(Day 9) 2014-01-12
住宿：Aqua Suites Guam
行程：關島
瞓醒食隻蕉就落fitness room做運動，這是我plan好每日既餘下節目~
fitness room D野殘舊到呢⋯ 不過都志在有點運動啫~
做完上房食早餐，食尋晚超市買既麵包，港女留下既麥皮等⋯ 好鬼飽呀! 呢獲真係食包包食飽Lu~
@1200
 |
食完上網睇報紙同打遊記⋯ 係時候要出去行吓啦! 攪呢攪路攪到1400先出門口⋯
先又係食野先，以為係日本餐廳點知係中國餐館，$9.5-USD
今朝係張紙mark低餘下關島既時間要做既事，首先去情人崖影早前無影過既靚景先； 之後去日航酒店旁既沙灘曬太陽，但曬完後烏雲密佈了，magic hour都係影唔到!
 |
| 呢張相有少少似明日之後個feel呀! |
諗住去Hagana食早前食過由韓國人經營既餐廳，點知個夜市範圍全部關晒門，只剩一間早前食過，大碟到食剩一半既連鎖餐廳Jameica Gills⋯ 唔想再走來走去喇! 又再食呢間，入到點上次無食過既11安士肉眼扒，嘩! 好美味呀! 仲有兩個飯tim! 真係驚死你唔飽~
食到飽一飽，就係海邊停底架車靜吓，見附近都有當地人停左幾部車，D人都一樣，有D仲瞓係草地tim!
播住電話既歌，回想返以前有部車既日子，都有試過咁做⋯ 呆呆吓，加上海浪聲，不自覺瞓著左⋯
嘿，豆腐火腩飯 。。。
回覆刪除哈哈~ 所以我每個行程都盡量有男人的浪漫架~
刪除去旅行都會咁乖食麥皮嘅？
回覆刪除我以前無聊時會自己坐船入長洲個海灘坐睇落架！
睇日落呀！
刪除係D野貴，唔想出去食啫⋯
刪除你無聊會去長洲？ 真定假？ 你住港島？
真架，我住沙田呀!
刪除未養隻女前得閒好多，可以成日周街去，手指同腳指甲油廿隻唔同色架，而家hand cream都無得揸呀(T.T)
係... 會心掛掛，又掛佢要開大開細，又驚無人照顧
刪除咁快啲買返部車先啦^^
回覆刪除你講開咁啱係埃及攪生意個fd，離港前比部靚車我長用，但樓下停車場full晒，方圓廿里都無停車場，真係送比我都用唔著呀⋯
刪除香港始終泊車係一大煩惱><
刪除做完gym食whole grain 麵包＋V8，好健康噃。中國餐館個餐，似越南牛肉粉多D。
回覆刪除好不嬲都好健康架! 點解今次又唔加分？ 哈哈~
刪除哎呀~ 應該係中國人經營既越南餐館~ hehe