唔飽，並睇埋D帶來咁耐都未睇過既資料，諗定今日要去既景點，決定再去南部!

之後再去機場租車公司延長多兩日，架車無油要入油，每加倫只係$4.75-USD, 即約$9-HKD一Lite, 打爆架車都只係$38-USD，真係抵呀!

又去Hagatna,因為有個景點未去架!

”Fort San Agueda”

阿布根堡坐落於亞加納的制高點，具有進可攻退可守的重要戰略位置，一直是兵家必爭之地。19世紀初期，西班牙軍隊為防止查莫洛人反抗襲擊，在這裡興建防衛性雙層碉堡，到了二次世界大戰時期，佔領關島的日軍，更在此設立砲台，以嚇阻美軍進犯。現在阿部根堡已不再是軍事用途，擁有制高點的特色反倒成為遊客必訪的景點之一

然後再一次細味西班牙廣場!

西班牙花園廣場 Plaza de Espana 

原為西班牙統治時期的總督官邸，現列為國家保護級的古蹟之一。廣場中央的六角形涼亭是音樂廳，中亭還有一座巧克力屋，為昔日總督夫人宴請貴賓的場所。 

上:總督官邸

反方向南部環半島遊，1640去到Talofofo瀑布公園已差不多關門啦⋯ 落車詢問下個職員話1730先關門，仲叫我放心入去tim!

此刻既然撞到同事喎!!! 真係世界係細小小小呀!

途中靚景

呢度最出名係Talofofo瀑布外，仲有一個洞穴，叫橫井山洞 Yokoi’s Cave 網上描述是咁的：

「1944年，美軍反攻關島後，日籍士兵橫井山藏身在泰拉佛佛一處叢林山洞內，直到 1972 年才被當地農人發現」

臨走時入埋公園內既唔之乜冬冬既愛之園，園內全是鹹濕石像，怪不得要over19歲先準入啦! 恕我唔識欣賞，加上臨近關門人影都無，啲石像好似有生命咁，溶左我咪大獲! 毛管都凍，即時走人!

回程時天已黑齊，見到山頭有一大條火龍! 原來係當地罕有既山火，連當地人都話never seen呀! 於是一同落車影相!

晚餐係之前同家人環島游時路過問路既酒吧，食fish&chip，但今次只得我一人，雖然不是整條魚，係魚柳，不過都好鮮呀! 詢問之吓原來係每日新鮮捉架! 呢度位置正正係碼頭，唔怪之啦~