Day 23 倫敦單車遊(英國倫敦)

(Day 23) 2012-10-13 

住宿：Grance Fitzrovia Hote

行程：倫敦

0930起床，食酒店極豐富，服務一流既早餐，每枱都有獨立既五瓶果醬都知係絕不簡單啦！ 睇睇個餐牌原來外來人要入黎食一個早餐buffet要成£18架！ 所以收我£103一晚都算是合理吧！ 食完個早餐又上房瞓覺Lu〜 一瞓就瞓到1300

今日決定踩單車，原來倫敦租單車只係£1 per 24hrs ，真係好抵！ 而且整個市中心（遠D我唔知）好多呢D單車站，除了所有underground外都有，景點，公園，路邊緊有一個係左緊！ 踩到攰就可還返比單車站，搭車去到第二度又再攞過第二部，總之就係廿四小時內任何地點取車及還車啦！ 

租車還車全程自助化，用張credit card做完程序就可以攞車啦！ 還車亦要用張credit card, 因為部機靠張咭來記低你係邊度取車同還車的！


我今日總共踩左三個小時，先由告事打道，經柏麗大道，最後踩到返住宿既呠蘭街呀！ 好攰，踩到腳軟〜

單車站,仲有埋地圖,真方便

刷卡後就出一張密碼取車~

踩過Park Lane~

踩過購物大街~

以£1既價錢，又有得玩，又方便，我覺得係最佳既遊覽方法呀！

除非有單車徑，如果無就要踩出馬路，要遵守交通規則，同汽車無分別，而車輛亦唔會嫌你慢呠你或同燈閃你，可能香港既司機仍未接受到呢套呱。經過今日，我覺得既環保又健康！ 

依家我國則反其道而行，以前大陸每人梗有一部單車，現在已不復見了••• 

香港呢？ 呢幾年則是一個潮流，個個都話踩單車，而單車旅遊更是一種新興既旅遊方式，個個都話去台灣環島單車遊，更開始陸續有人開始由香港踩單車去歐洲tim⋯ 回想我差不多十年前係埃及踩住部單車，遇到香港團，當時既港人覺得係匪夷所思⋯ 哈哈！我唔鍾意跟潮流，只是想做就去做啫~

而歐美部份地方則反樸歸真，不同香港既係當地人真係當作交通工具，而不是娛樂⋯ 始終環保係大勢所趨! 不過都有問題係香港不太可行，就係路面太窄少行車線，而另一原因就係天氣太熱啦！唔通踩到身水身汗返工咩•••

晚餐落Pub 食Fish & Chips + 大杯裝生啤£17•74