續Day 15 北緯69(格陵蘭Ilsulisat)

(續Day 15) 2012-10-05

住宿：Ilsulisat Hostel 
行程：格陵蘭Nuuk --> Ilsulisat

Check in完又係一間餐廳咁大既機場等侯，見工作人員正為佈滿積雪既飛機清理，唔知會唔會delay呢？


1320準時boarding，呢程選乘Air Greenland，不設劃位；起飛後只見白蒙蒙既陸地，與"綠色土地"這個名相影成趣〜 正如Iceland一片線色土地一樣！ 改呢兩個地名既故事，係好早之前既一本"航海地理征服＂既書本裡睇過。內裡唔係講哥倫布，達咖瑪等大人物，而是講一D比較少人知既航海故事；可能細時鍾意打＂大航海時代＂既Game，自己都對呢D知識有少少興趣。

用海豹毛做架!

機上雜誌介紹既格陵蘭,呢D靚景要包機去,睇黎都無我份了...

本班flight由於要停Kangerlussuaq ，要入少少內陸，空中所見，幾乎見唔倒任何積雪喎！真的如出發前上綱搵資料一段新聞所講，Greenland 既冰雪已溶掉97%啦！ 唔通剛起飛時所見既積雪，只是尋日既一場雪所做成？ 


1415到達Kangerlussuaq，如前往Ilsulisat 既人都要落機等候，因為飛機要加油。
這裡機場大樓比首府Nuuk既場還要大，也有幾間手信店；約十分鐘後再次登機，只夠上洗手間既時間。 

我唔明點解內陸中途站既機場反而咁靚,仲有電子顯示

好似個人樣

無雪覆蓋既Greenland

1515準時到達，Ilsulisat位於北緯69度，正直落雪，話咁易就到左北極圈啦〜 又實現多一個人生願望，呢個旅程只凈下1/2個目標，就係用肉眼睇到北極光！
呢度機場同Nuuk一樣無地圖攞既••• 於是搭的士去前晚book好既Ilsulisat Hostel（$400-DKK ) ;約十分鐘既車輛，就要$100-DKK （$133-HKD)

Hostel大門貼了張寫住我既大名既紙住Room C2,內裡有幾個衣著似足地盤工人既大叔,說不出話來,似是啞巴,帶我到房間。(到後來也不能確定大叔門是否Staff)


安頓好就事不而遲出去行吓啦！ 因為預計聽朝行山，下晝就去遠離市中心既Arctic Hotel,無乜時間留係小鎮。
@1615

機上見到既浮冰,知道就到了

客運大樓

一出機場就見到這架雪橇

有Wifi提供,不過勁貴!

放低完行李竟然有藍天白雲喎！個天變得咁快既？ 於是先諗住去旅客中心，但兩間都close晒，於是行過對面馬路既"World of Greenland " 即早兩日前我就幫呢間Book定今晚Hostel既Agent； 好幫得手既staff丹麥人馬田，原來就係幫我做booking架！佢話因為low season，旅客中心close晒•••即係北部就low season?
另外眾多活動中我只想坐雪橇狗拉既雪橇，不過就要等到11月先有得玩••• 慳返〜
於是經指示下去Disko Line買定後日回Nuuk既船票，原來收1500，聽日星期六及日都close Tim! 因為我早前check過星期日係有船回Nuuk的；於是再返馬田度請教，詢問可否後日上船先即時比錢架？佢又話唔得••• 於是好人都借佢公司既電腦比個做online booking呀！仲令都佢收遲工Tim~
@1715

行行吓又落雪••• 穿過有D似香港舊式公屋既建築物，就搵到地圖有顯示，早前的士司機都有提及過既Hong Kong Cafe啦！
身為香港人一定要食番餐啦！ 裡面既職員全是泰國人，佢地話因為老闆係Chinese 所以就有這個名命。
於是食左個雞肉飯$69-DKK + $10-DKK 汽水；其間八掛問吓佢地幾耐返一次泰國，話可能兩至三年喎••• 又真係幾耐噃!
一邊食一邊寫寄給自己既post card，望出窗外個露台發現有個絕佳景觀架！由於地勢較高，遠望可以較清楚望到D浮冰架〜



食完野係小鎮漫步,這裡全是五顏六色既木屋仔,途經玩吓雪橇狗; 之後去到post office,寄出尤北極圈寄出既post card! 後來D雪越落越大，咁啱去到一個"sport and culture Centre既地方，咪諗住避吓雪囉，點知原來做緊老笑鹹而既小醜show喎！ 座無虛席，坐滿晒成個Hall；又幾好睇喎！諗返自己都廿幾年無認真睇過呢D節目Lu...
@1900

Hostel只有幾個係度做野既大叔，都唔見有其他旅客，都係早D抖，聽朝早去行山〜
@2145

郵局

大雪下影相