Day 22 進軍溫布萊(英國倫敦)

(Day 22) 2012-10-12  晴

住宿：Grance Fitzrovia Hote

行程：格陵蘭 —> 冰島 —> 英國倫敦

係冰島時間0245就到其首都啦！ 原來兩個機場係有flybus接駁喎！$1950-Kr ($120-HKD) 等我仲準備行半個鐘去巴士站Tim•••

@0400

係機場巴士用Wifi打通世界先~ 因為係Greenland差不多成個禮拜與世隔絕！ 去到機場反而無Free Wifi 用Lu•••

退稅寄post通通做齊（差點唔記得）由於一陣搭既Iceland express 係廉航無餐食，所以食機場買左個凍狗做早餐！$850-Kr 
由於沿路都無wifi，無book定住宿諗住到倫敦再算啦！ 

返到英國，先用£8係Gatwick 搭錯慢車National Express； 與早前搭既easy bus 不一樣，因為easy bus 不停站全程Highway約45min；而National Express 就唔行highway加上站站停，要成個半鐘，係1630到達Victoria站。

係車上睇啱啱load既報紙，原來今晚係溫布萊又有球賽喎！ 對於波牛既我來講梗係不容錯過啦！而溫布萊又係一個世界知名球場，一定要去！

於是個心都飛左去睇波，都費時慢慢搵；係車站有政府既住宿預約機構，就搵佢book，點知佢站今明兩日所有hostel , 床位已full ，盡量幫我搵其他較平既住宿，個staff好用心機咁幫我打左十間八間，最後入住左大呠蘭街既Grance Fitzrovia Hotel £206共兩晚；個staff原籍斯里蘭卡，知我係香港人，仲話係祖家HSBC曾經工作過 Tim! 仲話果度D香港人好cool，無我咁Nice喎〜 我話我是來旅遊嘛，所以心情都好D囉〜

於是即時搭地鐵去酒店放低行李，又撞正放工時間勁多人⋯ 酒店好靚，房間用中國式傢具，咁既價錢都值既，同Greenland Nuuk 既價錢相約，但級數就差得遠Lu••• 都無心欣賞，即時出發，進軍溫布萊！

左下: 好大既Reception
右下:金光閃閃既升降機

今日賽事係世界杯外圍賽，英格蘭對魚腩部隊聖馬力諾；諗住戲碼唔強會有飛賣啦！點知原來都sold out 呀••• 於是係現場幫個大叔，用£48黃牛價買了張波飛（原價為£20•12），仲驚死係假飛死都要個大叔陪我去入閘先肯比錢Tim~

一上路面已見到球場啦~

戲碼唔強，全場英格蘭㩒住聖馬力諾黎打，全場比賽唔刺激，不過用£48就可入來溫布萊睇一場正式既比賽，又可感受到八萬四千幾人既氣氛真係超值呀！

最後贏5比0 ，我都贏左£5既波膽，都係小賭怡情好〜

散場時警方用潮水式疏導，唔知又係咪香港好興講既無故截龍呢？ 哈哈~ 係場外食左個雙層芝士漢堡£5，就返酒店瞓Lu! 由於酒店Wifi要錢，仲好貴Tim! 最後係街角處收到可用既Wifi...

下: 朗尼射12碼