Day 5 終於到達開羅啦~(埃及開羅)

2005-07-05 Day 5 

住:開羅阿泰屋企

 

幾經波折,終於到開羅lu~ 由之前係曼谷受到日本人款待後,我已決定請Nori食返餐好既,於是係機場一齊等阿泰黎接我,其間仲

多左個台灣人tim,佢唸住我有朋友係度,可以協助佢搵住宿...

 

獨自走到客運大樓戶外睇吓阿泰黎到未，等候時剛才的台灣女仔蒨瑜也一同來到戶外跟我傾計，期間合照留念同交換咗Email。這時佢媽媽又出動啦，大叫佢返去，佢既旅行團即將出發啦⋯⋯ 

旅程完畢，我倆確實也Long D了一陣，可惜她的學業未完，爸爸反對⋯⋯

其實阿泰每年新年返香港,我地都有一大班人一齊出黎玩的;當阿泰係機場出現係我面前時,我真係認唔出呀,佢同佢請既翻譯"大力"一齊,帶住一頂古怪既帽,有d像埃及人(後來我都有借呢頂帽去流浪呀);其間廣東話,英文,普通話不停出現,攪到頭都大埋,對住Nori講普通話,對阿泰講英文既情況不時出現!

 

不過同Nori相處左幾日,發覺我既英文真係好左,佢唔同普通日本人英文咁差,因為佢係英國留學過,英文好好架~

 

我們跟住先到阿泰屋企放低我d行李,原來阿泰既老婆Milly都係度woo~(佢老婆都係隔離班舊同學黎架)

 

然後我地幫佢地兩人搵左間簡陋既天台住宿,呢間住宿係果個台灣人指定要住的,佢話係National Geographic Channel介紹過woo...睇見Nori個樣真係委屈law...之後叫阿泰搵間貴d既餐廳請返Nori食晚飯,當然台灣人都請埋啦! 唔通叫佢走咩...最後食左五百幾蚊埃磅

HKD$1.5=埃磅$1,阿泰話係埃及黎講係好貴好貴啦!!! 因為當地普通既警察月薪只有$120埃磅咋!!!食完後我塞左張USD$100 比阿泰,佢條友仲唸住唔收我woo...

你睇Nori個委屈樣

阿拉伯色彩既頭盆

 

最後送左佢地兩人返旅館後,阿泰同佢老婆Milly & "大力"帶左我去尼羅河畔既餐飲野,仲見識到當地居民普遍食既"水煙"tim~

 

在尼羅河畔既餐廳

當地人流行吸食既"水煙",近年也傳到香港

阿泰為我準備好既房間