Day 11 日行千里 (埃及Dahab/Taba/開羅)

2005-7-11 Day 11 

住:開羅阿泰屋企

 

其實唸住今日玩埋西奈半島最南部 ,最大,最發達 ,既城市"Sharm al-Shayh" 音(Sam媽色) ,由於果度勁多人 ,物價昂貴 ,所以不在重點... 但係阿泰一早接到開羅打黎既電話後 ,話要返開羅工作lu ,仲同我講Sorry  (傻既 ,已經陪左我咁多日 ,仲講埋呢 d野)

 於是食完早餐 ,就離開美麗既 Dahab lu ... 有 d唔捨得tim...

 

睇我幾嘆~

Taba

回開羅路程我建議改行北面既內陸 , 未去過嘛 ,路經望吓都好格 ~ 回程路經前往以色列既邊境城市Taba (音 "塔巴") 呢度風景都是好靚 , 由於條公路係高處 ,望落海邊有一大片珊瑚礁同美麗既海岸線...

你都估唔都埃及有咁靚既地方呢~

美麗既海岸線 ,仲見到一大片珊瑚礁tim

近Taba的一個島

去到Taba希爾頓酒店仲想同阿泰入賭場玩返兩手昵 ~ (淨係去旅行先入賭場既我 ,都贏錢架 ,之前係韓國同澳洲都係) 不過呢度賭場唔比埃及人(即大力)  ,同揸車入去... 所以就取消入賭場既念頭lu ... 繼續行程

 

行左幾個鐘頭車 ,深入內陸 ,比我見到海市辰樓呀 !!!望返轉頭竟然見到個海woo... 之後無幾耐冷氣都壞埋 係架車裡好鬼熱 ,不過好都乾爽既

 

跟住係個小鎮食午餐後就馬不停蹄咁返去lu ...由於呢條路沿途無名勝 ,極少小鎮 ,荒蕪之極 ,所以都無停留 ,終於係傍晚時分回到開羅~

海市辰樓呀~

開羅

值得一題係全程阿泰揸車 ,我係度瞓覺 ,事後比阿泰鬧我呢 ! 辛苦你 law ~ 沖完涼後阿泰帶左我地食韓國燒烤 ,好好味呀!

食韓國燒烤啦~