旅行•結婚•蜜月@加勒比海

銀仔人到中年，終於走進人生既另一個階段，就係要成家立室勒！ 與港女相處過三個年頭，及經歷過多次既旅程，她不只是一位好太太，也是一位好旅伴，所以拍拖無耐，已覺得只有她才可以與我㩗手逛盡地球任何角落既人。

網上搵到既粉紅沙灘

銀仔熱愛旅遊，註冊當然選擇外地啦！ 地點為加勒比海上既一顆明珠—巴哈馬群島。 

為何選擇這裡？ 其實要由與港女初相識既第一日說起，話說當時港女知道我熱愛旅行，便問我知唔知世上有個粉紅色既沙灘？ 我當時真係比佢考起... 於是上網搵資料，原來呢個沙灘就係巴哈馬群島既Harbour Island上，沙灘上既沙呈現粉紅色的，真係神奇！ 並且知道港女原來係鍾意桃紅色，正所謂"中女愛粉紅"，哈哈～ 於是print左份關於粉紅沙灘既介紹，放進港女寫字樓內，自始這個粉紅沙灘就成為了我倆既夢幻婚禮之地！

其實如認識我一段時間既朋友，我既蜜月dream place並不是加勒比海，而是南太平洋既大溪地，不過一次過天南地北咁飛難度好大，機票安排左度右度都極其浪費時間及金錢，都係放棄吧... 大溪地留待五週年或十週年才去啦！

這次結婚之旅我唔再講中美洲，因為香港人9成唔識，包括港女D朋友，一講結婚去中美洲，佢地即時反應係"吓，乜地方黎架，點解去埋呢D地方？"  對於只鍾意去泰國台灣既佢地黎講，唔知一D都唔出奇，佢地唔知有好多球星會去加勒比海D島國渡假，佢地唔知前總統克淫頓係加勒比海既海地honeymoon，佢地也唔知道當年戴安娜皇妃就係正正係我地要去既巴哈馬群島honeymoon，所以都係講返加勒比海D人會熟悉少少既。

這個旅程我會分三part，"旅行" 、”結婚"、"蜜月"，結婚早前已講過係巴哈馬群島，而蜜月應該會去牙買加，旅行就好大機會會墨西哥、古巴、開曼群島。

另外從現在起，港女已成為銀仔流浪記既一份子，有些遊記將會出自佢既手筆，亦都會寫明係港女寫既，不過其他人一定一睇就能分辨，因為港女係讀書人，工作係翻譯，又曾經係雜誌社工作過，一定無銀仔咁多錯別字，口語化！ 哈哈～

下一篇”BNO續期血淚史"由港女演繹！

PS：呢篇都係攞左美國Visa先Post，免得被中情局發現我去埋古巴唔批簽證呀，因為美國講明去過古巴既人係唔可以入境的! 不過諗諗吓依家被發現結果都係一樣⋯ 哈哈~