Day 21 再見極地(格陵蘭Nuuk)

(Day 21) 2012-10-11

住宿：航班上

行程：格陵蘭 —> 冰島

0900起床沖涼，因為今晚先搭夜機，之前唔使旨意有涼沖呀！

來左旅行咁多日，今日終於先慢慢享受早餐，因為有太多時間啦！一食就食夠一個鐘，又睇返係冰島load左既過期報紙，今日應該會好悠閒的一天〜

行到市中心，又見到個第一日請我搭車既當地人Karale，仲陪佢一齊去食午餐Tim ! 反正有咁多時間咪同佢傾吓傾囉〜 佢係救生員，一陣返工； 傾落知道佢原來對畫畫同語言好有興趣架！ 話大部份日文同Greenland 語言相同，所以當年做交換生好容易學懂日文；說來慚愧，他解釋象形文字既中文，山及月字仲比我詳細Tim!

後來漫無目的咁行，行之前無去過既地方，去到一個相信係Nuuk最大型既商場Nuuk Centre，其實對於我地香港人黎講真係好細仲細個屋邨商場! 行到內裡一間專門賣禦寒衣物既舖頭，有冰島既名牌North 66賣；另外最想睇既係，係Greenland 人梗有一件既 Canada Goose大褸既價錢，因為我曾經係香港一間好大型既戶外舖頭見過一次，香港買好貴，好似要$8000-HKD⋯ 哦！呢度平少少，約要$5000-DKK！ 既然極地人都揀黎著，應該係最好最能禦寒既! 就連當地人Karale都話讚不絕口就知啦〜 我呢件如果著爛，將來有機會就去加拿大時買啦〜 哈哈〜

離開Nuuk Centre再行遠一點見有一間壽司舖喎！ 來到極地梗係想試吓新鮮既魚生啦！ 不過就無開門，而且無講營業時間Tim••• 真係望門輕嘆Lu...

之後特登去尋日係超市內既天橋茶座又嘆番杯先搾橙汁先〜 睇住佢用左5個橙先搾成我杯值$12-DKK 既細杯裝橙汁，都幾抵喎！ 香港買橙最平都要十蚊四個啦！ 而且Greenland 呢度D蔬果全靠入口喎！

@1430

返酒店囉行李時，個職員話我之前搭果架船既船底撞到岩石呀！ Delay左五個小時，好在無人受傷安全到埗••• 令我即時認起上星期香港既海難呀••• 祝遙遠既死難者得到安息吧！

之後去到晏晝同當地人Karale一齊食食既Chili餐廳，仲學佢食碗係歐美極少食到既湯麵，加多碗白飯撈湯Tim! 好飽呀！

格陵蘭最後巡禮

結冰的海灣

食飽飯就搭開去機場既尾班車，尾班車係1741開出，我班機係2300，所以搭尾班車囉！ 點知去錯車站miss左••• 我死都唔搭搶錢既的士架！ 於是搭2A巴士，到最近機場既巴士站落車行去機場；話就最近，其實步行起碼over半個小時••• 

步行無聊間計吓D的士點計法，二十蚊起錶，每次跳一蚊，我第一晚搭左6公里就要$154-DKK，即係每公里跳21次，真係好過去搶！ 之後當地人Karale請我搭的士都一樣咁貴，即係我無比人呃啦！如果我係Greenland 生活唔使諗，一定係揸的士啦！

行去機場沿途風景唔錯，有雪山有海景，不過就有寒風吹襲，塊面凍僵晒啦！ 我都不時停步欣賞係極地最後既黃昏架〜 Byebye啦Greenland! 我一生中就只可能得呢一次去Greenland 啦〜

差不多到機場時見有冰掛，即時想影低佢，不過令到原來已爛既腳架既再爛，希望小心D用挨埋倫敦啦〜

巴士站

係0730終於到左機場啦〜 回想返Greenland之旅好得意，因為當地人D樣同亞洲人一樣，相傳係由西伯利亞經阿拉斯加過來的，所以覺得好似去左亞洲一樣呀！ 而且係Greenland 認識得最多既，就係菲律賓同泰國人呀！ 得到佢地好似朋友咁看待，可能大家都亞洲人friend D呱〜 

等個天黑齊出去睇吓有無極光先，要行多幾步遠離機場無光害既地方••• 嘩！我地又見面啦〜 雖然微弱一點，但睇左半個鐘極光都無停過！ 及後check in完再睇，當係機場有光既地方就睇唔到，一步一步行遠D就開始見到，所以我主要相信係光害問題，當然緯度都有影響啦〜 極光睇極都唔停，我思疑極光根本就係一年365日每分每秒都有，只要有睇過極光網站既衛星圖就知道，其實南北極既極光帶一直都有，只不過係強弱之分吧！ 可能一陣係機上見得仲清楚呀！ 估唔到極光都來送我機喎〜

點解依家出入境無蓋印既?

飛機飛左上上空D極光仲勁，不停係漆黑一片既夜空飛舞呀，仲見有紅色既極光Tim~ 直到差不多去到冰島就消失Lu~ 飛機到上空已是午夜，飛機太震又影唔到，我又唔記得拍片⋯ 我真係睇到唔睇好攰要瞓啦!