Day 11 發夢王(關島)

(Day 11) 2014-01-14

住宿：Aqua Suites Guam

行程：關島

今日係用來浪費時光的! 10時起床食早餐，跟住又係房內做D指定動作，上網、睇報紙、食埋D刺身、同埋唔知做乜⋯ 攪到1530先捨得出門口!

去酒店旁既一間越南野”Bamboom”食野，嘩! $11.5一碗麵好貴呀⋯ 但都要食架⋯

食完諗住行落沙灘曬太陽，行到呢條14B路盡頭落斜前，竟然有指示牌話唔比人行落山丘，因為無行人路，而車路又極窄好危險⋯ 左行右行竟然無樓梯或行人路可以行落去! 咁都得？ 即係歧視我D無車之人啫!!!

曬唔成行返轉頭搵係地圖介紹，一間租平車既公司，去到真係如介紹所講$25-USD一日仲連堆保險Tim! 抵到爛~ 一於聽日下午來租先~

於是打道回府，路經油站買兩條朱古力一路行一路食先~

返到房打遊記同上網~ 做完運動正想去食路口間Papa Johns之際，原來傾盆大雨倒水咁⋯ 好在係過雲雨，十多分鐘後停雨，即時gogogo~

點解要食Papa Johns? 因為出發前剛睇完一套戲，叫”發夢王大歷險” (The Secret Life of Walter Mitty)，由賓史迪拿主演，我已睇過佢好幾套戲啦! 佢做親都係喜劇，由最初既非常外父，後來既翻生朱羅館，真係笑到碌地呀!  今次再睇佢做戲，蒼桑左好多呀! 計一計，原來我對上次睇佢做”朱羅館”都成7,8年前既事啦⋯ 今次入場諗住純粹笑一翻，點知原來係一套百感交集既戲，加上佢歷險既地點正正我早前去完，新鮮滾熱辣既格陵蘭首府Nuuk及冰島，十分親切~ (及後講既阿富汗同喜馬拉雅山好明顯係係冰島拍既)，而尾部既內容就更精警

［當片中攝影師在喜瑪拉雅山山脊靜待野生花豹的出現，準備拍攝出色的生態照片，但目標出現後，辛潘卻停止獵攝，反而用眼睛去看，去感受，而不是透過相機鏡頭去「看」。對熟悉攝影的朋友來說，辛潘的行為值得反省，譬如到了他國旅遊時，遇見美景便匆忙舉起照相機拍攝，根本沒有放低相機去欣賞及感受，這局限了我們所看到的世界，視野也狹窄了。］

以上內容係Blogspot”司徒隨想曲”既感想節錄，英雄所見略同，我懶得打所以copy落黎! 而我呢？ 雖然比以往更注重攝影，畢竟我更愛旅遊，旅途上除了影靚相外，當然還會慢慢感受啦~ 有時買埋茶點對住個靚景食，有時更會痴呆一段時間tim!

講返Papa Jonhs, 就係主角年青時因父親剛去世而要去打工既地方，見係路口有一間當然試吓啦~

叫左最平8吋既Pizza，$7.99-USD連牛油，幾好味~ 不過問過店員竟然唔知有呢套戲喎⋯

食Pizza我諗起早前既新聞! 好似係紐約市長用刀叉來食Pizza，比美國人狂插! 原來美國人係用手來食，意大利先用刀叉來食架! 我來到美國都體驗吓美國食法先~ 哈哈~ (雖然香港都經常係咁食)

D人大部份外賣，所以空無一人!