Day 1 Last Call(俄羅斯新西伯利亞)

(Day 1) 2013-6-10 

住宿 :Irkutsk. Hostel

行程 :香港 —> 新西伯利亞 —> Irkutsk 

選乘”S7”西伯利亞航空既航班C7 832，前往新西伯利亞； 由於我係機場工作，check-in後懶醒懶老定走去澳X茶餐廳食早餐，但就唔記得Gate 510閘口係北衛星，計少左程停機坪既接駁巴士去登機閘口，攪到要地勤打電話催我，話全班機差我地兩個... 之後仲陪我地跑去閘口登機! 真係辛苦晒Has d地勤職員lu…

@ 0955

C7 832 只有1/3既乘客，而且得我地兩個係中國人咋！ 

D早餐都未消化，起飛後無耐係1130就派飛機餐，好豐富，有雞肉酸菜沙律、芝士杏仁青蘋果、一大件蛋糕連忌廉，仲有一大盒飯！ 盡量食晒佢，留起D麵包來今晚等候轉機時食~

由於班機好少人，可以揾到三連位打橫瞓，所以約6個小時既機程好快就過去~ 

航班有兩餐,上正餐下甜品

自製螢幕

香港時間1630到達新西伯利亞,這裡慢香港一個小時即1530; 係飛機上望落係一個大城市，其實呢度係遠東西伯利亞區既最大城市！ 一落機係停機坪，即時感到內陸氣候十分乾爽，氣溫是25°C，同幾個鐘頭前悶熱既香港，呢度真係爽到爆呀！

特區護照過關順暢，相信係因為有直航! 機場唔覺有到境大堂 ，出完海關就係室外; 先去Terminal B 既國際航線大樓換錢(因為職員話Terminal A無得換錢)，當進入Terminal B 既時候，即時比個便衣警察截查passport, 及後軍裝都行埋黎，不過佢地好快睇完就比返我地lu~ 這是我第一次比俄國警察截查，亦無勒索！ (上次玩俄羅斯無被查過)   原來兩個客運大樓見到有大量既內地人，可能黎工作呱~

換錢方面，$1-USD=$32.15-RUB,比上次一年前來俄羅斯既匯率抵玩左喎~ 

新西伯利亞機場既標誌,好貼切呀~

由於仲未check得in, 所以係外圍週圍行吓食個tea, 係Terminal B對開，有好多當地工人食既平民餐廳，叫左支有氣黑茶+一份紅菜頭煙三文魚沙律,再食埋早前係飛機食剩既麵包。 係餐廳發現，呢度烈酒每杯最平只需$15-RUB($4-HKD)，而一枝樽裝汽水就要$55-RUB, 你話俄羅斯點會唔多酒鬼丫！ 就係打緊呢段遊記期間，就有一個酒鬼同緊港女傾計勒!

舊式巴士與平民Cafe

候機室有free wifi, 1935 boarding，一樣乘西伯利亞航空C7 3511前往主菜之一貝加爾湖既Irkutsk，其實最初有諗過呢段係坐西伯利亞鐵路，但由於唔夠時間就改搭飛機吧⋯ 所以今次並不是西伯利亞”鐵路”之旅黎架!

!

1855 準時起飛，兩個鐘既機程好快過，Irkutsk 比新西伯利亞快兩小時，當地時間2340到達，攞完行李就用Taxi櫃台服務，搭的士到book好既住宿, 車資與住宿staff所講既相約$300-RUB，好老實~