Day 15 極地初體驗(格陵蘭Nuuk)

(Day 15) 2012-10-05

住宿：Ilsulisat Hostel 
行程：格陵蘭Nuuk --> Ilsulisat


鬧鐘較左0830起床，但工人7點幾就開dup野，因為HEE Hotel旁有一個地盤。 打開窗廉，第一次真正看清楚呢個格陵蘭首都。


早餐算是豐富，食飽後要快執拾行裝check out，因為這裡是1000 check out的！

HEE Hotel

當地人似足亞洲人,相傳來自西伯利亞

先去Greenland Bank換錢，然後趁有個多小時既空檔，來個慢步市中心先~ 然後去旅客中心攞一點資訊，有市內巴士圖，但只得丹麥文，要個staff來講解。個staff仲話依家唔算好high season，因為國內有唔同地方既官員來Nuuk開會，所以酒店咁full啫〜 

Nuuk有如一個小鎮，亦不乏現代化，是一個現代化正在吞沒傳統既一個地方，有update既電器舖頭，亦有當地賣傳統手織物品既攤檔, 仲有係冰島至愛既超市Bonus呀！ 不過呢度唔係用隻豬做牌子，改用北極熊呀〜 但係貨架上既貨品疏落,睇黎係業務剛進駐格陵蘭; 及後終於去到係冰島無睇既魚市場,有好多三文魚同其他生活於北冰洋一帶既鱈魚呀〜

的士

略略咁行過市中心,就返酒店攞行李出發; 正等候巴士其間，遇著大雪，只是半個小時既時間，就由晴天變為大雪喎! 無風既大雪慢慢飄下，很美！無風的雪是我第一次見！（之前遇到既都係暴風雪）之後有一個貌似日本人既當地人上前同我搭訕，仲話自己搭的士去開機場，請我埋我Tim~ 嘩！真係好，有順風車坐! (去機場成舊幾水港幣架)
傾談其間，他原來十多年前被送到日本作交流生; 可以頭先誤以為我是日本人才對我有好奇••• Anyway, 短短一日多D就遇到幾個好人，係咪Greenland人都係咁好架呢？ 於是係機場交換了facebook就分手Lu~