Day 18 船上瑣碎事(格陵蘭Sisimiut)

(Day 18)2012-10-08 陰
住宿：船上
行程：Sisimiut à Nuuk

今日0815起床，因為船將會係0900於Sisimiut 靠岸呀！ Sisimiut 亦都係我最初plan去既城鎮，由於Ilsulisat 位於再北一點,所以便放棄Sisimiut。


剛落船時尋日識既丹麥女人Marie 叫我join其他三個丹麥人一齊去手工藝市場參觀，咁就大出血Lu ...

我買左用海象牙造，雕刻成北極熊頭部既吊咀呀！$250-DKK 及一隻海象牙既介指$350-DKK 

Sisimuit

上船後又係食Lunch buffet既時間，主菜係鯨魚肉; 每人都係十級巨浪吓用餐，有人仲跌晒個餐盤D食物Tim! 經過一日既船程，我已經再無暈浪既感覺Lu~


食午餐時同啱啱一齊去handcraft 市場果另外三個丹麥人傾計，原來佢地用晒差不多一個月既時間玩Greenland ,並沿西南面既海岸線由南向北玩，直到我stay 既Ilsulisat 就搭呢程船回程; 從佢地既口中及相片得知，南部有一種類似牛既動物係野外生活，D毛好長架，叫做Moskus 不過查app既英漢字典就查無此字•••(後來先知係Musk ox) 佢寫比我可能係丹麥文，梗係查唔到啦〜
另外佢地9月在Greenland 西南部Arsuk遊覽時，只係著短袖衫咋！話當時起碼有二十幾度••• 我出發前既香港正直秋涼都係廿幾度咋！！！ 你話震驚嘛？
我仲認識到今個trip經常見，切到細細粒既魚叫做Hering，亦都查無此字，話中意聯群結隊生活，要拖網捉佢地，通常都係用醋及鹽醃，係超市見到一樽樽用玻璃瓶入住既就係Hering啦〜 (後來係香港宜家都見到有得賣,叫做希靈魚呀!)
今日好似上左一課北極生態既course咁呀！

左上: 希靈魚

飲用既水應該係浮冰呱~

食完飯後機房話事人，膊頭有四劃既，話帶我地參觀機房喎！ 成船人有咁多人都唔叫，凈係叫我地幾個，呢個特備節目梗係唔會錯過啦！

我都知道係船工作既人分兩part人，分別係舺板工作及機房工作，係香港D人就話機房工作出路大D喎！因為可以維修船隻！
機房長官話成架船既機房人員只有三人，機房內就好似大型既五金舖一樣，乜野種類既工具都有，仲有一個故定物件既工具，我求學時上D&T(設計與工藝) 堂都用過架~ 全程由Marie翻譯比我聽，真係Tak啦〜 Tak = thank you (丹麥語冰島語同用)。

返學時用過~

職員休息室

參觀完機房就各自解散，我就要係十級巨浪，挑戰難道下沖涼先！ 因為尋晚有D暈船浪無沖涼就瞓左。沖涼房既地下都係乾既，唔通無人沖涼？ 沖涼時左搖右擺，我只有用力背靠住牆邊來沖，有點難道但總算完成〜 舒服晒〜
@1430


之後係餐廳打遊記同充電，其得知上網要$100-DKK for 2 hours($133-HKD) 昂貴既價錢同Greenland一般上網費用相約。 我當然無上網啦！ 無得上網仲好，就好似我流浪初期都未有Wifi，真真正正遠離煩囂，望吓山望吓海聽住Mp3癡呆一吓，洗滌心靈！
@1500

癡呆其間點解架船停左既，原來有人唔舒服需要上岸睇醫生呀！ 於是放下救生艇載病人去不知名既沿海小鎮診治。
@1730


是日晚餐係大大舊既三文魚呀！ 係香港就食得多挪威三文魚，依家我就試吓Greenland三文魚先〜$75-DKK 真係抵食〜 再加$9-DKK 試埋個甜品！
我食得好慢好小心，因為三文魚好多骨呀！ 唔怪之香港切三文魚做翅身既師父咁刀法如神啦〜


食飽飽去seating area坐多陣就瞓啦，出面烏雲密佈，日落北極光乜都唔使睇啦！ 再者聽日0630就會到達Nuuk！

出動救生艇

美麗既不知名小鎮