續Day 14 既是結束,也是開始(格陵蘭Nuuk)

續(Day 14) 2012-10-04
住宿：HEE Hotel
行程：冰島 --＞格陵蘭

這個機場似是Air Iceland既專用機場噃~ Check in 完後出到室外，於寒風下食包餅，飲埋保暖壺內的暖水，望著被晚霞覆蓋的冰島,回想與港女既相處,思潮起伏,呆呆出神...

過了保安檢查後到達一個小小既候機室，即時看到很多Greenland 既地圖掛在牆上啦〜

選乘Air Iceland，1945開出，前往格陵蘭首府Nuuk。本班是（縲旋掌）飛機，行樓梯登機時看見機門旁有冰島國旗同另一支旗，相信這就是格陵蘭既旗吧！
於機倉內數一數，共十行既座位，如全機滿座則是40人，呢班機都坐唔滿；起飛後發現前面隻窗，兩層厚既窗中間既一條膠帶鬆脫，我都檢查一下，發現原來內層既窗竟是用膠造喎！ 內層都用得膠造，我相信都無危險既••• 之前都搭過幾次縲旋掌機，都無發現到Tim! 算我孤陋寡聞吧！

飛初以為是廉航無飛機餐，我仲係超市買定三文治，點知有餐食喎！ 罐可樂仲要係正常大罐裝Tim! 因為飛機都係比細罐製既。 其實冰島來回Greenland，短短三小時既機程就索價$6000多港幣，一D都唔算廉航呢！


食完餐空姐收回垃圾，我正想掉晒落一個垃圾袋之際被制止••• 啊！原來佢手持兩個既垃圾袋，分清楚來recycle〜 來咁多次歐洲，發現佢地呢D環保意識好好，我地中國人真的要學吓啦！ 中國人裡，暫時只有台灣人有這種強烈意識！


由於尋晚掛住睇北極光，只瞓左4粒鐘完餐，打遊記到呢度，要早抖啦〜 （我發覺一個人既旅程才會去到邊寫到邊架）


Greenland慢冰島兩個小時，4個小時晚機程，係當地時間2145到達Nuuk，當飛機穿過雲層準備降落時，原來Greenland暴風雪呀！
今日整天個肚都不太好，勢估唔到係極地Greenland做既第一件事原來係光顧廁所！仲係廁格門後眾多既留名發現"香港"既字樣Tim 〜 Freddy! 快同我相認吧！
另一件事原來我又攪錯啦••• 我班機聽日中午先至飛呀！ 睇吓易唔易搵住宿先，如果唔係就係機場露宿一宵吧！

咁啱有一班Flight即將離開，問過將離開既乘客，這裡住宿一定過千港幣，望一望隻錶依家2300，聽日要成點鐘先飛，係住就襯早唔好蝕啦！ 不過就等左好耐都無Taxi•••
於是決心係機場宿一宵，但個staff話機場無Flight會close喎••• 即係焗住啦••• 不過又無的士，機場外漆黑一片，好似方圓十里都無燈光咁，有點徬徨Tim••• 唔使驚銀仔，我係身經百戰一定得既！
Nuuk機場很小，無找換店，無map攞，可以話係百無，我怕搭的士都無丹麥貨幣DKK 比呀！經airline staff 協助我call taxi，仲話收credit Tim！估唔到咁先進〜


原來機場到市中心既碼頭，雖然只係短短既6km, 跟錶跳就索價$154Dkk($206-HKD)
的士車到我去碼頭既"seaman house"住宿，呢間我上網都見過，入去一問之下竟然Full晒喎！佢話Greenland 唔同冰島，呢個時候佢地唔係Low season 架！ 幾個staff好幫手，幫我致電問其中一間HEE Hotel還有房，之後仲比埋野我食同飲Tim〜 係free 架！新鮮三文魚三文治同任飲果汁；佢仲攞多一碟比我，費事食晒人啦，食多一塊就走啦，仲差點留低個暖壺••• 

傾計其間其中一個原來無菲律賓人，叫Henry，爸爸係當地人所以留在這裡工作；而且話今日落既大雪，係入冬既第一場雪Tim！
出路遇貴人，也帶來第一場雪比Greenland，相信絕對係好事〜


前往另一間Hotel，佢地建議我搭的士，由於呢度的士咪錶跳得比心跳還要快，所以經指示下決定步行，大約2km；雪已停，也無風，剛才staff所講今天其實遇著好天氣，沿著陰暗既街道，昂首踏雪前往酒店！


沿途有零星既途人，帶著好奇既目光望我，可能格陵蘭人都係亞洲樣呱〜
十多分鐘步行路程，係一間門外聚集左一班喧嘩青年夜場旁，搵到所講既HEE Hotel;及後知道該酒店是用創立了格陵蘭島的首府Nuuk 的Hans Egede來命名的! 每晚$1450-Dkk($2000-HKD)連早餐，真係好鬼貴! 而且wifi仲要pay tim! staff話 Greenland Internet 係十分昂貴的，睇黎要斷絕來往一個星期Lu~