(Day 20) 2012-10-10 晴
住宿:Seamen Hotel
行程:Nuuk
食飽早餐返房間又hea一陣先去跑步,換上一身完全唔pro既T-shirt短褲去跑; 一出戶外⋯⋯
好鬼寒呀! 跑步時好大風,雙手冰冷及凍到耳仔好痛呀! 寒風下個人跑到好似行路咁慢,亦都可能我平時都極少跑步呱! 沿馬路旁既行人路跑,當大車駛過時揚起既灰塵好勁,所以跑一段去到另一面既港口就回頭Lu... 返到酒店hea左一陣,近呢一兩日先沈迷打機,呢隻game download落部I pad 成年依家先玩,係隻射鬼既推錢機⋯⋯ 唔得!我黎旅行架,唔可以沈淪架! 於是磨左個零鐘先死死氣沖涼!
好鬼寒呀! 跑步時好大風,雙手冰冷及凍到耳仔好痛呀! 寒風下個人跑到好似行路咁慢,亦都可能我平時都極少跑步呱! 沿馬路旁既行人路跑,當大車駛過時揚起既灰塵好勁,所以跑一段去到另一面既港口就回頭Lu... 返到酒店hea左一陣,近呢一兩日先沈迷打機,呢隻game download落部I pad 成年依家先玩,係隻射鬼既推錢機⋯⋯ 唔得!我黎旅行架,唔可以沈淪架! 於是磨左個零鐘先死死氣沖涼!
@1330
其實今日想試新野,不過出門口時都1415,唔想再搵所以又係Chili,當食完野準備起行時發現係冰島買既冷帽唔見左既? 於是係餐廳內周圍搵但無發現⋯ 可能早前洗完頭個頭未乾拎住行而遺失,於是行左返轉頭一段路又無••• 唉! 計計吓後日係冰島轉機,班flight係0900,D舖頭都未開門,即係買唔返;呢份買比自己既手信我好鍾意架! 攪到成日都無晒心機••• 行街時見到兩次第一日車我去機場個當地男人,佢仲叫我一齊食晚飯,我真係無乜心情••• 諗返起都唔記得好好報答他tim!
後來心裡再盤算,頂冷帽係冰島未退稅喎! 依家得張單無件貨比佢睇,萬一唔退比我迷雙重損失? 於是去警署諗住make 個Lost report ,到時有個証明比冰島退稅,又可返港claim保險,一舉兩得!
去到警署,警察好友善咁聽我要求,不過最後佢講,丹麥與格陵蘭既警察,無唔會做Lost report的,除非是Theft 或者( stolen) 先會同你開case••• 之前一直有同人講開呢D問題,好多人去完大眾口中所謂歐美先進國家,係當地唔見野,只係想簡單做個Lost report跟本唔會受理;之前機場工作接觸到一名遊客,佢就係係差不多全歐洲最好既瑞士唔見了銀包,當地警察一樣唔受理,要賴死下才肯做,不過就只開一個item(HK ID card)! 其他如credit card, cash通通唔加上去,即係等於無報過案! 要返來香港第一時間做報失。 不禁諗返,香港人真係要乜有乜,肯開聲肯鬧就如你所願,香港人係咪真係身在福中不知福呢?
於是垂頭喪氣咁回程,途經Chili餐廳玩吓當地人沈迷既老虎機解吓悶,點知比我贏左$50-DKK 喎! 真幸運!
行到返酒店時,我頂冷帽竟然係酒店外既一舊大石上喎!嘩! 唔通北極光真係會令到人得到幸福?
吓?咁都搵得番?
回覆刪除呢下真係神奇!!!
刪除其實香港人真係被寵壞㗎! 响瑞士睇傷風感冒要預約、 開銀行戶口要預約。 無限上網貴到癲。 香港人就要咩有咩。 身在褔中不知福-_-#
回覆刪除直頭係啦! 只要鬧就一定有!
刪除点解要穿短打跑, 咁凍未必出到汗!欧美人唔貪心, 我係機場溜左件褛同手袋也原封不動!
回覆刪除因為我無帶長運動裝囉~
刪除嘩~ 你都幾好彩噃~
頂冷帽都幾靚!唔見左就心痛C!
回覆刪除係冰島既風格架~ 最緊要係我買唔返⋯
刪除你都幾經常唔見嘢喎~~~
回覆刪除hehe⋯⋯
刪除之前去Finland同NZ前都唸過跑下步順便欣賞風景....可惜最後又忘記左.....
回覆刪除我都係C忽痕諗到咋!
刪除