續Day 17 發現號(格陵蘭Ilsulisat)

續(Day 17) 2012-10-07 晴

住宿 :船上

行程 ：Ilsulisat --> Aasiaat --> Sisimiut

食完就返旅行社攞返D行李，同埋啱啱一齊join tour既丹麥女人一齊去搭船。

上船前係一個更亭取船票，seat no.係224，點知係開得出黎既床位喎！ 係間8人大房，我既class係"SARFAQITTUK" (因為我買最平既票，亦都無講明有床既）我仲以為好似之前坐船去克羅地亞咁要周圍霸位瞓Tim!

上到船著好晒禦寒衣物，就去舺板欣賞日落，希望見到埋鯨魚啦～ 1700準時開出！ Byebye啦，給我幸福，刺激，印象深刻既Ilsulisat ~

尋晚既夢幻旅館

離開Ilsulisat 就成海浮冰，冰山，好壯觀！大舊既四四方方好巨大宏偉，細舊既就好密，好似成隊艦艇咁～ 睇住壯觀既畫面，聽住MP3，當播到Rubber Band 既"發現號"，聽落真係貼切，特別激昂，能夠唱出我此刻既心情 [撞進了冰山　捲上了急灣　一秒從未想折返  就望到了　就能望到了　終會踏足這峽灣]

不過講開MP3，我每次旅行都會搵返D貼切既歌曲，今次當然係有大量既Beatles啦! 仲有極光既主題曲，梁泳琪既"北極光"及孫燕姿既"綠光"架~

睇緊日落時，同頭先認識個丹麥女人傾談，講出左我自己既睇法；氣候既問題，唔係乜野新鮮事，我唔係親身到過Greenland，呢D新聞都只係睇過就算，我都知嚴重既••• 但依家既我會好深刻，地球真的受傷了••• 

將來如果我有小朋友一定會帶佢周圍去，親身體驗一吓架！

之後係船上四圍參觀，有餐廳，有seating area等等••• 餐廳價錢合理，真係估唔到呀！ dinner buffet 都係$75-DKK~ 不過晚餐until到1830，我3點先食完好大碟既飯又未肚餓••• 算啦！反正有帶食物～

遠離陸地去到海中心航行，風浪越來越大呀！ 簡直十級巨浪呀！ 架船有時45度傾斜Tim... 有少少暈船浪既感覺，亦都無肚餓既感覺，好在無食dinner，如果唔係可能嘔埋出來呀！

成晚就係十級風浪朗朗吓咁瞓啦!

紀念品

用餐地方