Day 19 慎終追遠(格陵蘭Nuuk)

(Day 19)2012-10-09 晴

住宿：Seamen Hotel

行程：Sisimiut --> Nuuk

尋晚有個二百幾磅既大肥佬瞓左係上格，鼻鼾聲好勁，攪到成間房都嘈到拆天！ 

@0550起床

瞓左兩晚既床位

0640返到Greenland 既首府Nuuk靠岸，我第一時間落船，急急腳就行去大約十分鐘路程既Seaman house Hotel，因為呢度相信係最平，而到Greenland 既第一晚又full晒，再者今次我又無book定，怕同船都有人搵住宿而又full晒，所以迷急急腳囉！

$995-DKK 一晚，共入住兩晚，入房第一件事就係瞓個好覺先〜

1100起床，見返第一日個菲律賓職員亨利等人，大家都好開心； 於是沖D即食麥片就認真行吓Nuuk啦〜 

今日陽光普照，心情都開朗D~ 先去一間墓地旁既餐廳午飯，入到去先知原來又係中國餐館，職員又係泰國人，其中一個泰國職員仲話Ilsulisat HK Cafe 個泰國女仔係佢個friend黎Tim~

食飯其間同開呢度個廚師傾談，他來自泰國清邁，單身，父母都過身，隻身來搵夠錢就返鄉下起大屋喎！

新式建築物

Greenlandic Style

食完就前往Nuuk博物館，途經一個小山丘，頂部有早前講過，又成日係當地見到既，創立了格陵蘭島的首府Nuuk的Hans Egede既石像，聳立頂部望著大海，多麼有氣勢啊！ 這裡可遠眺Nuuk，景致開揚〜

來到毫不起眼既Nuuk博物館，終於有我想睇既野啦！ 內裡有Greenland 既文明介紹及出土文物; 來都Greenland 咁耐，有關呢D既資訊係其他地方完全都見唔到，及後同一個staff傾開，佢話年輕一代崇尚西方文明••• 睇黎一個文明將會完全消失Lu••• 究竟發展是好是壞呢？ 突然諗起一個四字詞語”慎終追遠”，就算世界幻變，我們都應該保留或追思一吓前人留下來的東西吧!

毫不起眼既Nuuk博物館

格陵蘭人,係來自西伯利亞既亞洲人

南方既Musk Ox,唯有係博物館先睇到

及後去到一間手信舖頭，裡面有得寄聖誕咭呀！ 依稀記起出發前上網睇有關Greenland 既資料時，Greenland 都有聖誕老人架！ 個staff話聖誕老人係我先前去既Ilsulisat 居住，但Nuuk這裡都有office，只需填下地址，留空左面比聖誕老人寫祝福說話就得啦〜 $70-DKK 連郵票聖誕咭全包，仲話有20%捐贈比小朋友；一張普通postcard連郵票都要二十幾DKK，依家只係多幾十蚊ok啦〜 將會聖誕前收到，我張聖誕咭唔係寄比別人，而係寄比自己，張咭唔係太靚，但係由格陵蘭聖誕老人寄出，型呀〜

@1600

以下內容可能極度不安

行返市中心又經過第一日行過既魚市場，又入去八吓先〜 一入去終於比我見到今個trip好想見既海豹啦！ 不過見到之後又唔太想睇，成隻海豹斬晒件血淋淋••• 個屠夫仲叫話個內臟好靚，叫我生試Tim... 嘩！ 咁恐怖梗係無試啦！ 不過當地人根本就視為家常便飯，影左一陣相已有幾個人買啦〜

最後行埋附近既百貨公司及超市，係超市好難得先搵到made in Greenland 既野求其作同事的手信； 因為Greenland 無野生產得，全靠入口，大部份都made in Denmark ... 呢樣野就係Musk Ox 乾啦！ 可能同牛肉乾一樣〜

晚餐諗住係酒店食，原來至到1900••• 過左時唯有出去食啦！ 去最近既餐廳又係Chili中國餐館，都要十分鐘；食完飯見到當地人都幾鍾意玩既老虎機，睇左一陣••• 有兩個都贏錢呀！ 一個仲贏成千蚊Tim! 見咁易贏我都玩吓先，當然輸啦！輸左我廿幾蚊••• 

食完又玩完，就去附近酒吧見識吓格陵蘭既夜生活，仲有有Live band 架！ 顧客竟然以年過半百既長者居多，個Look似足魚民及工人；看著舞池有幾個年個半百既大嬸扭動肥腰跳舞都幾攪笑〜

光害大既Nuuk,就算有極光都被掩蓋了...