Day 24&25 不快也是經歷(完)

(Day 24&25) 2012-10-14&15

住宿：航班上

行程：倫敦 —>多哈 —> 香港

食完返酒店攞返D行李，預成個鐘去機場諗住夠時間啦！ 點知我要去既Terminal 4 ，係要去到機場前一個站特別轉車，因為所有既地鐵都去Terminal 1，2，3及5的，就係無4!!!
等呢班車就零捨耐，等左成20分鐘呀！ 攪到好多人都好趕，一到Terminal 4就個個奔跑，真係好好笑！ 當然我都跑啦，落車時2030，我班機係2130呀！

剛才轉車時，認識了一對上海夫婦，起初望落以為是日本或韓國人，但聽佢地講普通話就估他們是台灣人，後來傾落先知原來來自上海•••

點解我會咁估？因為首先看他們衣著整齊，沒有內地人果種周身銅臭暴發戶感覺，便以為他們是日本，韓國人⋯ 聽到他們說普通話時，兩夫婦談吐間真係蚊滋咁細聲，亦無粗聲粗氣，大聲呼喊果種令人討厭既聲線，另外他們舉止也彬彬有禮，所以我猜是台灣人！勢估唔到係我地既國民呀！真係萬中無一呀！ 我真係好高興與他們有一面之緣，如果全中國既人都好似佢地咁樣，就一定唔會有人唔鍾意中國人，我地個個都會好自豪咁高呼自己係中國人啦〜

唔知我係咪check in 得太遲，又或者有心比個地勤整估，攪到我兩程機都係坐中排既中間位•••

返多哈果程都OK既，班機唔爆，我係最後果排同個肥佬兩個人坐三個位，不過第二程就慘Lu•••

第二程班機Full晒，坐我左手面周身名牌既國內青年都算好D，不過坐我右面既菲律賓既婆婆就攪到我成程機無攪好瞓，我呢程機係好需要瞓覺的，因為成個月來時差關係呢個時間我正在熟睡中；呢位不太老既婆婆，首先放左個大袋係腳吓，變相雙腳要擘大一點座，而佢又成日做腳部運動經常踩到我，我將隻腳伸前避佢，無耐後佢亦伸前做運動觸及我隻腳，我於是縮後，他後來亦一樣，其實我曾經望住佢，佢都講過sorry，咁又點丫••• 再者又到後面位又係老人家，起身時永遠用手抓實前椅背來起身，即抓住我椅背連埋我既頭髮來借力起身，成晚一瞓著時就抓左我幾次，都唔明佢個仔點解唔同佢掉位比佢坐出面••• 真係忟到快爆發啦！ 

唉••• 個個都係咁，加上又老人家，又真係話得幾多個丫••• 總之呢程機我就極度煩躁啦！

去到最後返到香港機場，架機係跑道碌緊返登機橋之際，我地既同胞又出招啦！ 就係空姐叫極都唔理，起身走左去廁所！ 唉•••

最後一程機，帶著疲倦既身軀⋯ 旅程就此完結了!