續Day 16 夢幻旅館,幸福極光(格陵蘭Ilsulisat)

續(Day 16)2012-10-06

住宿：Arctic Hotel
行程：Ilsulisat

今晚入住Arctic Hotel裡既IGLO獨立屋，IGLO係仿愛斯基摩人既冰屋建成既現代化冰屋，仲入選全球十大夢幻酒店Tim! 
全酒店只得五間IGLO咋！係出發前一兩月上網check，有D日子仲full晒tim！緊係一早book定啦！


來到Greenland 先發現，IGLO真係一D都唔貴，$1400-DKK ($1700-HKD )一晚，係首都Nuuk普通既住宿閒閒地都過千啦！ 所以咁夢幻，咁特別既住宿絕對超值！

Check in後，離開多層既酒店,治著厚厚積雪既木橋步行去懸崖邊既ILGO; 我入住三號房，ILGO 外型真係cool 到爆，對正夕陽，內裡麻雀雖少，五臟俱全，音響仲用貴價野Bose Tim~ 由於ILGO係拱型設計，所有既窗都係天窗黎架！ 希望今晚可以係ILGO睇到北極光啦〜

另外發現其他四間既ILGO都無人住,即係呢一帶既範圍就只有我一個人住咋〜

通往ILGO的木橋

左上:無敵海景浮冰景, 右上:廁所
左下:好warm既床舖,似是海豹皮造既被子

能夠係ILGO內欣賞北極既日落，真係一件美事呀〜 因為唔使受寒冷天氣既懲罰，舒舒服服係室內慢慢欣賞〜 呢D事係我之前係冰島無做過架！因為越多人既行程就要越就人，好多野都要做••• 我終於尋找返屬於我風格既行程啦〜

係海邊一定見到既,就命名為Table Iceberg!

睇完醉人既日落，再欣賞埋Magic hour，襯個天未黑齊未有北極光出現，即時去沖涼先！

由於ILGO太細，廁所盡量濃縮，無企缸只有浴廉，所以沖完成地都係水，唔想不再夢幻，梗係要自行清理啦！ 另外美中不足係熱水唔夠熱•••

沖完涼個天差不多黑齊，即時望吓D天窗啦！大窗就只有星星，而另一邊既細天窗，隔住塊玻璃隱約有D綠光••• 於是即時攞齊相機腳架外出細看啦！ 點知一踏出門口抬頭望••• 嘩！！！ 漫天都是綠色既極光呀！Yeah~ 我終於睇到啦！強度仲好強Tim~ 果一刻我真係好激動，不停大嗌，今次真係好似係秘魯馬丘比丘時，遇到果個遊客咁大叫Amazing勒！
一輪激動過後就細心欣賞，極光望落有點詭異，亦有少少心寒；不過其變幻莫測，真的令人嘆為觀止呀！有時係圓形，有時似條龍係上空飛翔••• 不過我都係最鍾意傳統照片所見到既"帶狀"極光〜 相傳能看到極光既人，係會得到幸福的，唔知能否幫我帶來幸福呢？

冒住寒風斷斷續續咁睇左一個小時，極光從未消失過，只不過係強弱之分；邊個話極光一定要冬天先睇到，邊個名牌旅行社既資深領隊斬釘截鐵咁話我，今個行程一定睇唔到北極光既！

極光! 我終於見到你啦!!!

好似燈神!

另一面既極光,其實個天仲未黑齊架!

明亮既月光慢慢從水平線升起，極光也開始變弱，我也頂唔住寒風啦！ 今次真係睇到唔睇勒！今晚有覺好瞓Lu~ 一個旅程，終於實現晒三個人生願望啦〜
晚餐食埋冰島帶來既半條麵包，免得過期浪費食物，也慳番餐；再飲都係係冰島帶來既即沖熱忌廉湯，即時寒氣盡消〜
我帶左好多係冰島食剩既物資，真係慳番唔少！
@2130


食完野再出去睇吓極強既光芒，極光已被完全比下去，很微弱••• 情況就同冰島last果晚一樣，冰島較南，月光出埋黎當然更加睇唔到啦！ 咁大個仔，第一次咁唔想見到月光咋•••
@2245


今晚瞓覺，當然要開晒D窗廉，係極光既懷抱下瞓啦〜