Day 17 雪橇(格陵蘭ilsulisat)

(Day 17) 2012-10-07 晴

行程：Ilsulisat

尋晚開晒所有窗廉瞓,極光雖然比月亮既光芒所掩蓋，但仍有明亮既星星，係夢幻般既酒店，對住天窗既繁星入睡，感覺好幸福呀～

另外尋晚扎醒時，依稀記起唔見左副太陽眼鏡，應該係Hostel臨走時，同肥叔叔合照時留低架！ 一障一定要返去問吓先～

早餐食左兩塊好鹹煙燻既魚

1005時tour架車已到酒店pickup我啦！ 車我到其公司集合，我幫襯既係"Ilsulisat Tourist Nature aps”，似足孖寶兄弟既老闆咁啱又係叫Silver喎！ 緊係即時相認啦～

呢個tour仲有其他6個人報名，全是丹麥人，因為Greenland 係丹麥既屬地嘛～ 佢地仲租埋全副武裝，實唔怕凍啦! 離開馬路行去集合點，積雪好深呀！ 雙腳濕晒••• 下次再去雪地，普通低筒既行山難一定唔得，一定要買雪靴呀！

幾十年前,冰川係伸延到出海邊架!

出發啦！共十三隻狗拖一隻雪橇，強風吹起地上既雪，雖然帶左老細silver借我既飛虎隊頭套，但雙眼係無太陽眼鏡保護下，被強風同大雪打到好痛呀！ 相機既副廠電亦都係低溫既環境下即時玩完！ 無得影••• 早知用返舊正廠電啦，尋日成日係室外都無事••• 再加上極地刺眼既猛烈陽光，反射到雪地就更加厲害，我唔想雪瞎呀，於是合埋雙眼，挨到去休息處!

休息處遠離少少海岸線，被群雪山所包圍，整個世界都係雪呀！ 好壯觀！由於相機無電，呢個景象只能係我腦袋裡•••

沿回頭路回程，由於順風，太陽也在後面，舒服左好多～ 不過手指同腳趾就凍到好痛••• 其實我都醒啦， 所有禦寒依物都著晒上身••• 我當時驚慌唔知會唔會D細胞會壞死，要切晒D手指腳指呢？ 雙手即時放係大肶內則唔好比佢吹風先！

回程時諗起早前係國際台睇既節目，講一個人冬天從遠東既西伯利亞，一個人乘雪橇狗拉既雪橇去莫斯科！ 我今次只係零吓十度八度玩左一陣都頂唔順，西伯利亞係零下4，5十度呀！ 真係勁！

出發前隻隻都嗚嗚叫

Tour完左後放低D行李係中心，即時回前晚既Hostel搵太陽眼鏡，尋日好Nice既肥叔叔Eli原來同我一早收藏係廚房櫃裡，失而復得真係太好啦！ 即時擁抱Eli肥大叔先～ 唔通能夠見到極光既人，會帶來幸福既傳說係真既？

@1300

仲有幾個鐘時間先搭船，星期日市中心既舖頭又關晒門，緊係去HK Cafe食野+上網啦～ 路經仲借小朋友既雪橇係斜坡衝落黎Tim~ 好好玩，好刺激呀！剛才玩完用狗拉既，依家就玩自助模式，唔怪之雪橇係當地小朋友最愛既玩意啦～

HK Cafe個泰國女仔認得我，比左10% Discount 我呀～ $70-DKK

仲送多碟薯條比我Tim~