Day 24 愛得太遲(英國倫敦)

(Day 24) 2012-10-14

住宿：航班上

行程：倫敦—>多哈

呢間酒店算是照顧周到，星期日既早餐時間延遲多半個鐘，即係可以瞓多半個鐘〜

食完早餐後決定今個行程最後一日既節目，就係搭古老既雙層巴士~
從網上得知現今只有9及15號路線仍有古老巴士運作，於是前往Trafalgar Square既總站搭啦！

於是去到街口既單車站，用credit card check 一 check ，原來仲有5個幾鐘頭剩喎！ 梗係踩單車去啦〜

其間路經一處好多中文字既地方，望一望每隔幾分鐘就見到既地圖，原來China Town就在不遠處咋！ China Town都係我好想去既景點，梗係要去參觀啦〜

入到China Town ，就好似睇電視咁有個好大既牌坊； 說來慚愧，去左咁多個國家，身為中國人都無去過China Town•••

諗住過隔離街既單車站交單車時，發現全都Full晒，無位泊! 呢個情況係倫敦好少見，通常單車站只會無單車，即係証明中國人跟本唔鍾意踩單車，依家富起來當然理得你乜野叫環保吖! 英國政府咁好既政策D中國人竟然唔識貨，唉••• 

我唯有去遠離少少既單車站交車吧•••

步行China Town其間，成個China Town 瀰漫著熟悉既氣味⋯ 原來有中國人既地方，就有我地既中國人既氣味架！ 呢種氣味就係我地中國人既食物勒！ 街頭蒸野既氣味，雞蛋仔既氣味，食市滲出來既氣味••• 好有家既感覺呀！

見有少少肚餓，食係香港有一段時間都無食過既小丸子先 £2•5，加一罐黃老吉£1；  由街頭去到街尾，喜見Offical既路牌，奠基石刻等，全是繁體中文，可能第一批來定居既華人係民初時期呱（我估）

@1310

唐人街無人用既單車...

去完China Town就係單車站攞架單車，全速前進去搭懷舊巴士啦〜 原來都路徑大笨鐘，遠望London Eye喎！ 踩單車到過世界著名景點都幾Yeah噃〜

去到Trafalgar Square，我係用尾隨巴士既方法，用左一段時間先搵到起點初頭既巴士站架! 因為停泊巴士既總站無得上客，又唔想攪錯係尾站上車•••

我跟!

總站,但只供停泊!

我搭既係9號，新舊既巴士一同運作，等了第一架係新車，第二架終於係我想搭既懷舊巴士啦〜 Yeah~

我細細個住慈雲山，成日都搭呢類型晚巴士架，我好記得慈雲山既幾路巴士，就只有3C路線用呢款好似貨車頭既巴士！ 不過細心比較，英國呢款應該歷史更久遠呢！ 因為只得車尾有門；我細時坐既已經有前門及中門啦! 呢款巴士係自我懂事以來無見過架！

沿途並唔係細心欣賞風景，而係回憶返小時候呀！我由最初坐上層改為坐下層，因為細個得幾歲時，就係經常同已過身既嫲嫲搭3C出旺角啦〜 而嫲嫲老人家當年就緊係唔會坐上層啦！ 我好記得當年既座位係硬繃繃既膠櫈，個燈罩就似足一粒肚臍餅，燈光昏暗。 

嫲嫲，自我工作後，比左自己好多籍口自己無成日去探你，或者慢慢同你傾電話，有時仲嫌你煩Tim! 因為你每日梗打一兩次比我，都係問我食左飯未，反乜野更，拍拖未等等••• 其實都係三幅屁；依家我都想你每日打電話煩我呀！真係愛得太遲•••
由於Oyster card唔夠錢，焗比cash，約25分鐘既車程就收超過£2啦！

等了第一部係新車

第二部終於比我等到啦~

內部已翻新

售票員

落車後最近既地鐵站又暫停服務，倫敦地鐵經常都話upgrade , 維修等••• 如係香港實比人剷到上天花板啦！ 於是入站內增值問人借返來既oyster card ,點知一問之下呢度仲有得買2012年紀念版喎！咁之前去D舖頭又話無可能再買到既••• 

途經親切既郵筒

2012紀念版

其實諗住踩返住宿既呠蘭街架！ 不過又行錯路，又夠鐘，於是踩到去第二個underground再搭返去啦！ £1玩足兩日真係抵呀！ 極力推介！

返到呠蘭街，又係去尋晚間Pub，食Fish&Chips來做個旅程最後既一餐呀！約£14

@1800