Day 16 冰雪封路(格陵蘭Ilsulisat)

(Day 16) 2012-10-06 晴

住宿：Arctic Hotel
行程：Ilsulisat

0700起床食早餐，食左香港帶來既即沖多穀粥，好warm呀！ 食早餐時，班當地人大叔仲向我介紹一陣行山既路線Tim ~ 
看出窗外橫風橫雪，看似成晚都未停過，地上積滿厚厚既積雪，我都擔心緊一陣會否有危險
，唔理咁多啦！勇往直前！ 沖返壺熱水落保暖壺，出發! 帶左咁多日既行山杖終於大派用場啦〜
正想出門口竟然又藍天喎！ 真變化莫測呀！
@0800

雪橇係每個當地小朋友既主要娛樂~

有趣路牌&冰雪油站

行山路線共有長中短三條路線選擇，我揀左中間既一條黃線，因為會路過Greenlandic 既小屋; 而另兩條係睇冰川同浮冰,冰川同浮冰我都睇得多了，而來到Greenland 又只見到木屋仔，當然要睇吓傳統既Greenlandic 啦！
聽住MP3，獨自步行，好鍾意呢種感覺呀! 不過係起點只係沿啱啱剷雪車，開出來既路行左十分鐘，就再見唔到剷雪車開既路，而條山路徑就被大雪掩蓋，佈了一層厚厚既積雪，都搵唔到條路啦！我都嘗試向前行，但每一步都差不多到膝蓋，攪到條褲同鞋窿濕晒… 跟本都睇唔到邊度係深坑邊度係平路! 我驚再行連返轉頭都唔得呀！旅行啫，唔使搵命搏既〜 
於是試吓由另一面進入黃色行山徑，結果亦一樣•••

黃色路線既起點

路經墓地

點行呀...

另一端既起點

一樣無路行...

無路行,休息吓先~

魚市場,個圖示係海豹同鯨魚,不過今日無貨...

咁就攪左3個幾鐘，得個吉！ 諗住睇吓有無手信買啦，點知係一間Agent公司裡撞到4個香港人，並從他們口中得知呢度有Dog Sled tour架！ 由於我今晚要享受夢幻酒店，聽朝又唔想咁早起床，於是十五十六下姑且一問，點知竟然係聽朝1100開始喎！ 成個tour需時兩個鐘••• 咁fit既！ 因為Greenland 興1000 check out，而我回首都既船就1700先至開，竟然係呢個空檔下有我係極地最想玩既節目，真係唔報名都唔得啦！
聽佢講解後，覺得$850-DKK 既價錢真係唔錯！可以坐雪橇狗拉車之餘，而路線亦係我曾經係網上prefer既另類艱辛路線架〜


提起Hong Kong Cafe，原來呢4個香港人係飛機上認識左餐廳老闆，有折扣之餘仲有埋極度昂貴既wifi比佢用呀！ 見咁有著數緊係相約在＂香港＂啦〜

我於是返Hostel攞齊所有很李，就會合香港人! 他們是4名女士，約十日既假期就只玩Greenland Ilsulisat 這一個小鎮… 點解唔去埋其他小鎮呢?
HK Cafe果然好有著數，五碟野只收半價，$175-DKK，真係抵到爛！仲試埋鯨魚肉Tim! 都唔似魚既，有D似食緊豬潤既感覺••• 應該係捕乳類動物既關係吧!
食完後就享用埋Greenland既奢侈品Wifi先〜 來報平安！

Hostel Staff

右面就係鯨魚肉

Ilsulisat 博物館外既石像,不過經過幾次都無開門

又有好Cool既教堂

食完就同香港人道別，前往我今晚既夢幻住宿啦！ 行行吓發現副超唔見左喎！ 於是急速回Hong Kong Cafe睇吓啦，點知無發現••• 成千幾蚊架••• 又破財Tim！ 希望聽日再返Hostel睇吓有無發現啦•••


原本決定步行前往遠離市中心2km既夢幻旅館，因要回頭找尋太陽眼鏡耽誤了不少時間，看見夕陽開始西下，無謂因少少錢而錯過良晨美景架！ 於是改為即時搭的士前往($57-DKK)。